Visit:
Walking After Dinner | మ‌నం ఆరోగ్యంగా ఉండాలంటే రోజూ వ్యాయామం చేయాల‌న్న సంగ‌తి తెలిసిందే. అయితే వ్యాయామం అంటే మ‌రీ క‌ష్ట‌ప‌డి జిమ్‌ల‌లో క‌స‌ర‌త్తులు చేయాల్సిన ప‌నిలేదు. రోజూ క‌నీసం 30 నిమిషాల పాటు సాధార‌ణ వాకింగ్ చేసినా చాలు. ఎన్నో ప్ర‌యోజ‌నాలు క‌లుగుతాయ‌ని వైద్య నిపుణులు చెబుతున్నారు. ముఖ్యంగా ఉద‌యం వాకింగ్ చేయ‌డం వ‌ల్ల రోజంతా మెట‌బాలిజం ఎక్కువ‌గా ఉంటుంది. ఇది క్యాల‌రీల‌ను క‌రిగిస్తూనే ఉంటుంది. క‌నుక‌నే ఉద‌యం వ్యాయామం చేయాల‌ని వైద్యులు చెబుతుంటారు. అయితే కేవ‌లం ఉద‌యం మాత్ర‌మే కాదు.. రాత్రి పూట భోజ‌నం అనంతరం కూడా వాకింగ్ చేయాలి. దీంతో మ‌రింత ఎక్కువ ప్ర‌యోజ‌నం ఉంటుంద‌ని వైద్యులు చెబుతున్నారు. రాత్రి పూట డిన్న‌ర్ చేసిన అనంతరం వాకింగ్ చేయ‌డం ఎన్నో మంచి ఫలితాలను ఇస్తుంద‌ని వారు అంటున్నారు.
రాత్రి పూట భోజ‌నం చేసిన అనంతరం క‌నీసం 10 నిమిషాల పాటు తేలిక‌పాటి న‌డ‌క కొన‌సాగించాలి. రాత్రి పూట మ‌న మెట‌బాలిజం త‌గ్గుతుంది. కానీ వాకింగ్ చేస్తే మెట‌బాలిజంను పెంచుకోవ‌చ్చు. దీంతో రాత్రి మ‌నం నిద్రించినా కూడా మ‌న శ‌రీరం క్యాల‌రీల‌ను ఖ‌ర్చు చేస్తూనే ఉంటుంది. ఫ‌లితంగా మ‌నం నిద్ర‌లో ఉన్నా కూడా మ‌న శ‌రీరంలోని కొవ్వు క‌రుగుతుంది. దీంతో అధిక బ‌రువు త‌గ్గుతారు. బ‌రువు త‌గ్గాల‌నుకునే వారు క‌చ్చితంగా రాత్రి పూట డిన్న‌ర్ త‌రువాత వాకింగ్ చేస్తే ఎన్నో మంచి ఫలితాలను పొందవచ్చు. ఇక రాత్రి పూట భోజ‌నం అనంతరం వాకింగ్ చేయ‌డం వ‌ల్ల షుగ‌ర్ లెవ‌ల్స్‌న అదుపులో ఉంచుకోవ‌చ్చు. ఒక అధ్య‌య‌నం ప్ర‌కారం రాత్రి డిన్న‌ర్ త‌రువాత వాకింగ్ చేసేవారి ఫాస్టింగ్ షుగ‌ర్ లెవల్స్ చాలా వ‌ర‌కు త‌గ్గాయ‌ని తేల్చారు. క‌నుక డ‌యాబెటిస్ ఉన్న‌వారు ఫాస్టింగ్ షుగ‌ర్ లెవ‌ల్స్‌ను త‌గ్గించుకునేందుకు గాను రాత్రి పూట డిన్న‌ర్ చేసిన అనంతరం వాకింగ్ చేయాలి. డ‌యాబెటిస్ ఉన్న‌వారికి ఇది ఎంత‌గానో మేలు చేసే విష‌యం.
