ఏడాదికి 3,200 సర్వైకల్‌ క్యాన్సర్‌ కేసులు : దామోదర

రాష్ట్రంలో ఏడాదికి సగటున 3,200 మంది మహిళలు సర్వైకల్‌(గర్భాశయ ముఖద్వార) క్యాన్సర్‌ బారిన పడుతున్నారని మంత్రి రాజనర్సింహ వెల్లడించారు. శనివారం కింగ్‌ కోఠి దవాఖానలో హెచ్‌పీవీ(హ్యూమన్‌ పాపిలోమా వైరస్‌) వ్యాక్సినేషన్‌ డ్రైవ్‌ను ఆయన ప్రారంభించారు.

హైదరాబాద్‌, ఫిబ్రవరి 28 (నమస్తే తెలంగాణ): రాష్ట్రంలో ఏడాదికి సగటున 3,200 మంది మహిళలు సర్వైకల్‌(గర్భాశయ ముఖద్వార) క్యాన్సర్‌ బారిన పడుతున్నారని మంత్రి రాజనర్సింహ వెల్లడించారు. శనివారం కింగ్‌ కోఠి దవాఖానలో హెచ్‌పీవీ(హ్యూమన్‌ పాపిలోమా వైరస్‌) వ్యాక్సినేషన్‌ డ్రైవ్‌ను ఆయన ప్రారంభించారు.

అనంతరం మాట్లాడుతూ.. ఈ క్యాన్సర్‌ 99.7% మందికి హ్యూమన్‌ పాపిలోమా అనే వైరస్‌ కారణంగా వస్తుందని చెప్పారు. ఈ వైరస్‌ అంతానికి కేంద్ర ప్రభుత్వ సహకారంతో 14 ఏండ్లు నిండి 15 ఏండ్ల లోపు బాలికలకు వ్యాక్సినేషన్‌ కార్యక్రమాన్ని చేపట్టినట్టు వెల్లడించారు.