హవాలా నగదు పట్టివేత
మలక్పేట పోలీసులు దిల్సుఖ్నగర్ రాజీవ్ చౌక్వద్ద శుక్రవారం సాయంత్రం నిర్వహించిన వాహనాల తనిఖీల్లో ఎలాంటి ఆధారాలు లేకుండా కారులో తరలిస్తున్న రూ.3.20 లక్షలు స్వాధీనం చేసుకున్నారు. నగదు తరలిస్తున్న సాయిప్రసాద్ను విచారించగా సరైన సమాధానం చెప్పలేదు.
దిల్సుఖ్నగర్లో..
మలక్పేట, మార్చి 22: మలక్పేట పోలీసులు దిల్సుఖ్నగర్ రాజీవ్ చౌక్వద్ద శుక్రవారం సాయంత్రం నిర్వహించిన వాహనాల తనిఖీల్లో ఎలాంటి ఆధారాలు లేకుండా కారులో తరలిస్తున్న రూ.3.20 లక్షలు స్వాధీనం చేసుకున్నారు. నగదు తరలిస్తున్న సాయిప్రసాద్ను విచారించగా సరైన సమాధానం చెప్పలేదు. దీంతో నగదు సీజ్ చేసినట్టు పోలీసులు తెలిపారు.
తనిఖీలు.. భారీగా నగదు పట్టివేత
సిటీబ్యూరో, మార్చి 22 (నమస్తే తెలంగాణ): హైదరాబాద్లో ఎన్ఫోర్స్మెంట్ బృందాలు శుక్రవారం అక్రమంగా తరలిస్తున్న రూ. 38,73,500 నగదు, 43.11 లీటర్ల లిక్కర్, రూ. 1,18,799 విలువైన వివిధ రకాల వస్తువులను సీజ్ చేసినట్లు జీహెచ్ఎంసీ కమిషనర్, జిల్లా ఎన్నికల అధికారి రోనాల్డ్ రాస్ తెలిపారు. ఎన్నికల నోటిఫికేషన్ వెలువడినప్పటి నుంచి ఫ్లయింగ్ స్కాడ్ బృందాలు ఇప్పటి వరకు రూ. 38 లక్షలు సీజ్ చేయగా, పోలీసులు రూ. 47,91,800 నగదుతో పాటు రూ. 19,06,089 విలువైన ఇతర వస్తువులను సీజ్ చేశారని వెల్లడించారు. ఇప్పటి వరకు 34 ఎఫ్ఐఆర్లు నమోదు చేసినట్లు రోనాల్డ్ రాస్ తెలిపారు.

చాదర్ఘాట్లో.. రూ.49 లక్షలు పట్టివేత
చాదర్ఘాట్, మార్చి 22: నిబంధనలకు విరుద్ధంగా వాహనంలో తరలిస్తున్న రూ.49లక్షల నగదును ఈస్ట్ జోన్ టాస్క్ఫోర్స్ పోలీసులు పట్టుకున్నారు. నగదును తరలిస్తున్న ఇద్దరిని తదుపరి విచారణ నిమిత్తం చాదర్ఘాట్ పోలీసులకు అప్పగించారు. చాదర్ఘాట్ పోలీసుల కథనం ప్రకారం… చాదర్ఘాట్ పోలీసులు, ఈస్ట్ జోన్ టాస్క్ఫోర్స్ సిబ్బంది చాదర్ఘాట్ కాజ్వే బ్రిడ్జి వద్ద తనిఖీలు చేపట్టారు. కాచిగూడ వైపు వెళ్తన్న ఓ కారును తనిఖీ చేయగా.. రూ.49లక్షల నగదు పట్టుబడింది. ఎలాంటి పత్రాలు లేకుండా రవి ప్రకాశ్ శర్మ, బొజ్జ సంజీవరావు నగదు తీసుకెళ్తున్నారని పోలీసులు తెలిపారు. సీజ్ చేసిన నగదును ఐటీ శాఖ అధికారులకు అప్పగించనున్నట్టు ఇన్స్పెక్టర్ తెలిపారు.
