ఎంఎంటీఎస్పై మహాలక్ష్మి ఎఫెక్ట్
మహాలక్ష్మి ఉచిత బస్సు ప్రయాణ పథకం ప్రభావం ఎంఎంటీఎస్ లోకల్ రైలు సర్వీసులపై పడింది. ఈ పథకంతో రైళ్లలో ప్రయాణం చేయాల్సిన మహిళలందరూ ఆర్టీసీ బస్సులను ఆశ్రయిస్తున్నారు. దీంతో ఎంఎంటీఎస్లలో ప్రయాణాలు చేసే వారి సంఖ్య గణనీయంగా తగ్గిపోయింది.
- ఫ్రీ బస్సుతో లోకల్ రైళ్లలో 50% తగ్గిన ఓఆర్
- నిరంతరం సర్వీసులు తగ్గిస్తున్న రైల్వే శాఖ
సిటీబ్యూరో: మహాలక్ష్మి ఉచిత బస్సు ప్రయాణ పథకం ప్రభావం ఎంఎంటీఎస్ లోకల్ రైలు సర్వీసులపై పడింది. ఈ పథకంతో రైళ్లలో ప్రయాణం చేయాల్సిన మహిళలందరూ ఆర్టీసీ బస్సులను ఆశ్రయిస్తున్నారు. దీంతో ఎంఎంటీఎస్లలో ప్రయాణాలు చేసే వారి సంఖ్య గణనీయంగా తగ్గిపోయింది. గతంలో ఆక్యుపెన్సీ దాదాపు 50 శాతానికి పైగా నమోదవుతే.. ఫ్రీ బస్సుతో సగానికి పైగా ఓఆర్ తగ్గినట్లు రైల్వే అధికారులు తెలిపారు. మహాలక్ష్మి పథకం అమల్లోకి రాకముందు ఎంఎంటీఎస్లో దాదాపు రోజుకు సగటున 47 వేల మంది ప్రయాణించేవారు. కానీ ఇప్పుడు అందులో సగం మాత్రమే అంటే.. దాదాపు 28500 మందే ప్రయాణిస్తున్నారు. ఇదిలా ఉంటే మహాలక్ష్మి పథకం అమల్లోకి వచ్చినప్పటి నుంచి ఎంఎంటీఎస్ రైళ్లలో మహిళా ప్రయాణికులు తగ్గిపోయారు. ఫలితంగా లింగంపల్లి-హైదరాబాద్, ఫలక్నుమా-లింగంపల్లి, సికింద్రాబాద్-ఉమ్దానగర్, సికింద్రాబాద్-మేడ్చల్ వంటి కొన్ని రైల్వే స్టేషన్ల మధ్య నడిచే లోకల్ సర్వీసులను ప్రయాణికులు లేక తరచూ రద్దు చేసే ప్రక్రియ కొనసాగుతున్నది.
ముఖ్యంగా ఉదయం, మధ్యాహ్నం, రాత్రి వేళల్లో రద్దీ సమయాల్లో కూడా ఎంఎంటీఎస్ను ప్రయాణికులు లేక రద్దు చేస్తున్నట్లు తెలుస్తున్నది. ఈ క్రమంలోనే శనివారం, ఆదివారాలు, సెలవులు, పండగ రోజుల పేరుతో ప్రయాణికులు లేరంటూ డైలీ సర్వీసులు రద్దు చేస్తున్నారు. ప్రారంభంలో మొత్తం 120 సర్వీసులు అందుబాటులో ఉండేవి. కానీ రకరకాల కారణాలతో దశల వారీగా రైళ్లను రద్దు చేస్తున్నారు. 2020 కొవిడ్ వ్యాప్తి పేరుతో అన్ని లోకల్ రైళ్లను రద్దు చేశారు. కొవిడ్ అనంతరం కొన్ని సర్వీసులను మాత్రమే నడిపించారు. దశల వారీగా ఎంఎంటీఎస్లను పునరుద్ధరించినప్పటికీ వంద శాతం అందుబాటులోకి తీసుకురాలేదు. ప్రస్తుతం రైల్వే శాఖ అధికారుల చెబుతున్న లెక్కల ప్రకారం 80 సర్వీసులను నడిపిస్తున్నామంటున్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
తుంగతుర్తిలో ఘనంగా మత్స్య కార్మికుల దినోత్సవం
Ganapati Puja At Police Station | పోలీస్ స్టేషన్లో హోమం.. రేకెత్తించిన రాజకీయ వివాదం
AP Student | గుజరాత్లోని వడోదరలో ఏపీ విద్యార్థి మృతి
El Chapo Isidro | ఎఫ్బీఐ మోస్ట్ వాంటెడ్ జాబితాలోని డ్రగ్ డాన్ ఎల్ చాపో ఇసిద్రో అరెస్ట్..!
వైద్య సిబ్బందిపై డీఎంహెచ్ఓ తుకారాం రాథోడ్ తీవ్ర ఆగ్రహం
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

