Visit:
Chayote Squash | మార్కెట్‌లో మీరు అనేక ర‌కాల కూర‌గాయ‌ల‌ను చూస్తుంటారు. వాటిల్లో చౌ చౌ కూడా ఒక‌టి. వీటినే క‌యోట్ స్క్వాష్ అని కూడా పిలుస్తారు. తెలుగులో సీమ వంకాయ‌ల‌ని అంటారు. ఇవి చూసేందుకు ఒక ర‌క‌మైన జామ‌కాయ‌ల‌ను పోలి ఉంటాయి. అయితే ఇది కూర‌గాయ ర‌కానికి చెందిన‌ది. దీన్ని కూర‌గా చేసుకుని తింటారు. ఇందులో అనేక పోష‌కాలు ఉంటాయి. ఈ క్ర‌మంలోనే సీమ వంకాయ‌ల‌ను ఆహారంలో భాగం చేసుకోవ‌డం వ‌ల్ల అనేక ఆరోగ్య ప్ర‌యోజ‌నాలు క‌లుగుతాయ‌ని పోష‌కాహార నిపుణులు చెబుతున్నారు. 1 క‌ప్పు ఉడ‌క‌బెట్టిన సీమ వంకాయ‌ల‌ను తింటే సుమారుగా 39 క్యాల‌రీల శ‌క్తి ల‌భిస్తుంది. పిండి పదార్థాలు 9 గ్రాములు, ప్రోటీన్లు 2 గ్రాములు, కొవ్వు 0.5 గ్రాములు, ఫైబ‌ర్ 4 గ్రాములు ల‌భిస్తాయి. అలాగే వీటిలో విట‌మిన్లు బి9, సి, కె, బి6, మాంగ‌నీస్‌, కాప‌ర్, జింక్, పొటాషియం, మెగ్నిషియం, ఐర‌న్‌, ఫాస్ఫ‌ర‌స్‌, క్యాల్షియం కూడా ఉంటాయి. ఇవి మ‌న‌కు పోష‌ణ‌ను అందిస్తాయి.
సీమ వంకాయ‌ల‌ను ఆహారంలో భాగం చేసుకుంటే అనేక యాంటీ ఆక్సిడెంట్ల‌ను పొంద‌వ‌చ్చు. ముఖ్యంగా విట‌మిన్ సి ల‌భిస్తుంది. ఫ్లేవనాయిడ్స్, ఫినోలిక్ స‌మ్మేళ‌నాలు కూడా వీటిల్లో ఉంటాయి. ఇవి ఫ్రీ ర్యాడిక‌ల్స్‌ను నిర్మూలిస్తాయి. దీంతో ఆక్సీక‌ర‌ణ ఒత్తిడి త‌గ్గుతుంది. క‌ణాల‌కు జ‌రిగే న‌ష్టం నివారించ‌బ‌డుతుంది. త‌ర‌చూ వీటిని తింటుంటే క్యాన్సర్, గుండె జ‌బ్బులు, నాడీ సంబంధ వ్యాధులు వచ్చే అవ‌కాశాలు చాలా త‌క్కువ‌గా ఉంటాయని సైంటిస్టులు చేప‌ట్టిన అధ్య‌య‌నాల్లో తేలింది. వీటిని ఆహారంలో భాగం చేసుకుంటే కొలెస్ట్రాల్ లెవ‌ల్స్ త‌గ్గుతాయి. బీపీ నియంత్ర‌ణ‌లోకి వ‌స్తుంది. వీటిల్లో ఉండే ఫ్లేవనాయిడ్స్ రక్త నాళాల్లో కొలెస్ట్రాల్ పేరుకుపోకుండా చూస్తాయి. దీంతో రక్త నాళాలు ఆరోగ్యంగా ఉంటాయి. బీపీ నియంత్రణ‌లో ఉంటుంది. కొలెస్ట్రాల్ స్థాయిలు త‌గ్గుతాయి. గుండె ఆరోగ్యంగా ఉంటుంది. హార్ట్ ఎటాక్ రాకుండా నివారించ‌వ‌చ్చు.
