సవాళ్లను అధిగమిస్తూ

ఎయిర్‌పోర్టు మెట్రో మార్గం నిర్మాణ పనులు ముమ్మరంగా కొనసాగుతున్నాయి. బుధవారం మెట్రో ఎండీ ఎన్వీఎస్‌ రెడ్డి సీనియర్‌ ఇంజినీర్లతో కలిసి ఔటర్‌ రింగు రోడ్డు వెంట ఉన్న రాజేంద్రనగర్‌ కొండపై సుమారు 1.3 కి.మీ పొడవుగల విమానాశ్రయ మెట్రో అలైన్‌మెంట్‌ను పరిశీలించారు.

• ఎత్తయిన కొండపై ఎయిర్‌పోర్టు మెట్రో మార్గం నిర్మాణం
• రాజేంద్రనగర్‌ కొండపై మెట్రో అలైన్‌మెంట్‌ పరిశీలన
• ఇంజినీర్లతో కలిసి కొండపై 1.3 కి.మీ. ప్రయాణం
• పటిష్టమైన చర్యలు.. పకడ్బందీ జాగ్రత్తలు
• అధికారులకు మెట్రో ఎండీ ఎన్వీఎస్‌ రెడ్డి సూచనలు
• పటిష్టమైన చర్యలు తీసుకోవాలి : మెట్రో ఎండీ ఎన్వీఎస్‌ రెడ్డి

సిటీబ్యూరో, ఏప్రిల్‌ 26 (నమస్తే తెలంగాణ): ఎయిర్‌పోర్టు మెట్రో మార్గం నిర్మాణ పనులు ముమ్మరంగా కొనసాగుతున్నాయి. బుధవారం మెట్రో ఎండీ ఎన్వీఎస్‌ రెడ్డి సీనియర్‌ ఇంజినీర్లతో కలిసి ఔటర్‌ రింగు రోడ్డు వెంట ఉన్న రాజేంద్రనగర్‌ కొండపై సుమారు 1.3 కి.మీ పొడవుగల విమానాశ్రయ మెట్రో అలైన్‌మెంట్‌ను పరిశీలించారు. నిటారుగా ఉండే ఎత్తులు, బండరాళ్లు మరియు లోయలు ఉన్న ఈ కొండపై విమానాశ్రయ మెట్రో వయాడక్ట్‌ నిర్మాణం చాలా కష్టమైన పని అని గుర్తించారు. నిటారుగా ఉన్న వాలులు, బండరాళ్లను అధిరోహిస్తూ ఎన్వీఎస్‌ రెడ్డి ప్రతిపాదిత అలైన్‌మెంట్‌ను పరిశీలించి పలు నిర్ణయాలు తీసుకున్నారు. మెట్రో ఎండీతో పాటు ఎయిర్‌పోర్టు మెట్రో చీఫ్‌ ప్రాజెక్ట్‌ మేనేజర్‌ బి.ఆనంద్‌ మోహన్‌, జీఎం యం.విష్ణువర్ధన్‌ రెడ్డి, ఎస్‌.ఈ వై.సాయప రెడ్డి, డిప్యూటీ చీఫ్‌ ఇంజినీర్‌ (రైల్వే) జెయన్‌ గుప్తా, ఇతర సీనియర్‌ అధికారులు మెట్రో మార్గాన్ని నడుచుకుంటూ వెళ్లి తనిఖీ చేశారు.

మెట్రో ఎండీ చేసిన సూచనలు…

• మెట్రో అలైన్‌మెంట్‌, ఓఆర్‌ఆర్‌ కాష్‌ బారియర్‌ మధ్య దూరం(గ్యాప్‌) దాదాపు 18 అడుగులు మాత్రమే ఉంది. ఓఆర్‌ఆర్‌ మార్గం లోతైన కటింగ్‌లో ఉన్నందున ఓఆర్‌ఆర్‌ వైపు ఎటువంటి బండరాళ్లు పడకుండా తగిన బలం, ఎత్తుతో కూడిన రక్షణ బ్యారియర్లను అమర్చాలి.
• బౌల్డర్‌ స్టెబిలైజేషన్‌ పద్ధతులను నిపుణులతో సంప్రదించి అవలంబించాలి.
• ఏదైనా సంఘ విద్రోహ కార్యకలాపాల నుంచి మెట్రో వయాడక్ట్‌ను రక్షించడానికి విమానాశ్రయం మెట్రోకు ఎడమ వైపున రక్షిత ఫెన్సింగ్‌ను ఏర్పాటు చేయాలి.
• ఆక్రమణలను నిరోధించడానికి పకనే ఉన్న ప్రైవేట్‌ ఆస్తుల నుంచి విమానాశ్రయ మెట్రో ప్రాంతం ఆక్రమణలు లేకుండా హెచ్‌ఎండీఏతో సంప్రదించి సరిహద్దు సర్వే రాళ్లను ఏర్పాటు చేయాలి.
• రాళ్లను తొలగించే అవసరాన్ని నివారించడానికై, స్టబ్‌లు లేదా తకువ ఎత్తు ఉన్న స్తంభాలపై మెట్రో వయాడక్ట్‌ను నిర్మించే అవకాశం పరిశీలించాలి.
• ఓఆర్‌ఆర్‌ డ్రైనేజీ వ్యవస్థలోకి వర్షపు నీరు ప్రవహించేలా కొండపై హెచ్‌ఏఎంఎల్‌ నిర్మించిన తాతాలిక రహదారి లోయ పాయింట్ల వద్ద తగినంత వ్యాసార్థంతో కూడిన హ్యూమ్‌ పైపులతో క్రాస్‌ డ్రెయిన్‌లు ఏర్పాటు చేయాలి.
• కొండపై దాదాపు 300 మీటర్ల వరకు మిగిలిన విస్తీర్ణంలో తాతాలిక రహదారిని రాబోయే కొద్ది రోజుల్లో పూర్తి చేయాలని ఇంజినీర్లకు సూచనలు చేశారు.