Yoga | మాతృయోగ మార్జరి ఆసనం

యోగాలో ఒక్కో ఆసనం ఒక్కో శరీర భాగాన్ని ప్రభావితం చేస్తుంది. ప్రత్యేకించి, మార్జరి ఆసనం మెడ కండరాల నుంచి నడుం వరకు సత్తువనిస్తుంది. అయితే, నిపుణుల పర్యవేక్షణలోనే ఈ ఆసనాన్ని ప్రయత్నించాలి.

• ముందుగా వజ్రాసన స్థితిలో కూర్చోవాలి. గాలి తీసుకుంటూ మోకాళ్ల మీద కూర్చోవాలి. నడుం పైభాగాన్ని
• నిటారుగా ఉంచాలి.
• శ్వాస వదులుతూ ముందుకు వంగి, రెండు చేతులను నేలకు ఆనించాలి. మోకాళ్లు, చేతులు సమాంతరంగా ఉండేలా చూసుకోవాలి. పొట్ట
• భూతలానికి సమాంతరంగా ఉండాలి.
• ఎ. ఊపిరి పీలుస్తూ తల పైకి ఎత్తాలి. మెడ కండరాలను స్ట్రెచ్‌ చేయాలి. వీపును బల్లపరుపుగా ఉంచి,నిదానంగా పైకెత్తాలి.
• ఈ పొజిషన్‌లో నాలుగైదుసార్లు శ్వాసక్రియ కొనసాగించాలి.
• బి. నడుమును కాస్త కిందికి స్ట్రెచ్‌ చేసే ప్రయత్నం చేయాలి. తల కిందికి దించి శ్వాస తీసుకుంటూ పొత్తికడుపును చూసే ప్రయత్నం చేయాలి. ఈ పొజిషన్‌లో నాలుగైదు సార్లు శ్వాసక్రియ కొన
• సాగించాలి.
• పైన పేర్కొన్న ఎ, బి ప్రక్రియలు ఒకదాని తర్వాత ఒకటి నాలుగుసార్లు చేయాలి. చివరగా నిదానంగా వజ్రాసన స్థితిలోకి రావాలి.
• తల పైకి ఉన్నప్పుడు దృష్టిని పై దిశలో ఉంచాలి. కిందికి ఉన్నప్పుడు పొత్తికడుపుపై దృష్టి సారించాలి.

ప్రయోజనాలు: పొత్తికడుపు కండరాలు దృఢంగా తయారవుతాయి. వెన్నెముక బలంగా ఉంటుంది. మెడ కండరాలు సత్తువను సంతరించుకుంటాయి. నడుం నొప్పులు తగ్గుతాయి.

అనితా అత్యాల
ప్రెగ్నెన్సీ యోగా నిపుణురాలు
6309800109