GHMC | కేబీఆర్‌ పార్కు చుట్టూ.. ఆస్తుల స్వాధీనంపై స్పష్టత లేకుండానే ఆమోదం!

మేయర్‌ గద్వాల్‌ విజయలక్ష్మి అధ్యక్షతన గురువారం 8వ స్టాండింగ్‌ కమిటీ సమావేశం జీహెచ్‌ఎంసీ ప్రధాన కార్యాలయంలోని కమాండ్‌ కంట్రోల్‌ రూంలో జరిగింది. వివిధ రహదారుల విస్తరణ, మల్టీలెవల్‌ ఫ్లై ఓవర్‌ నిర్మాణాలకు సంబంధించి ప్రభుత్వ అనుమతికి కార్పొరేషన్‌ ద్వారా సిఫార్సు చేస్తూ కమిటీ ఆమోదం తెలిపింది.

• కేబీఆర్‌ పార్కు చుట్టూ ప్రాపర్టీల వివరాలు లేకుండా
• ఆర్‌డీపీ ప్లాన్‌కు ఓకే చెప్పిన స్టాండింగ్‌ కమిటీ
• 15 అంశాలు, ఆరు టేబుల్‌ అంశాలకు ఆమోదం

GHMC | సిటీబ్యూరో: మేయర్‌ గద్వాల్‌ విజయలక్ష్మి అధ్యక్షతన గురువారం 8వ స్టాండింగ్‌ కమిటీ సమావేశం జీహెచ్‌ఎంసీ ప్రధాన కార్యాలయంలోని కమాండ్‌ కంట్రోల్‌ రూంలో జరిగింది. వివిధ రహదారుల విస్తరణ, మల్టీలెవల్‌ ఫ్లై ఓవర్‌ నిర్మాణాలకు సంబంధించి ప్రభుత్వ అనుమతికి కార్పొరేషన్‌ ద్వారా సిఫార్సు చేస్తూ కమిటీ ఆమోదం తెలిపింది.

కమిటీ సమావేశంలో 15 అంశాలు, ఆరు టేబుల్‌ అంశాలకు సభ్యులు ఆమోదించినట్లు మేయర్‌ తెలిపారు. ఇందులో ప్రధానంగా హెచ్‌ సిటీ ప్రాజెక్టులో భాగంగా చేపడుతున్న ఫ్లై ఓవర్లు, రహదారుల విస్తరణకుగానూ 473 చోట్ల ఆస్తుల సేకరణకు కమిటీ ఆమోదం తెలిపింది.

కాగా కేబీఆర్‌ పార్కు చుట్టూ భూ సేకరణపై ఆర్‌డీపీ ప్లాన్‌ను ఆమోదం తెలిపిన కమిటీ….ఎవరెవరి ఆస్తులు స్వాధీనం చేసుకోవాల్సి వస్తుంది? ఎన్ని ప్రాపర్టీల సేకరణ చేస్తున్నారు? అనే అంశాలపై స్పష్టత లేకుండానే కమిటీ ఆమోదిస్తున్నట్లు మేయర్‌ ప్రకటించడం గమనార్హం. ఈ సందర్భంగా స్పోర్ట్స్‌, ఎస్టేట్‌ విభాగం అధికారుల లోపాలను ఎత్తిచూపుతూ పనితీరులో మార్పు రావాలని మేయర్‌ అడిషనల్‌ కమిషనర్లపై ఆగ్రహం వ్యక్తం చేశారు.

పలు నిర్మాణాలు ఇవీ..

