CC Cameras | నిఘా నేత్రం నామమాత్రం.. నిర్వహణ లోపంతో దెబ్బతిన్న కెమెరాలు
హైదరాబాద్లో సీసీ కెమెరాల నిర్వహణపై సందిగ్ధత నెలకొంది. చీమ చిటుక్కుమన్నా తెలిసే విధంగా గత బీఆర్ఎస్ ప్రభుత్వ హయాంలో హైదరాబాద్లో లక్షలాది సీసీ కెమెరాలను ఏర్పాటు చేసి... ప్రపంచ ఖ్యాతిని తెచ్చిపెట్టారు.
- చాలా చోట్ల పనిచేయని సీసీ కెమెరాలు
- ‘నేను సైతం’ పేరిట గతంలో 5 లక్షలకు పైగా కెమెరాల బిగింపు
- ప్రపంచంలోనే అత్యధికంగా ‘సీసీ’లు ఉన్న రెండో నగరంగా గుర్తింపు
- కేసుల ఛేదనలో తలెత్తుతున్న ఇబ్బందులు
CC Cameras | సిటీబ్యూరో, అక్టోబర్ 20 (నమస్తే తెలంగాణ): హైదరాబాద్లో సీసీ కెమెరాల నిర్వహణపై సందిగ్ధత నెలకొంది. చీమ చిటుక్కుమన్నా తెలిసే విధంగా గత బీఆర్ఎస్ ప్రభుత్వ హయాంలో హైదరాబాద్లో లక్షలాది సీసీ కెమెరాలను ఏర్పాటు చేసి… ప్రపంచ ఖ్యాతిని తెచ్చిపెట్టారు. ‘కమ్యూనిటీ’, ‘నేను సైతం’ పేరిట లక్షలాది సీసీ కెమెరాలను ఏర్పాటు చేయగా, అవి హైదరాబాద్లో శాంతి భద్రతల పరిరక్షణలో తమ వంతు పాత్ర పోషిస్తూ వచ్చాయి.
వెయ్యి మంది ప్రజలకు 30 సీసీ కెమెరాలు ఏర్పాటు చేయడంతో పాటు చదరపు కిలోమీటర్కు 480 సీసీ కెమెరాలు ఏర్పాటు చేసి లండన్, బీజింగ్, న్యూయార్క్ నగరాలను అధిగమించిన సిటీగా హైదరాబాద్ ప్రపంచంలోనే రెండో స్థానాన్ని సంపాదించింది. ఇప్పుడు కొత్త సీసీ కెమెరాల ఏర్పాటు కాదు కదా.. ఉన్నవాటిలో ఎన్ని పనిచేస్తున్నాయి..? ఎన్ని పనిచేయడం లేదు అనేది ప్రశ్నార్థకంగా మారింది. దీంతో హైదరాబాద్ పోలీసులు సీసీ కెమెరాల నిర్వహణకు ప్రజల సహకారాన్ని కోరుతున్నారు.
‘నేను సైతం’ ద్వారా 5 లక్షలకుపైగా..
హైదరాబాద్లో 5 లక్షలకుపైగా సీసీ కెమెరాలు ‘నేను సైతం’ స్కీంలో ప్రజల సహకారంతో ఏర్పాటు చేశారు. దీంతో పాటు 10 వేల కమ్యూనిటీ సీసీ కెమెరాలు ఏర్పాటు చేశారు. ఇందులో ‘నేను సైతం’ కెమెరాలు చాలా వరకు పనిచేయడం లేదు. 2015 తరువాత అప్పటి ప్రభుత్వ హయాంలో సీసీ కెమెరాల ప్రాముఖ్యతను ప్రజలకు వివరిస్తూ..వారిని భాగస్వాములను చేసి నేను సైతం పేరుతో సీసీ కెమెరాలు ఏర్పాటు చేశారు.
