28,28,682 గృహాలపై సర్వే..!!

గ్రేటర్‌ హైదరాబాద్‌లో బుధవారం ఇంటింటి సమగ్ర కుటుంబ సర్వేను రాష్ట్ర బీసీ సంక్షేమ, రవాణా శాఖ మంత్రి, హైదరాబాద్‌ జిల్లా ఇన్‌చార్జి మంత్రి పొన్నం ప్రభాకర్‌ గౌడ్‌ జీహెచ్‌ఎంసీ ప్రధాన కార్యాలయంలో సర్వేను లాంఛనంగా ప్రారంభిస్తారు.

• నేడు గ్రేటర్‌లో ఇంటింటి సర్వేను ప్రారంభించనున్న మంత్రి పొన్నం

సిటీబ్యూరో, నవంబరు 5(నమస్తే తెలంగాణ): గ్రేటర్‌ హైదరాబాద్‌లో బుధవారం ఇంటింటి సమగ్ర కుటుంబ సర్వేను రాష్ట్ర బీసీ సంక్షేమ, రవాణా శాఖ మంత్రి, హైదరాబాద్‌ జిల్లా ఇన్‌చార్జి మంత్రి పొన్నం ప్రభాకర్‌ గౌడ్‌ జీహెచ్‌ఎంసీ ప్రధాన కార్యాలయంలో సర్వేను లాంఛనంగా ప్రారంభిస్తారు. మేయర్‌ జీవీ లక్ష్మి, డిప్యూటీ మేయర్‌ ఎంఎస్‌ఎస్‌ రెడ్డి, జిల్లా కలెక్టర్‌ అనుదీప్‌ దురిశెట్టితో కలిసి మం త్రి ఈ సర్వేను ప్రారంభిస్తారని అధికారులు మంగళవారం పేర్కొన్నారు. 6వ తేదీ నుంచి ఈ నెల 30వ తేదీ వరకు జరిగే ఈ సర్వేలో సామాజిక ఆర్థిక విద్య, ఉపాధి, రాజకీయ, కుల సర్వేను ఇంటింటికీ ఎన్యూమరేటర్లు వెళ్లి సర్వే చేయనున్నారని తెలిపారు.

సర్వే విశేషాలు..

• సర్వేను గ్రేటర్‌తో పాటు సికింద్రాబాద్‌ కంటోన్మెంట్‌ ప్రాంతంలో నిర్వహిస్తారు. మొత్తం 28, 28, 682 గృహాలపై సర్వే ఉంటుంది. ఇందులో కంటోన్మెంట్‌ పరిధిలో 50 వేల గృహాలు ఉండగా, మిగతా 27,76,682 గృహాలు జీహెచ్‌ఎంసీ పరిధిలో ఉన్నాయి. ప్రతి 150 ఇళ్లను ఒక బ్లా కుగా గుర్తించారు. సర్వే కోసం 19,328 ఎన్యూమరేటర్లను బ్లాకులుగా గుర్తించారు. 20% అదనంగా 23,194 ఎన్యూమరేటర్లను అందుబాటులో ఉంచారు.
  శిక్షణ, పారితోషికం..
• మొత్తం 24,427 ఎన్యూమరేటర్లు శిక్షణ పూర్తి చేశారు. ప్రతి 150 ఇళ్లకు ఒక ఎన్యూమరేటర్‌ సర్వే నిర్వహిస్తారు. 10 ఎన్యూమరేటర్లకు ఒక సూపర్‌వైజర్‌, కాగా, ఎన్యూమరేటర్లకు రూ.10 వేల పారితోషికం, సూపర్‌వైజర్లకు రూ.12 వేలు అందిస్తారు. డేటా ఎంట్రీ బాధ్యతలను డీసీల ఆధ్వర్యంలో సర్కిల్‌ స్థాయిలో నిర్వహిస్తారు.
• సూపర్‌వైజర్లు సర్వే ఫారాలను పూర్తిగా సేకరించడం, ఎన్యూమరేటర్లు తప్పు లేకుం డా డేటా ఎంట్రీ బాధ్యతలు నిర్వహిస్తారు.
• 24,427 మంది ఎన్యూమరేటర్లలో 14,401 మంది స్వయం సహాయక సం ఘం మహిళలు, 2877 జీహెచ్‌ఎంసీ సిబ్బంది, 3526 టీచర్లు, 4,387 ఇతర శాఖల సిబ్బంది ఉన్నారు.