Suriya-Jyothika | 20 ఏళ్ల తర్వాత మళ్లీ పెళ్లి చేసుకున్న సూర్య–జ్యోతిక.. వైరల్ అవుతున్న స్పెషల్ వీడియోలు

Suriya-Jyothika | తమిళ సినీ పరిశ్రమలోనే కాదు.. దక్షిణాది ప్రేక్షకుల్లోనూ సూర్య, జ్యోతిక జంటకు ప్రత్యేకమైన గుర్తింపు ఉంది. తెరపై ప్రేమ జంటగా మెప్పించిన వీరిద్దరూ నిజ జీవితంలోనూ భార్యాభర్తలుగా అభిమానులకు ఎంతో ఇష్టమైన జోడీగా మారారు. తాజాగా తమ 20 ఏళ్ల వైవాహిక జీవితాన్ని ప్రత్యేకంగా సెలబ్రేట్ చేసుకున్న ఈ జంట మరోసారి పెళ్లి ప్రమాణాలు చేసుకోవడం ఇప్పుడు సోషల్ మీడియాలో వైరల్‌గా మారింది.

Suriya-Jyothika | తమిళ సినీ పరిశ్రమలోనే కాదు.. దక్షిణాది ప్రేక్షకుల్లోనూ సూర్య, జ్యోతిక జంటకు ప్రత్యేకమైన గుర్తింపు ఉంది. తెరపై ప్రేమ జంటగా మెప్పించిన వీరిద్దరూ నిజ జీవితంలోనూ భార్యాభర్తలుగా అభిమానులకు ఎంతో ఇష్టమైన జోడీగా మారారు. తాజాగా తమ 20 ఏళ్ల వైవాహిక జీవితాన్ని ప్రత్యేకంగా సెలబ్రేట్ చేసుకున్న ఈ జంట మరోసారి పెళ్లి ప్రమాణాలు చేసుకోవడం ఇప్పుడు సోషల్ మీడియాలో వైరల్‌గా మారింది. కుటుంబ సభ్యులు, సన్నిహితులు, ఆప్త మిత్రుల సమక్షంలో చర్చిలో ఈ ప్రత్యేక కార్యక్రమం జరిగింది. ఈ సందర్భంగా సూర్య, జ్యోతిక మరోసారి ఉంగరాలు మార్చుకుని తమ బంధాన్ని మరింత ప్రత్యేకంగా గుర్తుచేసుకున్నారు. అనంతరం అక్కడున్న సన్నిహితులు ఈ జంటపై పూలవర్షం కురిపిస్తూ శుభాకాంక్షలు తెలిపారు.

ఈ ప్రత్యేక వేడుక కోసం జ్యోతిక తెల్లటి పెళ్లి గౌనులో ఎంతో అందంగా ముస్తాబయ్యారు. ఆమె చర్చిలోకి అడుగుపెడుతున్న సమయంలో సూర్య భావోద్వేగానికి లోనైన దృశ్యాలు అభిమానులను ఆకట్టుకుంటున్నాయి. ఈ వేడుకలో సూర్యకు ఆయన సోదరుడు, నటుడు కార్తి కూడా తోడుగా నిలిచారు. అన్నదమ్ముల మధ్య కనిపించిన ఆత్మీయత, సరదా క్షణాలు కూడా సోషల్ మీడియాలో వైరల్ అవుతున్నాయి. పెళ్లి సమయంలో సూర్య, జ్యోతిక ఒకరినొకరు చూసుకుంటూ నవ్వుతూ కనిపించిన దృశ్యాలు అభిమానులను విశేషంగా ఆకట్టుకున్నాయి. ఈ ప్రత్యేక సందర్భాన్ని పురస్కరించుకుని జ్యోతిక సోషల్ మీడియాలో చేసిన పోస్ట్ కూడా అందరి దృష్టిని ఆకర్షించింది. తమది పర్ఫెక్ట్ మ్యారేజ్ కాదని ఆమె పేర్కొంది. అయితే లోటుపాట్లు, సర్దుబాట్లు, త్యాగాలు, ఒకరినొకరు నిస్వార్థంగా ప్రేమించుకోవడం వల్ల తమ 20 ఏళ్ల ప్రయాణం అందంగా మారిందని చెప్పుకొచ్చింది.

తన భర్త సూర్య తనను తాను గౌరవించుకునే దానికంటే ఎక్కువగా గౌరవిస్తారని జ్యోతిక పేర్కొంది. అందుకే ప్రతి రోజును జీవితంలో ఒక వేడుకలా భావిస్తానని తెలిపింది. భార్యాభర్తల బంధంతో పాటు తమ మధ్య ఉన్న స్నేహాన్ని కూడా ఎంతో విలువైనదిగా భావిస్తున్నట్లు ఆమె చెప్పింది. తమ పిల్లలు దియా, దేవ్‌లకు మంచి తల్లిగా ఉండటంతో పాటు సూర్యతో తన స్నేహాన్ని జీవితాంతం కొనసాగించాలని కోరుకుంటున్నట్లు జ్యోతిక తన భావాలను పంచుకుంది. మరో 20 ఏళ్ల ప్రయాణానికి కూడా తాము సిద్ధంగా ఉన్నామనే భావనను ఆమె వ్యక్తం చేసింది. 20 ఏళ్ల దాంపత్యం తర్వాత సూర్య, జ్యోతిక మరోసారి పెళ్లి ప్రమాణాలు చేసుకున్న వీడియోలు ప్రస్తుతం సామాజిక మాధ్యమాల్లో విస్తృతంగా వైరల్ అవుతున్నాయి. ఈ జంటను అభిమానులు ప్రేమగా అభినందిస్తున్నారు.తెరపై ప్రేమను పంచుకున్న జంట నిజ జీవితంలోనూ ఇన్నేళ్ల తర్వాత తమ బంధాన్ని ఇలా మరోసారి సెలబ్రేట్ చేసుకోవడం అభిమానులకు ప్రత్యేక అనుభూతిని అందిస్తోంది.

 

View this post on Instagram

 

A post shared by Jyotika (@jyotika)