విస్తృత తనిఖీలు

ఎన్నికల నగారా మోగడంతో పోలీసులు నగర వ్యాప్తంగా ముమ్మర తనిఖీలు చేపట్టారు. మొదటి రోజు నిర్వహించిన తనిఖీలలో సుమారు రూ. 18 కోట్ల వరకు నగదు, బంగారు, వెండి ఆభరణాలు లభ్యమయ్యాయి. ఈ తనిఖీలలో పట్టుబడ్డ నగ దు, ఆభరణాలను ఐటీ శాఖతో పాటు ఎన్నికల అధికారుల దృష్టికి తీసుకెళ్తున్నారు.

• భారీగా బంగారం, వెండి పట్టివేత
• తొలిరోజు సుమారు 18 కోట్ల నగదు స్వాధీనం

సిటీబ్యూరో, అక్టోబర్‌ 9 (నమస్తే తెలంగాణ): ఎన్నికల నగారా మోగడంతో పోలీసులు నగర వ్యాప్తంగా ముమ్మర తనిఖీలు చేపట్టారు. మొదటి రోజు నిర్వహించిన తనిఖీలలో సుమారు రూ. 18 కోట్ల వరకు నగదు, బంగారు, వెండి ఆభరణాలు లభ్యమయ్యాయి. ఈ తనిఖీలలో పట్టుబడ్డ నగ దు, ఆభరణాలను ఐటీ శాఖతో పాటు ఎన్నికల అధికారుల దృష్టికి తీసుకెళ్తున్నారు. ఎన్నికల షెడ్యూల్‌ నేపథ్యంలో పౌరుల వద్ద రూ. 50 వేల కంటే ఎక్కువగా నగదు నిల్వ ఉండకూడదని పోలీసులు సూచించారు.

• అబిడ్స్‌ పోలీస్‌స్టేషన్‌ పరిధిలోని నిజాం కాలేజీ వద్ద పోలీసులు చేపట్టిన తనిఖీల్లో 7 కిలోల బంగారం, 300 కిలోల వెండి పట్టుబడింది, దీని విలువ సుమారు రూ. 10 కోట్ల వరకు ఉంటుంది. ఈ ఘటనపై సెంట్రల్‌ జోన్‌ డీసీపీ వెంకటేశ్వర్లు మాట్లాడుతూ ఓ ఎలక్ట్రిక్‌ కారులో ఎలాంటి భధ్రత పరమైన చర్యలు లేకుండా 7 కిలోల బంగారం, 300 కిలోల వెండి తీసికెళ్తుండడంతో పట్టుబడ్డారని తెలిపారు.దీంతో బంగారం, వెండిని స్వాధీనం చేసుకొని పూర్తిస్థాయిలో దర్యాప్తు చేస్తున్నాం. ఇది క్యాప్స్‌ గోల్డ్‌ ప్రైవేట్‌ లిమిటెడ్‌ ఆర్‌పీ రోడ్డుకు చెందిన తయారీ కంపెనీదని వెల్లడయ్యిందన్నారు.
• చందానగర్‌ పోలీస్‌స్టేషన్‌ పరిధిలోని తారానగర్‌లో అక్రమంగా తరలిస్తున్న 5.65 కిలోల బంగారాన్ని స్వాధీనం చేసుకొని ముగ్గురిని అదుపులోకి తీసుకున్నారు.
• ఫిలింనగర్‌ పరిధిలో షేక్‌పేట్‌ నారాయణమ్మ కాలేజీ సమీపంలో తనిఖీలు చేస్తుండగా రూ. 30 లక్షల నగదు స్వాధీనం చేసుకొని నలుగురిని అదుపులోకి తీసుకున్నారు.
• శంకర్‌పల్లి ఠాణా పరిధిలోని బీడీఎల్‌ చౌరస్తా, గాయత్రి దవాఖాన సమీపంలో రూ. 80 లక్షలు పోలీసులు స్వాధీనం చేసుకున్నారు.
• చైతన్యపురి పోలీస్‌స్టేషన్‌ పరిధిలో బైక్‌పై వెళ్తున్న వ్యక్తులను తనిఖీ చేయగా రూ. 30 లక్షలు పట్టుబడ్డాయి.
• హాబీబ్‌నగర్‌లో రెండు చోట్ల తనిఖీలు చేయగా రూ. 17 లక్షలు పట్టుబడింది.
• మంగళ్‌హాట్‌ పోలీస్‌స్టేషన్‌ పురానాపూల్‌లో రూ. 15 లక్షలు లభించాయి.
• చాదర్‌ఘాట్‌ పోలీస్‌స్టేషన్‌ పరిధిలో నిర్వహించిన తనిఖీలలో రూ. 9.3 లక్షలు పోలీసులు స్వాధీనం చేసుకున్నారు.
• షాద్‌నగర్‌లో రాయికల్‌ టోల్‌ ప్లాజా వద్ద నిర్వహించిన తనిఖీలలో రూ. 11.5 లక్షలు స్వాధీనం చేసుకున్నారు.
• జుబ్లీహిల్స్‌లోని ప్రగతినగర్‌, మధురానగర్‌, బోరబండ ప్రాంతాలలో పోలీసులు నిర్వహించిన తనిఖీలలో అక్రమ మద్యం సీసాలను భారీ ఎత్తున పట్టుకున్నారు.
• శేరిలింగంపల్లిలోని గోపన్‌పల్లి తండాలో ఓటర్లకు పంచిపెట్టేందుకు నిల్వ చేసిన కాంగ్రెస్‌ నాయకుడు రఘునాథ్‌ యాదవ్‌ పేరుతో తయారు చేసి అక్రమంగా నిల్వ ఉంచిన 90 కుక్కర్లను పోలీసులు స్వాధీనం చేసుకున్నారు.
• గోపాలపురం పోలీసులు హోటళ్లలో తనిఖీలు చేపట్టి నాలుగు లక్షలు స్వాధీనం చేసుకున్నారు.
• మాసబ్‌ట్యాంక్‌ పోలీసులు ఓ వ్యక్తి నుంచి రూ.3,36,100 స్వాధీనం చేసుకున్నారు.
• వనస్థలిపురం పోలీసులు సామనగర్‌ నివాసి నుంచి రూ.5.16 లక్షలు, తుక్కుగూడ నివాసి నుంచి రూ.1.35 లక్షలు స్వాధీనం చేసుకున్నారు.