Hyderabad Metro | హైదరాబాద్ మెట్రో ప్రయాణికులకు గుడ్న్యూస్.. మెట్రో-ఆర్టీసీ ఉమ్మడి పాస్ త్వరలోనే!
Hyderabad Metro | హైదరాబాద్లో మెట్రో–ఆర్టీసీ ఉమ్మడి పాస్ త్వరలో అందుబాటులోకి రానుంది. రోజువారీ, నెలవారీ పాస్లను వెంటనే అమలు చేయాలని సీఎస్ ఆదేశించారు.
Hyderabad Metro | హైదరాబాద్ మెట్రో రైలు, ఆర్టీసీ బస్సుల్లో తరచూ ప్రయాణించే నగరవాసులకు గుడ్న్యూస్. మెట్రో–ఆర్టీసీ ఉమ్మడి పాస్ విధానాన్ని వెంటనే అమల్లోకి తీసుకురావాలని రాష్ట్ర ప్రభుత్వ ప్రధాన కార్యదర్శి సంజయ్ జాజు అధికారులను ఆదేశించారు. నెలవారీతో పాటు రోజువారీ పాస్లు అందుబాటులోకి తీసుకురావాలని సూచించారు.
హైదరాబాద్ బేగంపేట్లోని మెట్రో రైల్ భవన్లో హెచ్ఎంఆర్ఎల్, టీజీఎస్ఆర్టీసీ, విద్యుత్, హైదరాబాద్ మెట్రో వాటర్ వర్క్స్ శాఖల అధికారులతో సీఎస్ సమన్వయ సమావేశం నిర్వహించారు. ఈ సందర్భంగా మెట్రో–ఆర్టీసీ ఉమ్మడి పాస్ అమలుపై ప్రధానంగా చర్చించారు. మెట్రో, ఆర్టీసీ అధికారులు ఇప్పటికే ఉమ్మడి పాస్ జారీకి సాంకేతికంగా సిద్ధంగా ఉన్నామని సీఎస్కు వివరించారు. ఎల్అండ్టీ హైదరాబాద్ మెట్రో రైల్, ఆర్టీసీ అధికారులు ఏ రోజైనా విధానాన్ని అమలు చేసేలా ఏర్పాట్లు పూర్తయ్యాయని తెలిపారు. ఉమ్మడి చార్జీలను త్వరితగతిన ఖరారు చేసి, పాస్ విధానాన్ని వెంటనే అమల్లోకి తీసుకురావాలని సీఎస్ ఆదేశించారు.
పాతబస్తీ మెట్రోపై స్పీడ్ పెంచండి!
మరోవైపు హైదరాబాద్ పాత బస్తీలో ప్రతిపాదిత 7.5 కిలోమీటర్ల మెట్రో కారిడార్ పనులపైనా సీఎస్ ఆరా తీశారు. రోడ్డు విస్తరణ పనుల తాజా పరిస్థితిని అధికారులను అడిగి తెలుసుకున్నారు. జనరల్ కన్సల్టెన్సీ నియామకానికి సంబంధించిన టెండర్ ప్రక్రియపై అధికారులు వివరాలు వెల్లడించారు. మెట్రో కారిడార్ విస్తరణ పనులను వేగవంతం చేసి, వీలైనంత త్వరగా మెట్రో పనులు ప్రారంభించాలని సీఎస్ అధికారులను ఆదేశించారు.
బేగంపేట్ నుంచి పారడైజ్కు సీఎస్ మెట్రో జర్నీ
సమావేశం అనంతరం సీఎస్ సంజయ్ జాజు స్వయంగా మెట్రోలో ప్రయాణించారు. బేగంపేట్ నుంచి పారడైజ్ వరకు మెట్రో రైల్లో ప్రయాణిస్తూ స్టేషన్లలోని వాణిజ్య సముదాయాలు, పార్కింగ్ ప్రాంతాలను పరిశీలించారు. స్టేషన్లలో అందుబాటులో ఉన్న వాణిజ్య స్థలాలను మరింత సమర్థంగా అభివృద్ధి చేయాలని, పార్కింగ్ సదుపాయాలను మెరుగుపరచాలని అధికారులకు సూచించారు. అలాగే ఎన్హెచ్-44పై హెచ్ఎండీఏ నిర్మిస్తున్న ఎలివేటెడ్ కారిడార్లను కూడా సీఎస్ పరిశీలించారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