• హెచ్‌-సిటీ కింద కేబీఆర్‌ పార్కు క్యాన్సర్‌ హాస్పిటల్‌ జంక్షన్‌ వద్ద 30 మీటర్లు, 36, 66 మీటర్ల వెడల్పుతో రోడ్డు విస్తరణ, మల్టీ లెవల్‌ ఫె్లైఓవర్‌ నిర్మాణాల కోసం 18 ఆస్తుల సేకరణకు ప్రభుత్వ అనుమతి కోసం కార్పొరేషన్‌ ద్వారా సిఫార్సు చేస్తూ కమిటీ ఆమోదం తెలిపింది.
• హెచ్‌-సిటీ కేబీఆర్‌ పార్కు జూబ్లీహిల్స్‌ చెక్‌ పోస్ట్‌ జంక్షన్‌ వద్ద రోడ్డు విస్తరణ 36 మీటర్లు, 40.5, 45 మీటర్ల వెడల్పుతో మల్టీ లెవల్‌ ఫె్లైఓవర్‌ నిర్మాణానికి 47 ఆస్తుల సేకరణకు ప్రభుత్వ అనుమతి కోసం కార్పొరేషన్‌ ద్వారా సిఫార్సు చేస్తూ కమిటీ ఆమోదించింది.
• హెచ్‌-సిటీ కింద కేబీఆర్‌ పార్కు ముగ్ధ జంక్షన్‌ వద్ద 30 మీటర్లు, 36 మీటర్ల వెడల్పుతో రోడ్డు విస్తరణ, మల్టీ లెవల్‌ ఫె్లైఓవర్‌ నిర్మాణాల కోసం 40 ఆస్తుల సేకరణకు ప్రభుత్వ అనుమతి కోసం కార్పొరేషన్‌ ద్వారా సిఫార్సు చేస్తూ కమిటీ ఆమోదం.
• శేరిలింగంపల్లి జోన్‌ యూసుఫ్‌ గూడ సర్కిల్‌ బోరబండ లోని స్లమ్‌ ఏరియా నిరుద్యోగ యువత, నిరుపేద మహిళలకు సీఎస్‌ఆర్‌ కింద లైట్‌ హౌస్‌ కమ్యూనిటీ ఫౌండేషన్‌ వారి సొంత నిధులతో సెంటర్‌ ఫర్‌ స్కిల్లింగ్‌ అండ్‌ లవ్లీ హుడ్‌ ప్రోగ్రాం ద్వారా శిక్షణలు నిర్వహించేందుకు ఒక సంవత్సర కాలం పాటు బోరబండ జీహెచ్‌ఎంసీ కమ్యూనిటీ హాల్‌ను స్వాధీనం చేసేందుకు అనుమతిస్తూ సంబంధిత ఏజెన్సీతో శేరిలింగంపల్లి జోనల్‌ కమిషనర్‌ ఎంఓయూ చేసేందుకు కమిటీ సభ్యులు ఆమోదం తెలిపారు.
• బుద్ధ భవన్‌లో నాలుగో అంతస్తు ఏ బ్లాక్‌లో తెలంగాణ ప్రభుత్వం స్పెషల్‌ ప్రొటెక్షన్‌ ఫోర్స్‌ లీజు వ్యవధి తదుపరి రెండు సంవత్సరాలు పొడిగింపునకు (19-07-2023 నుంచి 18-07-2025 వరకు) అలాగే అద్దె పెంపునకు కమిటీ ఆమోదం.
• ఆల్విన్‌ ఎక్స్‌ రోడ్‌ మియాపూర్‌ నుంచి హఫీజ్‌ పేట ఫె్లైఓవర్‌ వరకు ప్రతిపాదిత 24 మీటర్ల రోడ్డును 60 మీటర్ల విస్తరణకు 132 ఆస్తుల సేకరణకు కార్పొరేషన్‌ ద్వారా ప్రభుత్వ అనుమతికి సిఫార్సు చేస్తూ కమిటీ ఆమోదం.
• రోడ్‌ డెవలప్‌మెంట్‌ ప్లాన్‌లో భాగంగా రోడ్‌ నం.82 నుంచి ఫిల్మ్‌ నగర్‌ మీదుగా ఏబీఎన్‌ రోడ్డు వరకు 24 మీటర్ల రోడ్డు వెడల్పునకు 13 ఆస్తుల సేకరణకు కమిటీ ఆమోదం.
• హెచ్‌-సిటీ కింద ఐఐఐటీ జంక్షన్‌ వద్ద ప్రతిపాదిత మల్టీలెవల్‌ ఫె్లైఓవర్‌ నిర్మాణానికి రీవైజ్డ్‌ జంక్షన్‌ ఇంప్రూవ్‌ మెంట్‌ ప్లాన్‌ కోసం 65 మీటర్లు, 36 మీటర్ల రోడ్డు అభివృద్ధి 21 ఆస్తుల సేకరణకు కమిటీ ఆమోదం.
• జూబ్లీహిల్స్‌లోని బంజారా భవన్‌ నుంచి బంజారా చెరువు వరకు వరద నీటి కాలువ కమిషనర్‌ను ఆదేశించారు. క్రీడా ప్రాంగణాలపై సంబంధిత అధికారులు పూర్తి పర్యవేక్షణ చేసి జీహెచ్‌ఎంసీకి ఆదాయం సమకూరేలా చర్యలు చేపట్టాలని కోరారు. అత్యధికంగా ఆదాయం వస్తున్న క్రీడా ప్రాంగణాలపై దృష్టి సారించాలని మేయర్‌ తెలిపారు. జీహెచ్‌ఎంసీ అభివృద్ధికి ఈ సంవత్సర కాలంలో రూ. 700కోట్ల విడుదల చేసినందుకు కమిటీ సభ్యులు ఈ సందర్భంగా కృతజ్ఞతలు తెలిపారు.

ప్రతి జోన్‌కు రూ. 25కోట్లు కేటాయిస్తా – కమిషనర్‌ ఇలంబర్తి

అధికారులు, ప్రజాప్రతినిధులు అందరూ సమన్వయంతో ప్రజల కోసం పని చేయాలని కమిషనర్‌ ఇలంబర్తి తెలిపారు. నగర అభివృద్ధిలో భాగంగా రోడ్ల విస్తరణ, జంక్షన్లు, పార్కులు, క్రీడా ప్రాంగణాల అభివృద్ధికి ప్రాధాన్యత ఇస్తున్నట్లు చెప్పారు. ఆయా అభివృద్ధి పనులకుగానూ ప్రతి జోన్‌కు రూ. 25 కోట్ల నిధులు కేటాయించనున్నట్లు కమిషనర్‌ వెల్లడించారు.