సీమ వంకాయ‌ల్లో పిండి పదార్థాలు చాలా త‌క్కువ‌గా ఉంటాయి. పైగా ఫైబ‌ర్ అధికంగా ఉంటుంది. అందువ‌ల్ల వీటిని తింటే రక్తంలో చ‌క్కెర స్థాయిలు నెమ్మ‌దిగా పెరుగుతాయి. ఇది షుగ‌ర్ ఉన్న‌వారికి ఎంత‌గానో మేలు చేసే విష‌యం. వీటిని తిన‌డం వ‌ల్ల శ‌రీరం ఇన్సులిన్‌ను మ‌రింత మెరుగ్గా ఉప‌యోగించుకుంటుంది. దీంతో షుగ‌ర్ లెవ‌ల్స్ త‌గ్గుతాయి. డయాబెటిస్ అదుపులో ఉంటుంది. ముఖ్యంగా టైప్ 2 డయాబెటిస్ ఉన్న‌వారికి ఎంత‌గానో మేలు జ‌రుగుతుంది. సీమ‌వంకాయ‌ల్లో ఫైబ‌ర్ అధికంగా ఉంటుంది. క‌నుక వీటిని తింటే పేగుల్లో మ‌లం సుల‌భంగా క‌దులుతుంది. దీని వ‌ల్ల మ‌ల‌బ‌ద్ద‌కం త‌గ్గుతుంది. ఇవి ప్రీ బ‌యోటిక్ ఆహారంగా కూడా ప‌నిచేస్తాయి. అందువ‌ల్ల వీటిని తింటే జీర్ణ వ్య‌వ‌స్థ‌లో మంచి బ్యాక్టీరియా వృద్ధి చెందుతుంది. దీని వ‌ల్ల జీర్ణ వ్య‌వ‌స్థ ఆరోగ్యంగా ఉంటుంది. సాధార‌ణ జీర్ణ స‌మ‌స్య‌లు రాకుండా అడ్డుకోవచ్చు.
సీమ వంకాయ‌ల్లో క్యాల‌రీలు చాలా త‌క్కువ‌గా ఉంటాయి. పైగా ఫైబ‌ర్ అధికంగా ఉంటుంది. అందువ‌ల్ల వీటిని తింటే క‌డుపు నిండిన భావ‌న క‌లుగుతుంది. ఎక్కువ సేపు ఉన్నా ఆక‌లి వేయ‌దు. దీంతో ఆహారం త‌క్కువ‌గా తింటారు. ఇది బరువు త‌గ్గేందుకు స‌హాయం చేస్తుంది. అధికంగా బరువు ఉన్న‌వారు సీమ వంకాయ‌ల‌ను త‌ర‌చూ తింటుంటే బ‌రువును త‌గ్గించుకోవ‌చ్చు. వీటిని తింటే గ‌ర్భిణీల‌కు సైతం ఎంత‌గానో మేలు జ‌రుగుతుంది. ఈ కాయ‌ల్లో ఫోలేట్ అధికంగా ఉంటుంది. ఇది గ‌ర్భంలో ఉన్న శిశువు ఎదుగుద‌ల‌కు సహాయ ప‌డుతుంది. క‌నుక గ‌ర్భిణీలు వీటిని త‌ర‌చూ తినాలి. ఈ కాయ‌ల్లో యాంటీ ఆక్సిడెంట్లు చాలా శ‌క్తివంతంగా ఉంటాయి. అందువ‌ల్ల వీటిని తింటే క్యాన్సర్ క‌ణాలు నాశ‌నం అవుతాయి. క్యాన్స‌ర్లు రాకుండా సుర‌క్షితంగా ఉండ‌వ‌చ్చు. ఇలా సీమ వంకాయ‌ల‌ను ఆహారంలో భాగం చేసుకుంటే అనేక లాభాల‌ను పొంద‌వ‌చ్చు.
