Sun Stroke: ఎండలో బయటకి వెళ్తున్నారా.. ఈ జాగ్రత్తలు పాటించండి

బయట ఎండలు మండిపోతున్నాయి. ప్రతిరోజు 40 డిగ్రీల పైనే ఉష్ణోగ్రతలు నమోదవుతున్నాయి. ఇంతటి ఎండలో బయటకు వెళ్తే డీహైడ్రేట్‌ అవడం ఖాయం. ఎండపూట బయటకు వెళ్లాలనుకునేవారు పలు జాగ్రత్తలు తీసుకోవాలని ఆరోగ్య నిపుణులు చెబుతున్నారు.

Sun Stroke: బయట ఎండలు మండిపోతున్నాయి. ప్రతిరోజు 40 డిగ్రీల పైనే ఉష్ణోగ్రతలు నమోదవుతున్నాయి. ఇంతటి ఎండలో బయటకు వెళ్తే డీహైడ్రేట్‌ అవడం ఖాయం. ఎండపూట బయటకు వెళ్లాలనుకునేవారు పలు జాగ్రత్తలు తీసుకోవాలని ఆరోగ్య నిపుణులు చెబుతున్నారు.

• ఎండలో పనిచేసేవారు రోజుకు కనీసం 4-5 లీటర్ల నీళ్లు తప్పనిసరిగా తాగాలి.
• సమ్మర్‌లో చల్లదనం కోసం మద్యం తాగితే మంచిదని చాలామంది అనుకుంటారు. కానీ మద్యం తాగడం వల్ల శరీరం త్వరగా డీహైడ్రేట్ అవుతుంది. మద్యానికి బదులు మజ్జిగ, పండ్ల రసాలు తాగడం మంచిది.
• ఎక్కువ ఉష్ణాన్ని గ్రహించని తెలుపు, పసుపు, ఆరెంజ్ కలర్ బట్టలు వేసుకుంటే మంచిది. తద్వారా ఎండవేడి తగలకుండా ఉంటుంది.
• వాతావరణం చల్లగా ఉన్నప్పుడే పనులు చేసుకునేలా ప్రణాళికలు తయారుచేసుకోవాలి. ఉదయం 11 గంటల నుంచి మధ్యాహ్నం 3 గంటల వరకు ఎండకు వెళ్లకుండా ఉంటే మరీ మంచిది.
• ఏదైనా పని మీద ఎండకు వెళ్లాల్సి వచ్చినప్పుడు నీళ్ల బాటిల్‌తో పాటు ఉప్పు కలిపిన మజ్జిగ లేదా నిమ్మరసం వెంట తీసుకెళ్తే మంచిది. ఓఆర్‌ఎస్ అప్పుడప్పుడూ తాగుతూ ఉండటం వల్ల శరీరం డీహైడ్రేట్ కాకుండా ఉంటుంది.
• ఇంట్లో ఉన్నా సరే గంటకోసారి వివిధ రకాల ద్రావణాలు తీసుకోవాలి. కొబ్బరినీళ్లు, బత్తాయి, నిమ్మరసం తీసుకుంటే శరీరానికి లవణాలు, పొటాషియం లాంటివి అందుతాయి.
• ఎండలో బయటకు వెళ్లాలనుకునేవారు తప్పనిసరిగా గొడుగు, టోపీ లాంటివి వెంట తీసుకెళ్లాలి. ఫలితంగా వడదెబ్బకు గురికాకుండా ఉంటారు.