Visit:
Papaya Leaves Juice | వ‌ర్షాకాలంలో మ‌న‌కు అనేక వ్యాధులు వ‌స్తుంటాయి. ద‌గ్గు, జ‌లుబు వంటి సీజ‌న‌ల్ వ్యాధుల‌తోపాటు దోమ‌ల ద్వారా, క‌లుషిత ఆహారం, నీరు ద్వారా జ్వ‌రాలు వ‌స్తుంటాయి. ముఖ్యంగా మ‌లేరియా, డెంగీ, టైఫాయిడ్ వంటి విష జ్వ‌రాల బారిన ప‌డుతుంటారు. సాధార‌ణంగా రోగ నిరోధ‌క శ‌క్తి అధికంగా ఉంటే ఈ వ్యాధులు మ‌న‌ల్ని ఏమీ చేయ‌లేవు. కానీ రోగ నిరోధ‌క శ‌క్తి తక్కువ‌గా ఉన్న‌వారికి ఈ వ్యాధుల‌కు చెందిన ల‌క్ష‌ణాలు త్వ‌ర‌గా క‌నిపిస్తాయి. అలాగే ఈ రోగాల బారి నుంచి బ‌య‌ట ప‌డేందుకు స‌మ‌యం కూడా ఎక్కువ‌గా ప‌డుతుంది. క‌నుక ఈ సీజ‌న్‌లో రోగ నిరోధ‌క శ‌క్తిని పెంచే ఆహారాల‌ను తీసుకోవాలి. అలాంటి ఆహారాల్లో బొప్పాయి ఆకులు కూడా ఒక‌టి. బొప్పాయి ఆకుల్లో ఎన్నో ఔష‌ధ గుణాలు ఉంటాయి. మ‌న‌కు క‌లిగే అనేక వ్యాధుల‌ను త‌గ్గించ‌డంలో బొప్పాయి ఆకులు అద్భుతంగా ప‌నిచేస్తాయ‌ని ఆయుర్వేద వైద్యులు చెబుతున్నారు. బొప్పాయి ఆకుల ర‌సాన్ని 5 నుంచి 10 ఎంఎల్ మోతాదులో తీసుకుని ఒక గ్లాస్ నీటిలో క‌లిపి రోజూ ఉద‌యం, సాయంత్రం భోజ‌నం చేసిన త‌రువాత తాగాల్సి ఉంటుంది. దీంతో అనేక లాభాల‌ను పొంద‌వ‌చ్చు.
విష జ్వ‌రాల బారిన పడిన వారిలో సాధార‌ణంగా ప్లేట్‌లెట్ కౌంట్ ప‌డిపోతుంది. డెంగీ వంటి వ్యాధులు వ‌స్తే ప్లేట్‌లెట్లు ఇంకా ఎక్కువ‌గా వేగంగా న‌శిస్తాయి. క‌నుక ప్లేట్‌లెట్ల‌ను పెంచేందుకు వైద్యులు మందుల‌ను ఇస్తారు. వాటితోపాటు బొప్పాయి ఆకుల ర‌సాన్ని సేవించాల్సి ఉంటుంది. దీంతో ప్లేటె లెట్లు త్వ‌ర‌గా పెరుగుతాయి. జ్వ‌రం లేదా వ్యాధి నుంచి త్వ‌ర‌గా కోలుకుంటారు. అధ్య‌య‌నాలు చెబుతున్న ప్ర‌కారం బొప్పాయి ఆకుల ర‌సాన్ని సేవిస్తుంటే ప్లేట్‌లెట్లు పెర‌గ‌డంతోపాటు డెంగీ నుంచి త్వ‌ర‌గా కోలుకోవ‌చ్చ‌ని తేలింది. క‌నుక బొప్పాయి ఆకుల ర‌సాన్ని సేవించాలి. ఈ ర‌సాన్ని తాగితే జీర్ణ శ‌క్తి సైతం పెరుగుతుంది. ఈ ఆకుల్లో ప‌పైన్‌, కైమోప‌పైన్ అనే ఎంజైమ్‌లు ఉంటాయి. ఇవి మ‌నం తిన్న ఆహారాన్ని సుల‌భంగా జీర్ణం చేస్తాయి. దీంతో అజీర్తి త‌గ్గుతుంది. అలాగే ఇత‌ర జీర్ణ స‌మ‌స్య‌లు అయిన క‌డుపు ఉబ్బ‌రం, గ్యాస్‌, మ‌ల‌బ‌ద్ద‌కం నుంచి సైతం ఉప‌శ‌మనం ల‌భిస్తుంది.
