Visit:
IndiGo flight : కోల్కతా (Kolkata) నుంచి చెన్నై (Chennai) వస్తున్న ఇండిగో విమానానికి (IndiGo flight) అత్యవసరంగా ల్యాండ్ (Emergency Landing) అయ్యింది. విమానం గాల్లో ఉండగా ఇంజిన్ ఫెయిల్ (Engine fail) అయింది. దాంతో చెన్నై విమానాశ్రయం (Chennai Airport) లో ఎమర్జెన్సీ ప్రకటించాల్సి వచ్చింది. మంగళవారం అర్ధరాత్రి ఈ భయానక ఘటన చోటుచేసుకుంది.
224 మంది ప్రయాణికులతో ఇండిగో విమానం కోల్కతా నుంచి చెన్నైకి బయల్దేరింది. రాత్రి 11.30 కి అది గమ్యస్థానంలో దిగాల్సి ఉంది. విమానం ల్యాండింగ్కు సిద్ధమవుతున్న తరుణంలో ఎడమవైపు ఇంజిన్ విఫలమైనట్టు పైలట్ గుర్తించారు. వెంటనే ఎయిర్ ట్రాఫిక్ కంట్రోల్ను అప్రమత్తం చేశారు. దాంతో సురక్షిత ల్యాండింగ్ కోసం చెన్నై విమానాశ్రయంలో ఎమర్జెన్సీ ప్రకటించారు. అధికారుల అప్రమత్తతతో ఏడు నిమిషాల తర్వాత సురక్షితంగా విమానం దిగడంతో అంతా ఊపిరిపీల్చుకున్నారు. మరో 10 నిమిషాల తర్వాత ఎమర్జెన్సీని ఉపసంహరించుకోవడంతో కార్యాకలాపాలన్నీ సాధారణ స్థితికి చేరుకున్నాయి.
