పచ్చదనం పెంపొందిస్తాం

నగర మేయర్‌ గద్వాల్‌ విజయలక్ష్మి అధ్యక్షతన బుధవారం స్టాండింగ్‌ కమిటీ సమావేశం జరిగింది. ఈ సమావేశంలో 16 అంశాలకు కమిటీ సభ్యులు ఆమోదం తెలిపారు.

• ముందుకొచ్చిన కార్పొరేట్‌ సంస్థలు
• జలగం వెంగళ్‌రావు పార్కు అభివృద్ధికి ఎంఎస్‌ హార్ట్‌ఫుల్‌ నెస్‌
• కాప్రా బయోడైవర్సిటీ పార్కు అభివృద్ధికి గ్రీన్‌యాత్ర
• సీఎస్‌ఆర్‌ పద్ధతిలో పలు చోట్ల అభివృద్ధి పనులు
• జవహర్‌నగర్‌లో రూ.5.60 కోట్లతో మల్టీపర్పస్‌ ఫంక్షన్‌హాల్‌
• 30 మంది డిప్యూటీ కమిషనర్లకు కొత్త వాహనాలు
• గాజులరామారంలో రూ.11 కోట్లతో నాలా పనులు
• షూటర్‌ ఇషా సింగ్‌కు 600 గజాల స్థలం కేటాయింపు
• జీహెచ్‌ఎంసీ స్టాండింగ్‌ కమిటీ సమావేశంలో కీలక నిర్ణయాలు

సిటీబ్యూరో, సెప్టెంబర్‌ 27 (నమస్తే తెలంగాణ): నగర మేయర్‌ గద్వాల్‌ విజయలక్ష్మి అధ్యక్షతన బుధవారం స్టాండింగ్‌ కమిటీ సమావేశం జరిగింది. ఈ సమావేశంలో 16 అంశాలకు కమిటీ సభ్యులు ఆమోదం తెలిపారు. స్టాండింగ్‌ కమిటీ సభ్యులు శాంతి సాయిజెన్‌ శేఖర్‌, సయ్యద్‌ మిన్హాజుద్దీన్‌, సయ్యద్‌ సోహెల్‌ ఖాద్రీ, అబ్దుల్‌ వాహెబ్‌, మహమ్మద్‌ అబ్దుల్‌ ముక్తర్‌, మహమ్మద్‌ మాజీద్‌ హుస్సేన్‌, మహమ్మద్‌ రషీద్‌ ఫరాజుద్దీన్‌, బండారి రాజ్‌కుమార్‌, వనం సంగీత యాదవ్‌, రాగం నాగేందర్‌ యాదవ్‌, ఈఎస్‌ రాజ్‌ జితేందర్‌ నాథ్‌ పాల్గొని పలు కీలక నిర్ణయాలు తీసుకున్నారు.

స్టాండింగ్‌ కమిటీలో ఆమోదం పొందినవి..

