తెలంగాణలో బీజేపీకి చోటులేదు

తెలంగాణలో బీజేపీకి చోటులేదని, మునుగోడు ఎన్నికల్లో టీఆర్‌ఎస్‌ పార్టీ విజ యం తెలంగాణ రాష్ట్రంతో పాటు జాతీయ రాజకీయాల్లో కీలకమైన మలుపుగా మారనుందని జూబ్లీహిల్స్‌ ఎమ్మెల్యే మాగంటి గోపీనాథ్‌ అన్నారు.

• మునుగోడు విజయంతో దేశ రాజకీయాల్లో కీలక మలుపు
• జూబ్లీహిల్స్‌ ఎమ్మెల్యే మాగంటి గోపీనాథ్‌
• కార్యకర్తలతో కలిసి సంబురాల్లో పాల్గొన్న ఎమ్మెల్యే

బంజారాహిల్స్‌/బేగంపేట్‌/అమీర్‌పేట్‌/జూబ్లీహిల్స్‌/బన్సీలాల్‌పేట్‌/ఎర్రగడ్డ, నవంబర్‌ 6: తెలంగాణలో బీజేపీకి చోటులేదని, మునుగోడు ఎన్నికల్లో టీఆర్‌ఎస్‌ పార్టీ విజ యం తెలంగాణ రాష్ట్రంతో పాటు జాతీయ రాజకీయాల్లో కీలకమైన మలుపుగా మారనుందని జూబ్లీహిల్స్‌ ఎమ్మెల్యే మాగంటి గోపీనాథ్‌ అన్నారు. మునుగోడు ఎన్నికల్లో టీఆర్‌ఎస్‌ విజయం సాధించిన సందర్భంగా జూబ్లీహిల్స్‌ నియోజకవర్గంలో సంబరాలు ఘనంగా నిర్వహించారు. ఎమ్మెల్యే మాగంటి గోపీనాథ్‌ ఆధ్వర్యంలో భారీ బైక్‌ ర్యాలీ నిర్వహిస్తూ బంజారాహిల్స్‌లోని తెలంగాణ భవన్‌ వద్దకు చేరుకున్నారు.

ఎమ్మెల్యే మాగంటి గోపీనాథ్‌ ఆధ్వర్యంలో పెద్ద ఎత్తున బాణసంచా కాలుస్తూ సంబరాల్లో టీఆర్‌ఎస్‌ కార్యకర్తలు, నాయకులు పాల్గొన్నారు. ఈ సందర్భంగా ఎమ్మెల్యే మాగంటి మాట్లాడుతూ.. మునుగోడు ఎన్నికల్లో ప్రజలు బీజేపీకి బుద్దిచెప్పారని, అబద్ధాల పునాదుల మీద రాజకీయాలు చేస్తున్న బీజేపీకి తెలంగాణ రాష్ట్రం లో చోటులేదన్నారు. ఈ గెలుపుతో బీఆర్‌ఎస్‌గా మారనున్న టీఆర్‌ఎస్‌ పార్టీకి జాతీయ రాజకీయాల్లో తొలివిజయం దక్కినట్లయిందని ఎమ్మెల్యే మాగంటి పేర్కొన్నారు.