ప్రతి ఏటా సీసీ కెమెరాల సంఖ్య పెరుగుతూ వచ్చింది. అయితే ఎలక్ట్రానిక్ వస్తువులు కావడంతో చాలా వరకు సీసీ కెమెరాలు, వాటి కేబుళ్లు పనిచేయడం లేదు. వర్షానికి నానుతూ, ఎండకు ఎండుతూ ఇలా రోడ్డు వైపులకు ఉన్న కెమెరాలు చాలా వరకు దెబ్బతిన్నాయి. కొందరు ఇంటి యజమానులు వాటికి మరమ్మతులు చేయించుకోవడం, మరికొందరు వాటి స్థానంలో లెటెస్ట్ టెక్నాలజీకి సంబంధించిన సీసీ కెమెరాలు ఏర్పాటు చేసుకున్నారు.
దర్యాప్తు మందగమనం..
హైదరాబాద్లో నేరం జరుగొద్దు… జరిగితే 24 గంటల్లో నిందితులను పట్టుకోవాలనే లక్ష్యంతో గత పదేండ్లు పోలీసులు పనిచేశారు. అందుకు తగ్గట్టుగా టెక్నాలజీని వాడుకున్నారు. గతంలో వాడిన టెక్నాలజీని మెమెందుకు వాడాలి..ఆ సంస్కరణలు మేం ఎందుకు కొనసాగించాలనే కోణంతో కొందరు అధికారుల ఆలోచన తీరు ఉండటంతో ప్రస్తుతం చాలా వరకు టెక్నాలజీకి సంబంధించిన అంశాలపై ఉన్నతాధికారుల పర్యవేక్షణ లేదు.
ఈ క్రమంలోనే నేరం జరిగితే ముందుగా పోలీసులు సీసీ కెమెరాల ఫుటేజీలను సేకరించి నిందితుడిని పట్టుకునే ప్రయత్నం చేస్తుంటారు. ప్రస్తుతం సీసీ కెమెరాలు సరిగా పనిచేయకపోవడంతో ఫుటేజీలను గుర్తించడానికి, గుర్తించిన దానిని విశ్లేషించేందుకు కూడా సమయం పడుతున్నది. దీంతోనే కేసుల ఛేదనలో సమయం పడుతున్నదనే వాదన వినిపిస్తున్నది.
ప్రజల మద్దతు కావాలి
సీసీ కెమెరాలు ఏర్పాటు చేయించడంతో పాటు నిర్వహణ కూడా కీలకమైన అంశమే. ఈ నేపథ్యంలో కాలం గడుస్తుండడంతో నేను సైతంలో ఏర్పాటు చేసిన సీసీ కెమెరాల నిర్వహణ ఆయా యాజమాన్యాలు కొన్ని సందర్భాల్లో పట్టించుకోకపోవడంతో ఇబ్బందులు ఏర్పడుతున్నాయి.
ఇప్పుడు ఈ కెమెరాలను సరిగ్గా పనిచేసే విధంగా చేయడంలో ప్రజల మద్దతు కోరుతున్నామని నగర పోలీసు బాస్ ఇటీవల ట్వీట్ ద్వారా కోరారు. నగరంలో 10 వేల కమ్యూనిటీ, 5 లక్షల సీసీ కెమెరాలు ప్రజల సహకారంతో ఏర్పాటు చేశామన్నారు. ఇప్పుడు మరోసారి డ్రైవ్ చేయాల్సి ఉన్నది. అందుకు ప్రజల మద్దతు కావాలని ఆయన కోరారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
TTD | సెక్యూరిటీ ,విజిలెన్స్ గార్డు నియామక నిబంధనల్లో ఎలాంటి మార్పులు చేయలేదు : టీటీడీ
YS Jagan | సమగ్రమైన కుల గణనకు వైసీపీ మద్దతు : వైఎస్ జగన్
Health tips | మీ రోజువారీ డైట్లో వెల్లిపాయలుంటే కలిగే 10 ఆరోగ్య ప్రయోజనాల గురించి తెలుసా..?
Inter Exams schedule | రాష్ట్రంలో ఇంటర్ పరీక్షల షెడ్యూల్ విడుదల..!
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