• కూకట్‌పల్లి జోన్‌ గాజులరామారం సర్కిల్‌లో వోక్షిత్‌ ఎన్‌క్లేవ్‌ వార్డు నం.125లో వరద ముంపు నివారణకు పెద్ద చెరువు నుంచి జంగం బంధం వరకు వరద నీటి కాలువ బలోపేతానికి రూ.11.15కోట్ల పనులకు పరిపాలన అనుమతులకు ఆమోదం తెలిపింది.
• జీహెచ్‌ఎంసీలో డిప్యూటేషన్‌పై వివిధ హోదాల్లో విధులు నిర్వర్తిస్తున్న విద్యుత్‌శాఖ అధికారులకు రివైజ్డ్‌ పే స్కేల్‌ అమలు.
• జూబ్లీహిల్స్‌ న్యాయవిహార్‌ వద్ద 600 చదరపు గజాల ప్రభుత్వ స్థలాన్ని షూటర్‌ ఇషా సింగ్‌కు కేటాయించేందుకు ఎన్‌ఓసీ ఇచ్చేందుకు కమిటీ ఆమోదం.
• బంజారాహిల్స్‌ రోడ్‌ నం.12లోని 2,952 చదరపు గజాల ప్రభుత్వ స్థలాన్ని తెలంగాణ, ఆంద్రప్రదేశ్‌ రీజన్‌ ఇన్‌కం ట్యాక్స్‌ డిపార్ట్‌మెంట్‌కు కేటాయించేందుకు ఎన్‌ఓసీ ఇవ్వడానికి ఆమోదం.
• కాప్రా చెరువు వద్ద బయోడైవర్సిటీ పార్కు డెవలప్‌మెంట్‌తో గ్రీన్‌ యాత్ర సంస్థ సీఎస్‌ఆర్‌ పద్ధతిలో మూడు సంవత్సరాల పాటు పచ్చదనం పెంపు, నిర్వహణకు ఆమోదం.
• వెంగళ్‌రావునగర్‌, జవహర్‌నగర్‌లో రూ.5.60కోట్లతో మల్టీ పర్పస్‌ ఫంక్షన్‌ హాల్‌ నిర్మించేందుకు పరిపాలన అనుమతికి ఆమోదం తెలిపారు.
• కొల్లూరు కేసీఆర్‌ నగర్‌ -2 రెండు పడక గదుల ఇండ్ల సముదాయం ప్రారంభోత్సవం సందర్భంగా అత్యవసరంగా రూ.87 లక్షలు ఖర్చు చేసిన సదరు డీఈసీ ఏజెన్సీకి కేటాయించేందుకు ఆమోదం.
• ఘట్‌కేసర్‌ ప్రతాప సింగారం 2బీహెచ్‌కే ప్రారంభోత్సవం సందర్భంగా రూ.10.15 లక్షలను సదరు ఏజెన్సీకి అప్పగించేందుకు ఆమోదం.
• జూబ్లీహిల్స్‌ భవన్స్‌ స్కూల్‌ ఎదురుగా రోడ్‌ నం.44/45 వద్ద ట్రీ పార్కు అభివృద్ధికి సీఎస్‌ఆర్‌ పద్ధతిలో ముందుకువచ్చిన ఎంఎస్‌ఎన్‌ హాన్స్‌ మూడు సంవత్సరాల పాటు నిర్వహణకు అనుమతి.
• బంజారాహిల్స్‌ జలగం వెంగళరావు పార్కు అభివృద్ధికి ఎంఎస్‌ హార్ట్‌ఫుల్‌ నెస్‌ సంస్థ సీఎస్‌ఆర్‌ పద్ధతిలో ముందుకొచ్చింది. ఈ సంస్థతో మూడు సంవత్సరాల పాటు ఒప్పందం కుదుర్చుకునేందుకు అనుమతి ఇచ్చింది.
• సీఎస్‌ఆర్‌ పద్ధతిలో అభివృద్ధి పరిచేందుకు ఏజెన్సీలు ముందుకు వచ్చాయి. మియాపూర్‌ రేగులకుంట చెరువు సుందరీకరణకు ఎంఎస్‌ మళ్లిగవద్‌ ఫౌండేషన్‌.
• రాజేంద్రనగర్‌ ఉప్పర్‌పల్లిలోని పెద్ద తాళ్లకుంట చెరువు అభివృద్ధికి జీఎస్టీ కస్టమ్స్‌ శాఖ, ఐకియా వద్ద రోటరీ అభివృద్ధికి ఎంఎస్‌ యూఎస్‌ టెక్నాలజీ ఇంటర్నేషనల్‌, జూబ్లీహిల్స్‌ రోడ్‌ నం 46/51లో యూబీడీ ద్వారా అభివృద్ధికి సైబర్‌ సిటీ బిల్డర్స్‌కు ముందుకు రాగా.. వారికి అనుమతి ఇచ్చారు.
• జీహెచ్‌ఎంసీ 30 సర్కిళ్లలోని 30 మంది డిప్యూటీ కమిషనర్లకు మహీంద్రా బొలెరో నియో ఎన్‌-8 మోడల్‌ను రూ.3.71కోట్లతో టెండర్‌ పిలిచేందుకు స్టాడింగ్‌ కమిటీ ఆమోదించింది. ఈ సమావేశంలో కమిషనర్‌ రోనాల్డ్‌ రోస్‌, ఈవీడీఎం డైరెక్టర్‌ ప్రకాశ్‌ రెడ్డి, ఈఎన్‌సీ జియావుద్దీన్‌, అడిషనల్‌ కమిషనర్లు చంద్రకాంత్‌రెడ్డి, జయరాజ్‌ కెనెడి, విజయలక్ష్మి, గీతా రాధిక, ఉపేందర్‌ రెడ్డి, సీసీపీ రాజేంద్రప్రసాద్‌ నాయక్‌, హౌసింగ్‌ ఓఎస్డీ సురేశ్‌ కుమార్‌, సీఈ దేవానంద్‌, చీఫ్‌ ఎగ్జామినర్‌ వెంకటేశ్వర్లు, ఎస్‌ఎన్‌డీపీ సీఈ కిషన్‌, చీఫ్‌ ఎంటమాలజిస్ట్‌ డాక్టర్‌ రాంబాబు, వెటర్నరీ చీఫ్‌ అబ్దుల్‌ వకీల్‌, జోనల్‌ కమిషనర్లు రవికిరణ్‌, పంకజ, శ్రీనివాస్‌ రెడ్డి, మమత, వెంకన్న, సెక్రటరీ లక్ష్మి, తదితరులు పాల్గొన్నారు.