కొలెస్ట్రాల్ లెవల్స్ అధికంగా ఉన్న‌వారు రోజూ క‌చ్చిత‌మైన డైట్‌ను పాటిస్తూ వ్యాయామం చేయాల్సి ఉంటుంది. అప్పుడే కొలెస్ట్రాల్ లెవ‌ల్స్‌ను త‌గ్గించుకోవ‌చ్చు. అయితే రాత్రి పూట భోజ‌నం చేసిన అనంతరం కాసేపు వాకింగ్ చేయ‌డం వ‌ల్ల కొలెస్ట్రాల్ లెవల్స్ గ‌ణ‌నీయంగా త‌గ్గుతాయ‌ని సైంటిస్టులు చేప‌ట్టిన అధ్య‌య‌నాలు వెల్ల‌డిస్తున్నాయి. కొలెస్ట్రాల్ ఎక్కువ‌గా ఉన్న‌వారు రోజూ రాత్రి వాకింగ్ చేస్తే ఎంత‌గానో ఫ‌లితం ఉంటుంది. అలాగే రోజూ రాత్రి వాకింగ్ చేయ‌డం వ‌ల్ల జీర్ణ‌క్రియ మెరుగు ప‌డుతుంది. తిన్న ఆహారం స‌రిగ్గా జీర్ణ‌మ‌వుతుంది. అజీర్తి ఉండ‌దు. భోజ‌నం చేసిన వెంట‌నే గ్యాస్ వ‌స్తుంద‌ని, క‌డుపు ఉబ్బ‌రంగా ఉంటుంద‌ని భావించే వారు రాత్రి పూట భోజ‌నం చేసిన అనంతరం కాసేపు వాకింగ్ చేస్తే ఎంత‌గానో ప్ర‌యోజ‌నం ఉంటుంది. రాత్రి పూట డిన్న‌ర్ అనంతరం వాకింగ్ చేయ‌డం వ‌ల్ల జీర్ణ వ్య‌వ‌స్థ ప‌నితీరు మెరుగు ప‌డుతుంది.
సాధార‌ణంగా భోజ‌నం చేసిన వెంట‌నే శ‌రీరంలో ర‌క్త స‌ర‌ఫ‌రా మొత్తం జీర్ణాశ‌యం వైప చేరుతుంది. కానీ రాత్రి తిన్న అనంతరం వాకింగ్ చేస్తే ర‌క్త స‌ర‌ఫ‌రా మెరుగు ప‌డుతుంది. హైబీపీ ఉన్న‌వారికి ఇది ఎంత‌గానో మేలు చేస్తుంది. బీపీ ఉన్న‌వారు రాత్రి తిన్న అనంతరం వాకింగ్ చేస్తే మంచి ఫ‌లితాలు ఉంటాయి. రాత్రి డిన్న‌ర్ అనంతరం వాకింగ్ చేయ‌డం వ‌ల్ల శ‌రీరంలో కొలెస్ట్రాల్ లెవల్స్ త‌గ్గుతాయి. దీంతో గుండె ఆరోగ్యంగా ఉంటుంది. గుండె ప‌నితీరు మెరుగు ప‌డుతుంది. రాత్రి వాకింగ్ చేయ‌డం వ‌ల్ల మ‌న‌స్సు ప్ర‌శాంతంగా మారుతుంది. ఒత్తిడి, ఆందోళ‌న త‌గ్గుతాయి. దీంతో నిద్ర చ‌క్క‌గా ప‌డుతుంది. నిద్ర‌లేమి నుంచి బ‌య‌ట ప‌డ‌వ‌చ్చు. ప‌డుకున్న వెంట‌నే గాఢ నిద్ర‌లోకి జారుకుంటారు. ఇలా రాత్రి పూట డిన్న‌ర్ అనంతరం వాకింగ్ చేయ‌డం వ‌ల్ల అనేక అద్భుత‌మైన ఆరోగ్య ప్ర‌యోజ‌నాల‌ను పొందవచ్చు.
