మల్లన్న గెలుపు ఖాయం

తెలంగాణ అభివృద్ధి బీఆర్‌ఎస్‌తోనే సాధ్యమని, అసెంబ్లీ ఎన్నికల్లో ప్రతి ఒక్కరూ కారు గుర్తుకు ఓటు వేసి గెలిపించండి.. మరింత అభివృద్ధి చేసి రుణం తీర్చుకుంటానని బీఆర్‌ఎస్‌ ఎమ్మెల్యే అభ్యర్థి, కార్మికశాఖ మంత్రి మల్లారెడ్డి అన్నారు.

• విజయవంతమైన మహిళా గర్జన ర్యాలీ
• దండులా కదిలివచ్చిన 10వేల మంది మహిళలు
• గులాబీ మయమైన బోడుప్పల్‌
• 100 సీట్లు సాధిస్తామన్న మంత్రి మల్లారెడ్డి

బోడుప్పల్‌, నవంబర్‌ 26 : మేడ్చల్‌ బీఆర్‌ఎస్‌ అభ్యర్థి, మంత్రి మల్లారెడ్డి బోడుప్పల్‌లో 10 వేల మంది మహిళలతో ఆదివారం నిర్వహించిన మహిళా గర్జన ర్యాలీ విజయవంతమైంది. దారులన్నీ గులాబీమయమయ్యాయి. రానున్న ఎన్నికల్లో 100 సీట్లు సాధిస్తామని, హ్యాట్రిక్‌ ప్రభుత్వం ఏర్పాటు చేస్తామని మంత్రి మల్లారెడ్డి ధీమావ్యక్తం చేశారు. ర్యాలీకి తరలివచ్చిన మహిళలను చూస్తుంటే ప్రతిపక్ష పార్టీల అభ్యర్థుల డిపాజిట్లు గల్లంతు కావడం ఖాయమనిపిస్తుందని చెప్పారు.

• ప్రచారంలో మంత్రి మల్లారెడ్డికి గ్రామాల్లో ప్రజలు ఘన స్వాగతంతో నీరాజనం పట్టారు. డబిల్‌పూర్‌లో ఎంపీపీ రజితా రాజమల్లారెడ్డి, సర్పంచ్‌ గీత భాగ్యరెడ్డి ఆధ్వర్యంలో మంత్రి ఘజమాల సమర్పించారు. గ్రామాల్లో బోనాలు నిర్వహించి, మంత్రికి మహిళామనులు హారతులు ఇచ్చి తిలకం దిద్దారు.  శ్రీరంగవరంలో జడ్పీటీసీ విజయానందరెడ్డి ఆధ్వర్యంలో బతుకమ్మలు, పోతరాజులతో స్వాగతం పలికారు.
•  గుండ్లపోచంపల్లి మున్సిపాలిటీలో బీజేపీకి చెందిన నాయకులు, యువకులు మంత్రి మల్లారెడ్డి సమక్షంలో బీఆర్‌ఎస్‌లో చేరగా.. వారికి పార్టీ కండువా కప్పి ఆహ్వానించారు.
• ఘట్‌కేసర్‌లో మాదిగల ఆత్మీయ సమ్మేళనం జరిగింది. ఈ కార్యక్రమంలో మంత్రి పాల్గొని మాట్లాడారు. సీఎం కేసీఆర్‌ వర్గీకరణ సమస్యను పరిష్కరించే ఆలోచనలో ఉన్నారని తెలిపారు.
• తూంకుంట మున్సిపాలిటీకి చెందిన బీజేవైఎం రాష్ట్ర అధికార ప్రతినిధి, మేడ్చల్‌ నియోజకవర్గ ఇన్‌చార్జి నూనెముంతల రవీందర్‌గౌడ్‌ పార్టీని వీడాడు. పదవికి, పార్టీ సభ్యత్వానికి రాజీనామా చేసి ఆదివారం ఆయన మంత్రి నివాసంలో బీఆర్‌ఎస్‌ తీర్థం పుచ్చుకున్నారు.

మహిళా గర్జన ర్యాలీ