ర్యాగింగ్ చేయకు.. చేయనివ్వకు

- లొకేషన్ షేర్ చేస్తే.. పట్టేస్తారు.. శిక్షిస్తారు..!
- ర్యాగింగ్ నియంత్రణకు యూనివర్సిటీ, కాలేజీల్లో వాట్సాప్ గ్రూపులు
- టోల్ఫ్రీ, హెల్ప్లైన్ కేంద్రాలు
- విద్యార్థులకు అధికారుల ఫోన్ నంబర్లు
- ఫస్ట్ సెమిస్టర్ ప్రారంభం కావడంతో అలర్ట్
- ర్యాగింగ్కు పాల్పడితే కఠిన చర్యలు తప్పవని హెచ్చరిక
- అందరూ స్నేహపూర్వకంగా ఉండాలని సూచన
సిటీబ్యూరో, డిసెంబర్ 10 (నమస్తే తెలంగాణ) : ఉస్మానియా, జేఎన్టీయూ వంటి అన్ని యూనివర్సిటీలలో బీటెక్, డిగ్రీ ఫస్ట్ సెమిస్టర్ తరగతులు ప్రారంభమయ్యాయి. దీంతో ర్యాగింగ్ నియంత్రణపై అధికారులు దృష్టి సారించారు. ర్యాగింగ్ వల్ల ఎవరూ కూడా మానసికంగా కుంగిపోకుండా, సీనియర్ల ర్యాగింగ్ నుంచి జూనియర్లను రక్షించేందుకు చర్యలు చేపడుతున్నారు. ఇందు లో భాగంగా యూనివర్సిటీలలో కొత్తగా తరగతులు, కాలేజీల వారీగా ప్రత్యేకంగా వాట్సాప్ గ్రూపులను ఏర్పా టు చేస్తున్నారు. వైస్చాన్స్లర్, రిజిస్ట్రార్, కంట్రోలర్ ఆఫ్ ఎగ్జామినేషన్, హాస్టల్ నిర్వహణ అధికారులతో పాటు విద్యార్థులు ఉంటారు. ఈ గ్రూప్లో ర్యాగింగ్ చేస్తున్న వారి వివరాలు, ప్లేస్ షేర్ చేస్తే.. అధికారులు వెంటనే స్పందించి వారిపై చట్టపరమైన చర్యలు తీసుకుంటారు.
ర్యాగింగ్ నియంత్రణలో భాగంగా..
యూనివర్సిటీలలో ఇప్పటికే టోల్ఫ్రీ నంబర్లు, హెల్ప్లైన్ కేంద్రాలు ఏర్పాటు చేశారు. విద్యార్థులందరికీ అధికారుల ఫోన్ నంబర్లు ఇవ్వనున్నారు. విద్యార్థులు ఎప్పుడు ఫోన్ చేసినా స్పందించాలని ఉన్నతాధికారులు సూచిస్తున్నారు. యూనివర్సిటీ క్యాంపస్తో పాటు ప్రైవేటు అఫిలియేటెడ్ కాలేజీలలో కూడా ర్యాగింగ్ నియంత్రణ చర్యలు తీసుకోవాలని ఆయా కాలేజీ యాజమాన్యాలకు యూనివర్సిటీ అధికారులు ఆదేశాలు జారీ చేశారు. ప్రతి కాలేజీ క్యాంపస్లో యాంటీ ర్యాగింగ్ బోర్డులు, స్లోగన్లు ఏర్పాటు చేస్తున్నారు.
ర్యాగింగ్పై సెమినార్..!
- ర్యాగింగ్ చేయడం వల్ల ఎలాంటి నష్టాలుంటాయి.
- జూనియర్ విద్యార్థులు ఎన్ని రకాల మానసిక ఇబ్బందులకు గురయ్యే అవకాశముంది.
- బాలికలు ఎలాంటి ఇబ్బందులు ఎదుర్కొంటారు.
- సీనియర్లు, జూనియర్లు కలిసి మెలిసి ఏ విధంగా ఉండాలి. దాని వల్ల కలిగే లాభాలు.. వంటి అన్ని కోణాల్లో ఆలోచన చేసే విధంగా సెమినార్లు నిర్వహించనున్నారు.
- మారకుంటే కఠిన చర్యలు
- సెమినార్లు నిర్వహించినప్పటికీ సీనియర్ విద్యార్థులు ర్యాగింగ్కు పాల్పడితే ర్యాగింగ్ నిబంధనల ప్రకారం కఠిన చర్యలు తీసుకోవడానికి ఆయా కాలేజీలు సిద్ధంగా ఉన్నాయి. ఈ విషయంలో యూనివర్సిటీలు, ప్రభుత్వం కూడా చాలా సీరియస్గా ఉంది. – ప్రొఫెసర్ ఆర్.లింబాద్రి, రాష్ట్ర ఉన్నత విద్యామండలి చైర్మన్
స్నేహపూర్వకంగా ఉండాలి
యూనివర్సిటీల్లో ర్యాగింగ్ లేకుండా చూడాలి. అందరూ స్నేహపూర్వక వాతావరణంలో కాలేజీ చదువులు కొనసాగించాలి. అందుకు కావాల్సిన అన్ని రకాల సౌకర్యాలు కల్పించడానికి తాము సిద్ధంగా ఉన్నాం. కాలేజీ ఆవరణలోనే కాకుండా హాస్టళ్లలో కూడా ర్యాగింగ్ చేయవద్దు. – ప్రొఫెసర్ రవీందర్ యాదవ్, ఓయూ వైస్ చాన్స్లర్
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
రామాంజనేయ కాలనీలో పోలీసుల కార్డన్ అండ్ సెర్చ్
Cyclone Akvan | అక్వాన్ తుపాను ఎఫెక్ట్.. అల్లకల్లోలంగా సముద్రం.. పూరీ తీరం వెంట ఎర్ర జెండాలు.. Video
Lung Health Problems | చలికాలంలో శ్వాసకోశ సమస్యల పట్ల జాగ్రత్త.. ఇలా చేస్తే ఇబ్బందులు ఉండవు..
KA Paul | రేవంత్ రెడ్డిది అవినీతి పాలన.. కనీసం ప్రజలకు మంచి నీళ్లు ఇవ్వడం లేదు: కేఏ పాల్ ఫైర్
‘జలాల్పూర్ చెరువు కట్ట మూల మలుపు వద్ద రక్షణ చర్యలు చేపట్టాలి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

