Visit:
హైదరాబాద్, అక్టోబర్ 23 : ఉస్మానియా యూనివర్సిటీలోని(Osmania University) ఎంప్లాయిమెంట్ బ్యూరో ఆధ్వర్యంలో రిలయన్స్ నిప్పోన్ లైఫ్ ఇన్సూరెన్స్(Reliance Nippon Life Insurance) కంపెనీ ఈ నెల 25న ఉదయం 11 గంటలకు జాబ్ మేళా(Job mela) నిర్వహించనున్నది. ఉస్మానియా యూనివర్సిటీ ఆర్ట్స్ కాలేజీ ఎదురుగా ఉన్న ఎంప్లాయిమెంట్ బ్యూరో కార్యాలయంలో ఈ జాబ్ మేళా నిర్వహించనున్నారు. కంపెనీలోని 30 లైఫ్ ప్లానింగ్ ఆఫీసర్ పోస్టులను జాబ్ మేళా ద్వారా భర్తీ చేయనున్నారు.
డిగ్రీ, మాస్టర్స్ పూర్తి చేసిన 29 నుంచి 45 సంవత్సరాల వయసు గల మహిళలకు మాత్రమే ఈ జాబ్ మేళాలో అవకాశం కల్పిస్తున్నట్లు యూనివర్సిటీ ఎంప్లాయిమెంట్ ఇన్ఫర్మేషన్ బ్యూరో ఒక ప్రకటనలో తెలియజేసింది. మరిన్ని వివరాలకు ఎంప్లాయిమెంట్ అధికారి జోషిని (8340037123) ఫోన్‌ నంబర్‌ను సంప్రదించాలని ఆ ప్రకటనలో కోరారు. విద్యార్హతల సర్టిఫికెట్లతో యూనివర్సిటీ ఎంప్లాయిమెంట్ బ్యూరో వద్ద హాజరు కావాలని సూచించారు.
