Jalamandali | వేళకు ట్యాంకర్లు రావాలి: జలమండలి ఎండీ సుదర్శన్‌ రెడ్డి

జలమండలి పరిధిలోని పలు వాటర్‌ ఫిల్లింగ్‌ స్టేషన్స్‌ను ఎండీ సుదర్శన్‌ రెడ్డి బుధవారం సందర్శించారు. కొండాపూర్‌, మాదాపూర్‌, అయ్యప్పసొసైటీ, బంజారాహిల్స్‌, సోమాజిగూడ ఫిల్లింగ్‌ స్టేషన్స్‌ను పరిశీలించి ట్యాంకర్‌ ద్వారా సరఫరా చేస్తున్న నీటి వివరాలు అడిగి తెలుసుకున్నారు.

Jalamandali | సిటీబ్యూరో, మే 8 (నమస్తే తెలంగాణ): జలమండలి పరిధిలోని పలు వాటర్‌ ఫిల్లింగ్‌ స్టేషన్స్‌ను ఎండీ సుదర్శన్‌ రెడ్డి బుధవారం సందర్శించారు. కొండాపూర్‌, మాదాపూర్‌, అయ్యప్పసొసైటీ, బంజారాహిల్స్‌, సోమాజిగూడ ఫిల్లింగ్‌ స్టేషన్స్‌ను పరిశీలించి ట్యాంకర్‌ ద్వారా సరఫరా చేస్తున్న నీటి వివరాలు అడిగి తెలుసుకున్నారు. ఈ సందర్భంగా ఎండీ మాట్లాడుతూ ట్యాంకర్‌ బుకింగ్‌, డెలివరీ టైమింగ్స్‌ను కచ్చితంగా లాగ్‌బుక్‌లో రాయాలన్నారు. 5 ఫిల్లింగ్‌ స్టేషన్స్‌లోని ట్యాంకర్‌ డెలివరీకి సంబంధించిన ఇన్‌ అండ్‌ ఔట్‌ లాగ్‌ బుక్స్‌ తనిఖీ చేశారు. రాత్రి సమయాల్లోనూ నీటి సరఫరా చేసి, ట్యాంకర్ల డెలివరీ సమయాన్ని తగ్గించాలని సూచించారు.