Oats | ఓట్స్ ను రోజూ తింటే క‌లిగే అద్భుత‌మైన లాభాలు ఇవే.. మిస్ చేసుకోకుండా తినండి..!

మ‌న ఆరోగ్యానికి మేలు చేసే తృణ ధాన్యాల‌ల్లో ఓట్స్ కూడా ఒక‌టి. వీటిలో బీటా గ్లూకాన్ అని పిలువ‌బ‌డే క‌రిగే ఫైబ‌ర్ తో పాటు అవెనాంత్రామైడ్స్ అని పిలువ‌బ‌డే యాంటీ ఆక్సిడెంట్లు కూడా అధికంగా ఉంటాయి. ఓట్స్ ను తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంది.

Oats | మ‌న ఆరోగ్యానికి మేలు చేసే తృణ ధాన్యాల‌ల్లో ఓట్స్ కూడా ఒక‌టి. వీటిలో బీటా గ్లూకాన్ అని పిలువ‌బ‌డే క‌రిగే ఫైబ‌ర్ తో పాటు అవెనాంత్రామైడ్స్ అని పిలువ‌బ‌డే యాంటీ ఆక్సిడెంట్లు కూడా అధికంగా ఉంటాయి. ఓట్స్ ను తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంది. కొలెస్ట్రాల్ స్థాయిల‌ను త‌గ్గించ‌డంలో, షుగ‌ర్ ను అదుపులో ఉంచ‌డంలో, బరువును త‌గ్గించ‌డంలో, జీర్ణ‌శ‌క్తిని మెరుగుప‌ర‌చ‌డంలో ఇలా అనేక ర‌కాలుగా ఓట్స్ మ‌న‌కు స‌హాయ‌ప‌డ‌తాయి. వీటిని త‌ర‌చూ ఆహారంలో భాగంగా తీసుకోవ‌డం వ‌ల్ల మ‌నం అనేక ఆరోగ్య ప్ర‌యోజ‌నాల‌ను పొంద‌వ‌చ్చు. ఓట్స్ ను ఆహారంగా తీసుకోవ‌డం వ‌ల్ల మ‌న‌కు క‌లిగే ఆరోగ్య ప్ర‌యోజ‌నాల గురించి ఇప్పుడు తెలుసుకుందాం.

కొలెస్ట్రాల్ త‌గ్గేందుకు..

ఓట్స్ ను తీసుకోవ‌డం వ‌ల్ల వీటిలో ఉండే ఫైబ‌ర్ పేగుల్లో ఉండే కొలెస్ట్రాల్ ను బంధిస్తుంది. త‌ద్వారా శ‌రీరంలో చెడు కొలెస్ట్రాల్ స్థాయిలు త‌గ్గుతాయి. వీటిని త‌ర‌చూ తీసుకోవ‌డం వ‌ల్ల చెడు కొలెస్ట్రాల్ దాదాపు 5 నుండి 10 శాతం వ‌ర‌కు త‌గ్గుతుందని పోష‌కాహార నిపుణులు చెబుతున్నారు. ఓట్స్ ను తీసుకోవ‌డం వ‌ల్ల కార్బొహైడ్రేట్స్ రక్తంలోకి నెమ్మ‌దిగా ప్రవేశిస్తాయి. దీంతో ర‌క్తంలో చ‌క్కెర స్థాయిలు వెంట‌నే పెర‌గ‌కుండా ఉంటాయి. టైప్ 2 డ‌యాబెటిస్ తో బాధ‌ప‌డే వారు ఓట్స్ ను తీసుకోవ‌డం వ‌ల్ల ర‌క్తంలో చ‌క్కెర స్థాయిల్లో హెచ్చు త‌గ్గులు రాకుండా ఉంటాయి. అలాగే ఓట్స్ ను ఆహారంలో భాగంగా తీసుకోవ‌డం వ‌ల్ల దీనిలో ఉండే ఫైబ‌ర్ ధ‌మ‌నుల ఆరోగ్యానికి మ‌ద్ద‌తును ఇస్తుంది. దీంతో సిస్టోలిక్ బిపి అదుపులో ఉంటుంది. ఓట్స్ ను 8 వారాల పాటు తీసుకోవ‌డం వ‌ల్ల సిస్టోలిక్ బీపీ 2 నుండి 3 ఎమ్ఎమ్ హెచ్‌జి వ‌ర‌కు త‌గ్గుతుంద‌ని వైద్యులు చెబుతున్నారు.

బ‌రువు త‌గ్గాలంటే..

అధిక ర‌క్త‌పోటుతో బాధ‌ప‌డే వారు ఓట్స్ ను రోజూ తీసుకోవ‌డం వ‌ల్ల మంచి ఫ‌లితాల‌ను చూడ‌వ‌చ్చు. ఓట్స్ లో ఫైబ‌ర్ అధికంగా ఉంటుంది క‌నుక వీటిని తీసుకోవ‌డం వ‌ల్ల క‌డుపు నిండిన భావ‌న క‌లుగుతుంది. ఆక‌లి త్వ‌ర‌గా వేయ‌కుండా ఉంటుంది. దీంతో మ‌నం క్యాల‌రీల‌ను త‌క్కువ‌గా తీసుకుంటాం. త‌ద్వారా శ‌రీర బ‌రువు అదుపులో ఉంటుంది. ఓట్స్ ను తీసుకోవ‌డం వ‌ల్ల పేగులో మంచి బ్యాక్టీరియా శాతం పెరుగుతుంది. మ‌ల‌బ‌ద్ద‌కం స‌మ‌స్య త‌గ్గుతుంది. జీర్ణ వ్య‌వ‌స్థ ఆరోగ్యం మెరుగుప‌డుతుంది. ఓట్స్ లో మెగ్నిషియం, ఐర‌న్, ఫాస్ప‌ర‌స్, జింక్ వంటి పోష‌కాలు ఉంటాయి. వీటిని తీసుకోవ‌డం వ‌ల్ల శ‌రీర రోగ‌నిరోధ‌క శ‌క్తి పెరుగుతుంది. ఎముక‌ల ఆరోగ్యం మెరుగుప‌డుతుంది. శ‌రీరానికి కావ‌ల్సిన శ‌క్తి ల‌భిస్తుంది. ఇలా అనేక ర‌కాలుగా ఓట్స్ మ‌న ఆరోగ్యానికి మేలు చేస్తాయ‌ని వీటిని తీసుకోవ‌డం వ‌ల్ల మ‌నం అనారోగ్య స‌మ‌స్య‌ల బారిన ప‌డే అవ‌కాశాలు త‌క్కువ‌గా ఉంటాయని వైద్యులు తెలియ‌జేస్తున్నారు.