Hyderabad | ఇండ్లు కొంటలేరు.. హైదరాబాద్‌లో తగ్గిన గృహాల రిజిస్ట్రేషన్లు

హైదరాబాద్‌లో కొన్ని నెలలుగా రికార్డు స్థాయిలో దూసుకుపోయిన ఇండ్ల రిజిస్ట్రేషన్లు తగ్గుముఖం పట్టాయి. జనవరి నెలలో కేవలం 5,411 యూనిట్ల గృహాలు రిజిస్ట్రేషన్లు జరిగాయి. అంతక్రితం ఏడాది ఇదే నెలలో అయిన 5,454 రిజిస్ట్రేషన్లతో పోలిస్తే ఒక్క శాతం తగ్గాయని నైట్‌ఫ్రాంక్‌ తాజాగా వెల్లడించింది.

• జనవరిలో 5,411 యూనిట్లు మాత్రమే.. నైట్‌ఫ్రాంక్‌ నివేదిక వెల్లడి

Hyderabad | హైదరాబాద్‌, ఫిబ్రవరి 17 : హైదరాబాద్‌లో కొన్ని నెలలుగా రికార్డు స్థాయిలో దూసుకుపోయిన ఇండ్ల రిజిస్ట్రేషన్లు తగ్గుముఖం పట్టాయి. జనవరి నెలలో కేవలం 5,411 యూనిట్ల గృహాలు రిజిస్ట్రేషన్లు జరిగాయి. అంతక్రితం ఏడాది ఇదే నెలలో అయిన 5,454 రిజిస్ట్రేషన్లతో పోలిస్తే ఒక్క శాతం తగ్గాయని నైట్‌ఫ్రాంక్‌ తాజాగా వెల్లడించింది.

హైదరాబాద్‌ పరిధిలో నాలుగు జిల్లాలు ఉన్నాయి. వీటిలో హైదరాబాద్‌, మేడ్చల్‌-మల్కాజ్‌గిరి, రంగారెడ్డి, సంగారెడ్డిలు ఉన్నాయి. ఈ నాలుగు జిల్లాలో అయిన ఇండ్ల రిజిస్ట్రేషన్ల విలువ రూ.3,279 కోట్లుగా ఉంటుందని తెలిపింది. సంఖ్య పరంగా చూస్తే తగ్గినప్పటికీ..విలువ పరంగా చూస్తే మాత్రం 24 శాతం పెరిగాయి. ఇండ్ల ధరలు పెరగడం ఇందుకు కారణమని విశ్లేషించింది.

• మొత్తం రిజిస్ట్రేషన్లలో రూ.25-50 లక్షల ధరల శ్రేణి ఇండ్ల రిజిస్ట్రేషన్ల వాటా 47 శాతంగా ఉన్నది.
• రూ.25 లక్షల లోపు ధర కలిగిన ఇండ్ల రిజిస్ట్రేషన్ల వాటా 15 శాతం
• కోటి రూపాయల కంటే అధిక ధర కలిగిన ఇండ్ల వాటా 8 శాతం నుంచి 14 శాతానికి పెరిగాయి.
• 1,000-2,000 చదరపు అడుగుల విస్తీర్ణంలోని ప్రాపర్టీల రిజిస్ట్రేషన్లు 71 శాతం వాటా కలిగి ఉన్నాయి.
• వెయ్యి చదరపు అడుగులలోపు విస్తీర్ణం కలిగిన చిన్న స్థాయి ఇండ్లకు డిమాండ్‌ పడిపోయింది.
• 2 వేల చదరపు అడుగుల కంటే అధిక విస్తీర్ణం కలిగిన ప్రాపర్టీ రిజిస్ట్రేషన్లు 13 శాతానికి పెరిగాయి. గతేడాది ఇది 9 శాతంగా ఉన్నది.
• మొత్తం రిజిస్ట్రేషన్లలో 43 శాతం వాటాతో రంగారెడ్డి జిల్లా మొదటి స్థానంలో ఉండగా, 42 శాతంతో మేడ్చల్‌-మల్కాజిగిరి, 15 శాతంతో హైదరాబాద్‌ ఆ తర్వాతి స్థానంలో నిలిచింది.
• ధరల పరంగా చూస్తే రంగారెడ్డి జిల్లాలో ఇండ్ల ధరలు 12 శాతం పెరగగా, హైదరాబాద్‌ జిల్లాలో 11 శాతం, మేడ్చల్‌-మల్కాజిగిరి జిల్లాలో 5 శాతం అధికమయ్యాయి.