KTR | ఎన్‌హెచ్‌ఎం ఉద్యోగుల పోరాటానికి బీఆర్ఎస్ పార్టీ సంపూర్ణ మద్దతు : కేటీఆర్

KTR | ఎన్‌హెచ్‌ఎం ఉద్యోగుల జేఏసీ బాధ్యులు వారి సమస్యలు, డిమాండ్లను బీఆర్ఎస్ వర్కింగ్ ప్రెసిడెంట్ కేటీఆర్ దృష్టికి తీసుకెళ్లారు. ఇటీవల రాష్ట్రవ్యాప్తంగా చేపట్టిన కార్యక్రమాలను వివరించారు.

KTR | తెలంగాణలో నేషనల్ హెల్త్ మిషన్ (NHM)లో పనిచేస్తున్న ఉద్యోగుల డిమాండ్లు న్యాయమైనవని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. మాజీ ఎమ్మెల్యే దాస్యం వినయ్‌ భాస్కర్ ఆధ్వర్యంలో ఎన్‌హెచ్‌ఎం ఉద్యోగుల జేఏసీ ప్రెసిడెంట్ డా. మహేందర్ రావు, అధికార ప్రతినిధి డా. బోడ శ్రీనివాస్, హనుమకొండ జిల్లా బాధ్యులు వినయ్ కుమార్, మేడ్చల్ మల్కాజిగిరి జిల్లా జేఏసీ బాధ్యులు కుమార్ హైదరాబాద్‌లోని నివాసంలో  కేటీఆర్‌ను కలిశారు.

ఈ సందర్భంగా ఎన్‌హెచ్‌ఎం ఉద్యోగుల జేఏసీ బాధ్యులు కేటీఆర్ దృష్టికి వారి సమస్యలు, డిమాండ్లను తీసుకెళ్లారు. ఇటీవల రాష్ట్రవ్యాప్తంగా చేపట్టిన కార్యక్రమాలను వివరించారు. ఎన్‌హెచ్‌ఎం ఉద్యోగుల సమస్యలు, డిమాండ్‌లకు సంబంధించిన వినతి పత్రాన్ని కేటీఆర్‌కు అందించారు. కేటీఆర్ వారి సమస్యలను విని, సానుకూలంగా స్పందించారు. ఎన్‌హెచ్‌ఎం ఉద్యోగుల పోరాటానికి బీఆర్ఎస్ పార్టీ సంపూర్ణ మద్దతు ఉంటుందని కేటీఆర్ స్పష్టం చేశారు. పార్టీ ఆధ్వర్యంలో నేషనల్ హెల్త్ మిషన్ (NHM)లో పనిచేస్తున్న ఉద్యోగుల సమస్యలపై అధ్యయనం చేస్తామని ఈ సందర్భంగా వారికి హామీ ఇచ్చారు.

 

Read Also :

Vijay Deverakonda | ‘రణబాలి’ విడుదల వేళ పుట్టపర్తిలో విజయ్ దేవరకొండ, రష్మిక మందన్న!

President Murmu | మహిళలకు మరింత సాధికారత కల్పించేందుకు కృషి చేయాలి : రాష్ట్రపతి ముర్ము

unknown callers | గుర్తు తెలియని కాలర్స్‌పై ప్రభుత్వం కీలక నిర్ణయం.. ఇకపై కాలర్ పేరు తప్పనిసరి