హైదరాబాద్ : రాష్ట్ర రాజధాని హైదరాబాద్ నగరంలోని పలు ప్రాంతాల్లో గురువారం మధ్యాహ్నం భారీ వర్షం కురిసింది. భారీ ఈదురుగాలులు వీచాయి. ఈదురుగాలులకు నాంపల్లిలో ఓ భవనంపై ఉన్న ఇనుప రేకులు ఎగిరిపోయాయి. దీంతో మూడు కార్లు ధ్వంసం అయ్యాయి. ఇద్దరికి స్వల్ప గాయాలయ్యాయి. గచ్చిబౌలి, తెల్లాపూర్, నార్సింగి, మణికొండ, గండిపేటతో పాటు సమీప ప్రాంతాల్లో భారీ వర్షం కురిసింది. చంపాపేట్, కర్మన్ఘాట్, సరూర్ నగర్, సైదాబాద్, అంబర్పేటలోనూ వర్షం కురిసింది.
పశ్చిమ హైదరాబాద్ ప్రాంతమంతా మేఘాలు కమ్ముకున్నాయి. బండ్లగూడ జాగీర్ మున్సిపాలిటీ ఏరియాలో చాలా రోజుల తర్వాత కుండపోత వర్షం పడింది. గండి మైసమ్మ, బాచుపల్లి, అమీన్పూర్, నిజాంపేట్ ఏరియాల్లో రాబోయే 30 నిమిషాల్లో భారీ వర్షం కురిసే అవకాశం ఉందని వాతావరణ శాఖ అధికారులు తెలిపారు.
Raining 🌧 at Tolichowki pic.twitter.com/ofPZ9DUoFH
— Viqar Ahmed Nisar 🇮🇳 (@NisarViqar) May 26, 2022
Hail strom @ manikonda pic.twitter.com/PBFDxhojpU
— Ram Prasad – राम प्रसाद (@rnramprasad) May 26, 2022