భయం వద్దు.. బర్డ్‌ఫ్లూ లేదు

మేడ్చల్‌ జిల్లాలోని వివిధ ప్రాంతాలలో 83 ఫౌల్ట్రీలు ఉన్నాయి. ఇప్పటి వరకు  పశు సంవర్ధక శాఖ సిబ్బంది 55 ఫౌల్ట్రీలను సందర్శించి కోళ్ల నుంచి శాంపిల్స్‌ను సేకరించారు. ఇందు లో కోళ్ల రక్తంతో పాటు ముక్కులో నుంచి కారే జిగురు పదార్థాన్ని శాంపిల్స్‌గా సేకరించి, చనిపోయిన కోళ్ల నుంచి ఊపిరితిత్తులు, లివర్‌ను సేకరించి వీబీఆర్‌ఐ(వెటర్నరీ బయోలాజికల్‌ రిసెర్చ్‌ ఇనిస్టిట్యూట్‌)లో పరీక్షలు జరిపి బర్డ్‌ఫ్లూ లక్షణాలు లేవని నిర్ధారించి ధ్రువీకరించినట్లు మేడ్చల్‌ జిల్లా పశు సంవర్ధకశాఖ జిల్లా అధికారి శేఖర్‌ వెల్లడించారు. 83 ఫౌల్ట్రీలలో 35 లక్షల పైచిలుకు కోళ్లు ఉం డగా 55 ఫౌల్ట్రీలలో లక్షల్లో కోళ్ల శాంపిళ్లను సేకరించారు. కోళ్ల నుంచి బర్డ్‌ఫ్లూ వ్యాప్తి చెందకుండా పశు సంవర్ధక శాఖ అధికారులు చర్యలు కట్టుదిట్టమైన చర్యలు తీసుకుంటున్నారు.