Jalamandali | జలమండలిలో మళ్లీ ఓటీఎస్‌.. 31 వరకు పెండింగ్‌ నీటి బకాయిల చెల్లింపునకు అవకాశం!

దీర్ఘకాలికంగా పెండింగ్‌లో ఉన్న నీటి బకాయిలు చెల్లించేందుకు ప్రభుత్వం మళ్లీ ఓటీఎస్‌ (వన్‌ టైం సెటిల్‌మెంట్‌) అవకాశాన్ని కల్పించింది. ఈ మేరకు ప్రభుత్వం తాజాగా ఉత్తర్వులు జారీ చేసింది. ఈ నెల మొదటి నుంచి ఈ పథకం అమల్లోకి రాగా 31వ తేదీ వరకు అవకాశం కల్పించినట్లు పురపాలక శాఖ ముఖ్య కార్యదర్శి దానకిశోర్‌ పేర్కొన్నారు. దీర్ఘకాలికంగా బిల్లులు చెల్లించకుండా ఉన్న వారికి ఎలాంటి ఆలస్య రుసుం, వడ్డీ లేకుండా బకాయిలు చెల్లించే సువర్ణ అవకాశాన్ని కల్పించింది.

• ఆలస్య రుసుం, వడ్డీ మాఫీ

Jalamandali | సిటీబ్యూరో, అక్టోబరు 5 (నమస్తే తెలంగాణ ) : దీర్ఘకాలికంగా పెండింగ్‌లో ఉన్న నీటి బకాయిలు చెల్లించేందుకు ప్రభుత్వం మళ్లీ ఓటీఎస్‌ (వన్‌ టైం సెటిల్‌మెంట్‌) అవకాశాన్ని కల్పించింది. ఈ మేరకు ప్రభుత్వం తాజాగా ఉత్తర్వులు జారీ చేసింది. ఈ నెల మొదటి నుంచి ఈ పథకం అమల్లోకి రాగా 31వ తేదీ వరకు అవకాశం కల్పించినట్లు పురపాలక శాఖ ముఖ్య కార్యదర్శి దానకిశోర్‌ పేర్కొన్నారు. దీర్ఘకాలికంగా బిల్లులు చెల్లించకుండా ఉన్న వారికి ఎలాంటి ఆలస్య రుసుం, వడ్డీ లేకుండా బకాయిలు చెల్లించే సువర్ణ అవకాశాన్ని కల్పించింది.

జలమండలిలో నీటి బకాయిలు పెరిగిపోతుండటంతో వాటిని తగ్గించేందుకు ఓటీఎస్‌ అమలు చేయాలని జలమండలి గత నెల ప్రభుత్వానికి లేఖ రాసింది. దీనిపై స్పందించిన ప్రభుత్వం అందుకు అనుమతులిస్తూ ఉత్తర్వులు వెలువరించింది. ఈ ఓటీఎస్‌ కింద వినియోగదారులు తమ బకాయిలను చెల్లించవచ్చు. ఈ పథకం అక్టోబరు నెలాఖరు వరకు అమల్లో ఉంటుంది. జలమండలిలో గతంలో రెండు సార్లు ఈ వన్‌టైమ్‌ సెటిల్‌మెంట్‌ స్కీంను బీఆర్‌ఎస్‌ హయాంలో 2016, 2020లో ఆమలు చేశారు.

నిబంధనలు

• ఓటీఎస్‌ ఈ నెల 31 వరకు మాత్రమే అమల్లో ఉంటుంది.
• నల్లా కనెక్షన్‌ యాక్టివ్‌లో ఉన్న వారు అర్హులు.
• గతంలో ఓటీఎస్‌ పథకాన్ని వినియోగించుకోని వారు ఒకేసారి బిల్లు చెల్లిస్తే ఆలస్య రుసుం, వడ్డీ మాఫీ అవుతాయి.
• గతంలో ఓటీఎస్‌ పథకం ద్వారా ప్రయోజనం పొందిన వినియోగదారులకు 50 శాతం వరకు బిల్లు మాఫీ అవుతుంది.
• ఈ పథకం కింద ప్రయోజనం పొందాలనుకునే వినియోగదారులు భవిష్యత్తులో 24 నెలల పాటు తప్పనిసరిగా క్రమంగా బిల్లులు చెల్లిస్తామని ఆఫిడవిట్‌ రాసివ్వాలి. అంతేకాకుండా బిల్లు చెల్లింపుల విషయంలో వారు విఫలమైతే ఈ పథకం కింద వారు పొందిన ప్రయోజనాన్ని రద్దు చేస్తారు.
• తమ నల్లా కనెక్షన్‌..డిస్‌ కనెక్షన్‌ స్థితిలో ఉన్న వినియోగదారులు ఈ పథకం ద్వారా ప్రయోజనం పొందాలనుకుంటే ఇప్పటి దాకా పెండింగ్‌లో ఉన్న బిల్లు చెల్లించాల్సి ఉంటుంది.