నేటి నుంచి 34 ఎంఎంటీఎస్‌ సర్వీసుల రద్దు

నగరంలో విస్తారంగా వర్షాలు కురుస్తుండడం, విద్యాసంస్థలకు సెలవులు కావడంతో దక్షిణ మధ్య రైల్వే ఈనెల 14 నుంచి 17వ తేదీ వరకు 34 ఎంఎంటీఎస్‌ సర్వీసులను రద్దు చేసింది

సిటీబ్యూరో, జూలై 13 (నమస్తే తెలంగాణ) : నగరంలో విస్తారంగా వర్షాలు కురుస్తుండడం, విద్యాసంస్థలకు సెలవులు కావడంతో దక్షిణ మధ్య రైల్వే ఈనెల 14 నుంచి 17వ తేదీ వరకు 34 ఎంఎంటీఎస్‌ సర్వీసులను రద్దు చేసింది. లింగంపల్లి-హైదరాబాద్‌ మధ్య 18, ఫలక్‌నుమా-లింగంపల్లి 14, సికింద్రాబాద్‌-లింగంపల్లి 2 సర్వీసుల చొప్పున రద్దయ్యాయి.

వీక్లీ రైళ్ల పొడిగింపు
తిరుపతి, అకో లా, పుణె స్టేషన్ల మధ్య నడుస్తు న్న వారాంతపు ప్రత్యేక రైళ్ల రాకపోకలను ఆగస్టు 5 నుంచి సెప్టెంబర్‌ 30 వరకు పొడిగిస్తున్నట్లు బుధవారం దక్షిణ మధ్య రైల్వే జోన్‌ అధికారులు వెల్లడించారు. తిరుపతికి వెళ్లే ప్రయాణికులు అధిక సంఖ్యలో ఉండ డం వల్ల ఈ నిర్ణయం తీసుకున్నట్లు తెలిపారు. అలాగే రాష్ట్రంలో కురుస్తున్న భారీ వర్షాల కారణంగా సికింద్రాబాద్‌, మేడ్చల్‌, బొల్లారం తదితర స్టేషన్ల మధ్య నడిచే 15 రైళ్ల రాకపోకలను ఈ నెల 14 నుంచి 17 వరకు రద్దు చేసినట్లు వివరించారు.