ఈవ్‌టీజింగ్‌కు పాల్పడి.. దొరికిపోయారు

రాచకొండ పోలీస్‌ కమిషనరేట్‌ పరిధిలో ఆరువారాల్లో మహిళలను, యువతులను వేధింపులకు పాల్పడిన 31 మందిని షీటీమ్స్‌ అరెస్ట్‌చేసి.. 36 కేసులను నమోదు చేసింది. వారికి శుక్రవారం ఎల్బీనగర్‌ పోలీస్‌ కమిషనర్‌ కార్యాలయంలో కు టుంబ సభ్యుల సమక్షంలో కౌన్సెలింగ్‌ నిర్వహించారు. ఈ సందర్భంగా షీటీమ్స్‌.. మరోసారి వారి జోలికి వెళ్లకుండా వా రిని మందలించింది. అమ్మాయిలను వేధించిన కేసులో చిక్కుకుంటే చట్టపరంగా కఠిన శిక్షలను ఎదుర్కోవాల్సి వ స్తుందన్నారు. కుటుంబ సభ్యుల సమక్షంలో వారు చేసిన తప్పులను వీడియో దృశ్యాలను చూపించారు. మరోసారి ఇలాంటి కేసుల్లో పట్టుబడకుండా కుటుంబ సభ్యు లు కూడా వారి పిల్లలకు సూచించాలని కోరారు. అదే విధం గా యాదాద్రి పోలీసు స్టేషన్‌ పరిధిలో బలవంతంగా జరుగుతున్న ఓ బాల్య వివాహాన్ని ఆపారు. దీంతో ఇప్పటి వరకు రాచకొండ పరిధిలో దాదాపు 95 బాల్య వివాహాలను షీ టీమ్స్‌ ఆపాయి. మహిళల రక్షణ కోసం షీ టీమ్స్‌ 34/7 అం దుబాటులో ఉంటుందని.. ఎవరూ కూడా అధైర్యపడకుం డా బాధిత మహిళలు షీ టీమ్స్‌ను ఆశ్రయించాలని సీపీ మహేశ్‌ భగవత్‌ కోరారు.