బొప్పాయి ఆకుల్లో యాంటీ ఆక్సిడెంట్లు అధికంగా ఉంటాయి. విట‌మిన్ సి కూడా స‌మృద్ధిగానే ఉంటుంది. ఇది కూడా యాంటీ ఆక్సిడెంట్ మాదిరిగానే ప‌నిచేస్తుంది. ఈ ఆకుల్లో ఉండే విట‌మిన్ ఇ, బీటా కెరోటిన్‌, ఫ్లేవ‌నాయిడ్స్, ఫినోలిక్ స‌మ్మేళ‌నాలు ఫ్రీ ర్యాడిక‌ల్స్‌ను నిర్మూలిస్తాయి. దీంతో ఆక్సీక‌ర‌ణ ఒత్తిడి, శ‌రీరంలో అంత‌ర్గ‌తంగా ఏర్ప‌డే వాపులు త‌గ్గిపోతాయి. క‌ణాల‌కు జ‌రిగే న‌ష్టం నివారించ‌బ‌డుతుంది. దీంతో గుండె పోటు, క్యాన్స‌ర్ వంటి ప్రాణాంత‌క వ్యాధులు రాకుండా అడ్డుకోవ‌చ్చు. బొప్పాయి ఆకుల్లో ఉండే స‌మ్మేళ‌నాలు క్లోమ గ్రంథిలోని క‌ణాల‌ను ఉత్తేజం చేస్తాయి. దీంతో ఇన్సులిన్ ఉత్ప‌త్తి పెరుగుతుంది. శ‌రీరం ఇన్సులిన్‌ను కూడా స‌రిగ్గా గ్ర‌హించేలా చేస్తుంది. దీంతో షుగ‌ర్ లెవ‌ల్స్ తగ్గుతాయి. డ‌యాబెటిస్ అదుపులో ఉంటుంది. షుగ‌ర్ ఉన్న‌వారికి బొప్పాయి ఆకులు ఎంత‌గానో మేలు చేస్తాయి. రోజూ ఈ ఆకుల ర‌సాన్ని తాగుతుంటే షుగ‌ర్‌ను నియంత్ర‌ణ‌లో ఉంచుకోవ‌చ్చు.
బొప్పాయి ఆకుల ర‌సంలో అధికంగా ఉండే యాంటీ ఆక్సిడెంట్లు ఆక్సీక‌ర‌ణ ఒత్తిడిని త‌గ్గిస్తాయి. దీంతో లివ‌ర్ క‌ణాలు సుర‌క్షితంగా ఉంటాయి. లివ‌ర్‌లో ఉండే వ్య‌ర్థాలు బ‌య‌ట‌కు పోయి లివ‌ర్ క్లీన్ అవుతుంది. ముఖ్యంగా ఫ్యాటీ లివ‌ర్ ఉన్న‌వారికి ఎంత‌గానో మేలు జ‌రుగుతుంది. లివ‌ర్‌లోని కొవ్వును క‌రిగించుకోవ‌చ్చు. బొప్పాయి ఆకుల్లో యాంటీ క్యాన్స‌ర్ గుణాలు ఉంటాయ‌ని సైంటిస్టులు చేప‌ట్టిన అధ్య‌య‌నాల్లో తేలింది. ఈ ఆకుల ర‌సాన్ని సేవిస్తుంటే క్యాన్స‌ర్ క‌ణాల పెరుగుద‌ల ఆగిపోతుంది. దీంతో ప్రోస్టేట్, బ్రెస్ట్‌, పెద్ద పేగు క్యాన్స‌ర్ రాకుండా సుర‌క్షితంగా ఉండ‌వ‌చ్చు. ఈ ఆకుల ర‌సాన్ని తాగితే చ‌ర్మానికి సైతం ఎంతో మేలు జ‌రుగుతుంది. చ‌ర్మ కాంతి పెరుగుతుంది. ముఖంపై ఉండే మొటిమ‌లు, మ‌చ్చ‌లు తొల‌గిపోతాయి. య‌వ్వ‌నంగా క‌నిపిస్తారు. బొప్పాయి ఆకుల ర‌సం మంచిదే అయిన‌ప్ప‌టికీ కొంద‌రికి ఈ ర‌సం ప‌డ‌దు. వాంతులు, విరేచ‌నాలు అయ్యే అవ‌కాశాలు ఉంటాయి. క‌నుక ఆయుర్వేద వైద్యుల ప‌ర్య‌వేక్ష‌ణ‌లో దీన్ని వాడుకోవాల్సి ఉంటుంది.