• మునుగోడు జరిగిన ఉప ఎన్నికలో టీఆర్‌ఎస్‌ (బీఆర్‌ఎస్‌) పార్టీ అఖండ విజయం సాధించడంతో ఆదివారం సనత్‌నగర్‌ నియోజకవర్గంలో పార్టీ శ్రేణులు సంబురాలు జరుపుకున్నారు. బేగంపేట్‌, రాంగోపాల్‌పేట్‌ డివిజన్‌లలో పార్టీ నాయకులు కార్యకర్తలు బాణాసంచాలు కాల్చి మిఠాయిలు పంచి పెట్టారు. బేగంపేట్‌లో కార్పొరేటర్‌ మహేశ్వరి, రాంగోపాల్‌పేట్‌ డివిజన్‌లో మాజీ కార్పొరేటర్‌ అరుణగౌడ్‌ ఆధ్వర్యంలో ఈ సంబురాలు జరిగాయి. అధ్యక్షులు ప్రధాన కార్యదర్శులు కార్యకర్తలు పెద్ద ఎత్తున ఈ సంబరాల్లో పాల్గొన్నారు. ఈ కార్యక్రమంలో బేగంపేట్‌ బీఆర్‌ఎస్‌ నాయకులు శ్రీహరి, మహ్మద్‌ అఖిల్‌, శ్రీనివాస్‌గౌడ్‌, శేఖర్‌ ముదిరాజ్‌, యాదగిరిగౌడ్‌, నరేందర్‌రావు, నరేశ్‌, సి సత్యనారాయణ, తాళ్ల రాజయ్య, రాంగోపాల్‌పేట్‌ డివిజన్‌ నాయకులు శ్రీనివాస్‌గౌడ్‌ తదితరులు పాల్గొన్నారు.
• అవకాశవాద రాజకీయాలను తిప్పికొడుతూ మునుగోడు అసెంబ్లీ స్థానానికి జరిగిన ఉప ఎన్నికల్లో టీఆర్‌ఎస్‌ ఘనవిజయంతో జైత్రయాత్ర షూరువైందని బీఆర్‌ఎస్‌ (టీఆర్‌ఎస్‌) సీనియర్‌ నాయకులు గులాబ్‌సింగ్‌ రాజ్‌పురోహిత్‌ పేర్కొన్నారు. టీఆర్‌ఎస్‌ గెలుపును పురస్కరించుకుని ఆదివారం గులాబ్‌సింగ్‌ నేతృత్వంలో అమీర్‌పేట్‌ కనకదుర్గమ్మ దేవాలయ చౌరస్తాలో బాణాసంచా పేల్చి, స్వీట్లు పంచారు. ఈ కార్యక్రమంలో బీఆర్‌ఎస్‌ నాయకులు అశోక్‌సింగ్‌ రాజ్‌పురోహిత్‌, విజయ్‌సింగ్‌ రాజ్‌పురోహిత్‌, గుడితె శ్రీనివాస్‌యాదవ్‌, సత్యనారాయణ యాదవ్‌ తదితరులు పాల్గొన్నారు.
• మునుగోడు ఉప ఎన్నికలో టీఆర్‌ఎస్‌ ఘన విజయం సాధించడంతో పార్టీ శ్రేణుల సంబురాలు అంబరాన్నంటాయి. ఆదివారం యూసుఫ్‌గూడలో కార్పొరేటర్‌ రాజ్‌కుమార్‌ పటేల్‌ ఆధ్వర్యంలో టీఆర్‌ఎస్‌ శ్రేణులు విజయోత్సవ వేడుకలు జరుపుకున్నారు. యూసుఫ్‌గూడలోని పలువురు టీఆర్‌ఎస్‌ నాయకులు పటాకులు కాల్చి.. మిఠాయీలు పంచిపెట్టారు. ఈ కార్యక్రమంలో బీఆర్‌ఎస్‌ (టీఆర్‌ఎస్‌) డివిజన్‌ అధ్యక్షుడు సంతోశ్‌ ముదిరాజ్‌, ప్రధాన కార్యదర్శి నర్సింగ్‌దాస్‌, మహిళా అధ్యక్షురాలు కళ్యాణి, గీతాగౌడ్‌, స్రవంతి, వేణుగోపాల్‌ నాయకులు పాల్గొన్నారు.
• మునుగోడు ఉప ఎన్నికలో టీఆర్‌ఎస్‌ అభ్యర్థి కూసుకుంట్ల ప్రభాకర్‌ రెడ్డి విజయం సాధించడంతో ఆదివారం బన్సీలాల్‌పేట్‌ డివిజన్‌ నాయకులు పెద్ద ఎత్తున సంబురాలు నిర్వహించారు. బీఆర్‌ఎస్‌ (టీఆర్‌ఎస్‌) పార్టీ శ్రేణులు పటాకులు కాల్చి, మిఠాయిలను పంచిపెట్టి, బ్యాండు మేళాలతో డ్యాన్సులు చేసి శుభాకాంక్షలు తెలిపారు. ఈ కార్యక్రమంలో డివిజన్‌ కార్పొరేటర్‌ కే.హేమలత, నాయకులు కే.లక్ష్మిపతి, ప్రేమ్‌కుమార్‌, విజయశంకర్‌, డివిజన్‌ అధ్యక్షుడు ఎల్‌.వెంకటేశన్‌ రాజు తదితరులు పాల్గొన్నారు.
• మునుగోడు ఉప ఎన్నికలో టీఆర్‌ఎస్‌ అభ్యర్థి కూసుకుంట్ల ప్రభాకర్‌రెడ్డి ఘన విజయం సాధించిన నేపథ్యంలో ఆదివారం గులాబీ శ్రేణులు సంబురాలు చేసుకున్నాయి. బోరబండలో వందలాది మంది పార్టీ కార్యకర్తలు స్థానిక బస్టాండ్‌ చౌరస్తా వద్దకు చేరుకుని పటాకులు కాల్చి స్వీట్లు పంచిపెట్టారు. అనంతరం ఎమ్మెల్యే మాగంటి గోపీనాథ్‌ క్యాంప్‌ కార్యాలయానికి ర్యాలీగా వెళ్లారు. ఈ కార్యక్రమంలో డివిజన్‌ అధ్యక్షుడు కృష్ణమోహన్‌, విజయకుమార్‌, కోఆర్డినేటర్‌ విజయసింహ, ఇన్‌ఛార్జి సిరాజ్‌, లక్ష్మణ్‌గౌడ్‌, ఏడీ మధు, గోగుల్లా వెంకటేశ్‌, ఎంఏ అహ్మద్‌, బొట్టుశివ పాల్గొన్నారు.