బేగంబజార్లో..
సుల్తాన్బజార్,మార్చి 22: బేగంబజార్ పోలీసులు శుక్రవారం నిర్వహించిన వాహనాల తనిఖీల్లో రూ. 31 లక్షలు పట్టుబడ్డాయి. నగదు తరలిస్తున్న హీరాలాల్ బిష్ణోయ్, ఆమ్రా రామ్ సావరామ్ దేవసీ, హనుమాన్ రామ్ను విచారించారు. హవాలా నగదుగా గుర్తించారు. ఈ నగదులను ఐటీ శాఖకు అప్పగిస్తామని బేగంబజార్ ఇన్స్పెక్టర్ విజయ్కుమార్ తెలిపారు.
మలక్పేటలో రూ.10 లక్షలు
మలక్పేట: మలక్పేట పోలీసులు మూసారాంబాగ్ ఎస్బీఐ కాలనీ పార్కువద్ద నిర్వహించిన వాహనాల తనిఖీల్లో ఎలాంటి ఆధారాలు లేకుండా కారు డిక్కీలో తీసుకెళ్తున్న రూ.10 లక్షలు స్వాధీనం చేసుకున్నారు. ఇంజపూర్ నివాసి బొక్క సాయిచరణ్ కారులో నగదు తీసుకెళ్తూ మలక్పేట పోలీసులకు పట్టుబడ్డాడు. ఈ నగదుకు సంబంధించి ఎలాంటి ఆధారాలు చూపకపోవడంతో సీజ్ చేసినట్టు పోలీసులు తెలిపారు. ఈ నగదును ఐటీ అధికారులకు అప్పగిస్తామన్నారు.
రూ.17.40 లక్షల హవాలా డబ్బు సీజ్.. ఇద్దరి అరెస్టు
సిటీబ్యూరో, మార్చి 22 (నమస్తే తెలంగాణ): నిబంధనలకు విరుద్ధంగా హవాలా పద్ధతిలో డబ్బులు తరలిస్తున్న ఇద్దరిని రాజేంద్రనగర్ ఎస్ఓటీ పోలీసులు అరెస్టు చేశారు. పోలీసుల కథనం ప్రకారం.. గురువారం రాత్రి ఆదిత్య గెహ్లోట్, రోహిత్ కలిసి అనుమానాస్పద స్థితిలో ద్విచక్ర వాహనంపై మైలార్దేవ్పల్లి లబ్బాయ్ కాంటా మీదుగా వెళ్తున్నారు. ఈ మేరకు సమాచారం అందుకున్న ఎస్ఓటీ బృందం నిందితులను ఆపి, తనిఖీ చేశారు. ఈ తనిఖీల్లో వారి వద్ద రూ.17,40,100 నగదు లభించింది. నగదును హవాలా ద్వారా తరలిస్తున్నట్లు పోలీసుల విచారణలో నిందితులు వెల్లడించారు. తదుపరి విచారణ నిమిత్తం నిందితులను మైలార్దేవ్పల్లి పోలీసులకు అప్పగించారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
YSRCP | టీడీపీ ఎమ్మెల్యే జయరాం వర్గీయుల దౌర్జన్యం.. వైఎస్సార్సీపీ నేత రామాంజనేయరెడ్డి కిడ్నాప్
Road Accident | లారీని ఢీకొట్టిన టెంపో.. ఒకే కుటుంబానికి చెందిన 9 మంది దుర్మరణం..!
Army Families Killed | లారీ ఢీకొట్టడంతో రెండు ముక్కలైన కారు.. ఆర్మీ కుటుంబాలకు చెందిన ఏడుగురు మృతి
Srinath Maganti | సుశాంత్ స్థానంలో కార్తీక్గా మెప్పించిన శ్రీనాథ్ మాగంటి.. ‘ఈఎన్ఈ రిపీట్’తో అద్భుత విజయం!
Sweet Potato | రూ.20కే లభించే ఈ కూరగాయతో ఎంతో ఆరోగ్యం.. చలికాలంలో తప్పక తినాల్సిందే.. ఎందుకంటే..
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

