Cyber Crime | 18 మంది సైబర్‌ నేరగాళ్లు అరెస్ట్‌.. మూడు రాష్ర్టాల్లో ఆరు బృందాలతో గాలింపు

మూడు రాష్ర్టాల్లో.. ఆరు బృందాలతో సైబర్‌ నేరగాళ్ల కోసం గాలించి.. 18 మంది నేరస్థులను అరెస్ట్‌ చేశారని నగర పోలీస్‌ కమిషనర్‌ సీవీ ఆనంద్‌ ఆదివారం వెల్లడించారు. అరెస్టయిన వారిలో ముగ్గురు సైబర్‌నేరాలలో మాస్టర్‌ మైండ్‌ ఉన్నవారని, రూ. 6.94 కోట్ల ఆర్థిక నష్టం జరిగిన 10 ప్రధాన కేసులను సైబర్‌క్రైమ్‌ యూనిట్‌ ఛేదించిందని తెలిపారు.

• అరెస్టయిన వారిలో ముగ్గురు సైబర్‌నేరాల సూత్రధారులు
• నిందితులకు దేశ వ్యాప్తంగా 319 కేసులతో సంబంధాలు

Cyber Crime | సిటీబ్యూరో, అక్టోబర్‌ 6 (నమస్తే తెలంగాణ): మూడు రాష్ర్టాల్లో.. ఆరు బృందాలతో సైబర్‌ నేరగాళ్ల కోసం గాలించి.. 18 మంది నేరస్థులను అరెస్ట్‌ చేశారని నగర పోలీస్‌ కమిషనర్‌ సీవీ ఆనంద్‌ ఆదివారం వెల్లడించారు. అరెస్టయిన వారిలో ముగ్గురు సైబర్‌నేరాలలో మాస్టర్‌ మైండ్‌ ఉన్నవారని, రూ. 6.94 కోట్ల ఆర్థిక నష్టం జరిగిన 10 ప్రధాన కేసులను సైబర్‌క్రైమ్‌ యూనిట్‌ ఛేదించిందని తెలిపారు. ఇందులో 6 ఇన్విస్ట్‌మెంట్‌, ఒకటి డిజిటల్‌ ఫ్రాడ్‌ అరెస్ట్‌, మరొకటి సెక్ట్సార్షన్‌ మోసం, ఓటీపీ ఫ్రాడ్‌తో పాటు మరో ఇన్సూరెన్స్‌ ఫ్రాడ్‌ కేసును కూడా ఛేదించామని తెలిపారు. సైబర్‌క్రైమ్స్‌ డీసీపీ దార కవిత పర్యవేక్షణలో ఏసీపీలు శివమారుతి, చాంద్‌పాష నేతృత్వంలోని ఇన్‌స్పెక్టర్లు మట్టం రాజు, ప్రమోద్‌కుమార్‌, సీతారాములు, కె.ప్రసాద్‌రావు, ఎస్‌.నరేశ్‌ బృందాలు కర్ణాటక, మహారాష్ట్ర, రాజస్థాన్‌లో సైబర్‌నేరగాళ్ల కోసం గాలింపు చేపట్టి.. 18 మంది నేరగాళ్లను అరెస్ట్‌ చేశారు.

• బెంగళూరుకు చెందిన రిద్ద్‌ బేడీ, ఇన్సూరెన్స్‌ కంపెనీ పేరుతో ముంబైకి చెందిన అమీర్‌ కాశీనాథ్‌ జాదవ్‌, రాజస్థాన్‌కు చెందిన షైకుల్‌ ఖాన్‌ మెవతీ సైబర్‌నేరగాళ్లతో చేతులు కలిపారు. ఖాతాలు తెరిపించి.. ఆ ఖాతాల్లో డిపాజిటైన సొమ్మును నేరగాళ్లకు అందిస్తున్నారు.
• మిగతా నిందితుల్లో ఖాతాలు తెరిపించే ఏజెంట్లు, ఖాతా దారులు ఉన్నారు. మూడు రాష్ర్టాలకు చెందిన నికేశ్‌ భాటీ, సయంవ బిమాన్‌ దాస్‌, యోగేశ్‌ కుమార్‌, దేవరాజ్‌ చంద్రవత్‌, సన్నీ అలియాస్‌ రోహన్‌ యాదవ్‌, మహ్మద్‌ ఆరీఫ్‌ బర్ఖత్‌ అలీ షేక్‌, సాకేత్‌ సతీశ్‌ టెంబుర్నె, అన్న గోకల్‌ దాగే, అజయ్‌ గోపీనాథ్‌ మిశ్రా, కపలి బహుసాహేబ్‌ నాగరే, శ్రీధర్‌, ఉదయ్‌కుమార్‌, వరణ్‌కుమార్‌, కౌశిక్‌, సమీన్‌ ఖాన్‌ను అరెస్ట్‌ చేశారు.
• నిందితుల వద్ద నుంచి రూ. 5 లక్షల నగదు, 26 మొబైల్‌ ఫోన్లు, 16 ఏటీఎం కార్డులతో పాటు తదితర వస్తువులను స్వాధీనం చేసుకున్నారు. బ్యాంకు ఖాతాల్లో రూ.1,61, 25,876 ఫ్రీజ్‌ చేశారు.
• దేశ వ్యాప్తంగా 319 కేసులతో నిందితులకు సంబంధం ఉన్నది. వీటిలో 45 తెలంగాణ రాష్ర్టానికి చెందిన కేసులు ఉన్నాయని పోలీసులు వెల్లడించారు.