13 రోజుల్లో 5036 బస్తీల్లో పట్టణ ప్రగతి కార్యక్రమం

• జోరుగా సాగుతున్న పట్టణ ప్రగతి
• ప్రగతి బాటలో బస్తీలు, కాలనీలు
• పచ్చదనం, పరిశుభ్రతకు అధిక ప్రధాన్యత

సిటీబ్యూరో, జూన్‌ 15 (నమస్తే తెలంగాణ ) : పట్టణ ప్రగతి కార్యక్రమం బల్దియా వ్యాప్తంగా జోరుగా సాగుతున్నది. 13 రోజుల్లో 5036 బస్తీల్లో పట్టణ ప్రగతి కార్యక్రమం చేపట్టిన అధికారులు, ప్రజాప్రతినిధులు ప్రజల భాగస్వామ్యంతో 90,916 టన్నుల చెత్త, 30,168.9 టన్నుల భవన నిర్మాణ వ్యర్థాలను తొలగించారు. 49,699 ప్రాంతాల్లో ఫాగింగ్‌, 232 కిలోమీటర్ల నాలాలో పూడికతీత పనులు పూర్తి చేశారు. 12,81,453 ఇండ్లలో యాంటీ లార్వా మందు పిచికారీ చేయడంతో పాటు 478 వైకుంఠ ధామాల్లో వ్యర్థాలు, చెత్తను తొలగించారు. అంతేకాకుండా 81,530 మొక్కలను పంపిణీ చేయగా, 59,496 మొక్కలను నాటినట్లు అధికారులు తెలిపారు. బుధవారం ఒక్కరోజే 345 కాలనీలు, బస్తీలలో పట్టణ ప్రగతి కార్యక్రమం చేపట్టారు.

13వ రోజు చేపట్టిన కార్యక్రమాలు

• 7,074 మెట్రిక్‌ టన్నుల పారిశుధ్యం, 2539 టన్నుల భవన వ్యర్థాల తొలగింపు.
• 120 కిలోమీటర్ల మేర రోడ్డు పకన ఉన్న ముళ్ల పొదల తొలగింపు
• డ్రైనేజీ, నాలాలో 15 కిలోమీటర్ల మేర పూడిక తొలగింపు.
• 2,265 ప్రాంతాల్లో స్ప్రేయింగ్‌, ఫాగింగ్‌, 61 మంచినీటి ట్యాంక్‌లు, పరిసరాలను శుభ్రం చేశారు.
• 50 పారుల ఆవరణలో శుభ్రత చర్యలు, 80 కమ్యూనిటీ స్థలాలు, ప్రభుత్వ విద్యాలయాలు, ప్రభుత్వ భవన సముదాయాలను శుభ్రం చేశారు.
• 1074 మరుగుదొడ్లను శుభ్రం చేయడంతో పాటు 30 వైకుంఠదామాలు, శ్మశానవాటికల్లో ఉన్న వ్యర్థాలను తొలగించారు.
• 1,27,853 ఇండ్లలో యాంటీ లార్వా మందు పిచికారీ, 1,12,586 లక్షల ఇండ్లలో ఫాగింగ్‌ చేశారు.
• 5240 మొకలు నాటారు. 1646 మీటర్లు రోడ్డు మధ్యలో (మీడియన్‌ ప్లాంటేషన్‌) మొకలు, కిలోమీటర్‌ మేర అవెన్యూ ప్లాంటేషన్‌ చేపట్టారు.
• 8861 ఇండ్లకు మొకలను పంపిణీ చేశారు. 1 కిలోమీటర్ల రోడ్డు మార్గంలో మల్టీలెవల్‌ అవెన్యూ ప్లాంటేషన్‌ చేపట్టారు.