సజ్జనార్‌ పేరుతో టోకరా
సిటీ పోలీస్‌ కమిషనర్‌ సజ్జనార్‌కే సైబర్‌నేరగాళ్లు ఝలక్‌ ఇచ్చారు. సజ్జనార్‌ పేరుతో నకిలీ ఫేస్‌బుక్‌ అకౌంట్‌ రూపొందించి సైబర్‌ నేరానికి పాల్పడ్డారు. ఈ ఘటనకు సంబంధించి సజ్జనార్‌ తన ఎక్స్‌ ఖాతాలో శనివారం వివరాలు పోస్ట్‌ చేశారు. తన పేరుతో ఫేస్‌బుక్‌ ఖాతాలు సృష్టించారు.
- రూ.20వేలు కొట్టేసిన సైబర్‌ నేరగాళ్లు
- అప్రమత్తంగా ఉండాలన్న సీపీ
సిటీబ్యూరో, నవంబర్‌ 15(నమస్తే తెలంగాణ) : సిటీ పోలీస్‌ కమిషనర్‌ సజ్జనార్‌కే సైబర్‌నేరగాళ్లు ఝలక్‌ ఇచ్చారు. సజ్జనార్‌ పేరుతో నకిలీ ఫేస్‌బుక్‌ అకౌంట్‌ రూపొందించి సైబర్‌ నేరానికి పాల్పడ్డారు. ఈ ఘటనకు సంబంధించి సజ్జనార్‌ తన ఎక్స్‌ ఖాతాలో శనివారం వివరాలు పోస్ట్‌ చేశారు. తన పేరుతో ఫేస్‌బుక్‌ ఖాతాలు సృష్టించారు. తన స్నేహితులకు తాను ఆపదలో ఉన్నానని, డబ్బులు పంపించమని అడిగినట్లు మెసేజ్‌లు పెడుతున్నారని ఆయన పేర్కొన్నారు. దురదృష్టవశాత్తు ఈ విషయం నిజమే అనుకుని తన స్నేహితుడు వాళ్లు పంపిన ఖాతాకు రూ. 20వేలు పంపించారని తన పేరుతో ఉన్న పేజ్‌ లింక్‌ ఇస్తూ ఇతర పేజిలేవీ తనవి కావని, అవన్నీ నకిలీవని తెలిపారు.
ఈ ఫేక్‌ ఖాతాలను మెటా సహకారంతో హైదరాబాద్‌ సైబర్‌ క్రైమ్‌ బృందం తొలగించే పనిలో ఉంది. తన పేరుతో కానీ, ఇంకా ఏ అధికారి లేదా ప్రముఖ వ్యక్తి పేరుతో ఫేస్‌బుక్‌లో వచ్చే అభ్యర్థనలకు స్పందించవద్దని సజ్జనార్‌ తెలిపారు. ఒకవేళ ఎవరైనా అలా మెసేజ్‌లు చేస్తే ముందుగా ఫోన్‌ద్వారా ఆ వ్యక్తిని సంప్రదించి పరిశీలించాలని, అనుమానాస్పద లింకులు, మెసేజ్‌లు, వీడియోకాల్‌లు ఉంటే వెంటనే బ్లాక్‌ చేసి రిపోర్ట్‌ చేయాలని సూచించారు. సైబర్‌ మోసాలను వెంటనే 1930 హెల్ప్‌లైన్‌కు లేదా సైబర్‌క్రైమ్‌ వెబ్‌సైట్‌లో రిపోర్ట్‌ చేయాలని సజ్జనార్‌ కోరారు.
Read Today's Latest Hyderabad News in Telugu and Telugu News
- Follow Us :
-
