Visit:
Noni Juice | ఈమ‌ధ్య కాలంలో సెల‌బ్రిటీలు ఎక్క‌డ చూసినా స‌రే నోని ఫ్రూట్ జ్యూస్‌ను తాగుతూ లేదా ఈ పండ్ల‌ను తింటూ క‌నిపిస్తున్నారు. సోష‌ల్ మీడియాలో ఈ పండ్ల గురించిన వార్తలు ట్రెండ్ అవుతూనే ఉన్నాయి. నోని అని పిల‌వ‌బ‌డే ఈ పండ్ల‌ను ఆసియాలోని కొన్ని దేశాలు, ఆస్ట్రేలియాల్లో అధికంగా పండిస్తున్నారు. మ‌న దేశంలోనూ ఈ పండ్ల వినియోగం పెరుగుతున్న కార‌ణంగా ఈ పండ్ల‌ను మ‌న ద‌గ్గర కూడా పండిస్తున్నారు. ఈ పండ్ల‌ను మనం సూప‌ర్ మార్కెట్ల‌లో కొనుగోలు చేయ‌వ‌చ్చు. ఈ పండ్ల‌ను నేరుగా తిన‌డం క‌న్నా జ్యూస్‌లా చేసి తాగితే మంచిద‌ని పోష‌కాహార నిపుణులు చెబుతున్నారు. నోని పండ్ల వ‌ల్ల మ‌న‌కు క‌లిగే ప్ర‌యోజ‌నాలు ఏమిటో ఇప్పుడు తెలుసుకుందాం.
నోని పండ్ల‌లో యాంటీ ఆక్సిడెంట్లు అధికంగా ఉంటాయి. విట‌మిన్ సి, ఇల‌తోపాటు బీటా కెరోటిన్, ఐరిడాయిడ్స్ అధికంగా ఉంటాయి. ఇవ‌న్నీ యాంటీ ఆక్సిడెంట్ల మాదిరిగా ప‌నిచేస్తాయి. ఇవి మ‌న శ‌రీరంలోని ఫ్రీ ర్యాడిక‌ల్స్‌ను నిర్మూలిస్తాయి. దీంతో క‌ణాల‌కు జ‌రిగే న‌ష్టం నివారించ‌బ‌డుతుంది. ముఖ్యంగా క్యాన్స‌ర్ క‌ణాలు పెర‌గ‌కుండా అడ్డుకోవ‌చ్చు. అలాగే గుండె జ‌బ్బులు రాకుండా చూస్తాయి. నోని పండ్ల‌ను తిన‌డం వ‌ల్ల రోగ నిరోధ‌క శ‌క్తి పెరుగుతుంద‌ని సైంటిస్టులు చేప‌ట్టిన అధ్య‌య‌నాలు వెల్ల‌డిస్తున్నాయి. ఈ పండ్ల‌లో స్కోపోలెటిన్‌, క్వ‌ర్సెటిన్ అనే స‌మ్మేళ‌నాలు ఉంటాయి. ఇవి యాంటీ ఇన్‌ఫ్లామేట‌రీ గుణాల‌ను క‌లిగి ఉంటాయి. క‌నుక నోని పండ్ల‌ను తింటున్నా లేదా వాటి జ్యూస్‌ను తాగుతున్నా ఆర్థ‌రైటిస్ నొప్పుల నుంచి ఉపశమనం ల‌భిస్తుంది. అలాగే వాపులు కూడా త‌గ్గిపోతాయి.
నోని పండ్లు స‌హ‌జ‌సిద్ధ‌మైన పెయిన్ కిల్ల‌ర్‌గా ప‌నిచేస్తాయి. అధ్య‌య‌నాలు చెబుతున్న ప్ర‌కారం ఈ పండ్ల జ్యూస్‌ను తాగ‌డం వ‌ల్ల కీళ్ల నొప్పులు, మెడ నొప్పి నుంచి ఉపశమనం ల‌భిస్తుంది. ఈ పండ్ల‌ను తింటే కండ‌రాలు ప్ర‌శాంతంగా మారుతాయి. కండ‌రాల నొప్పులు త‌గ్గుతాయి. శారీర‌క శ్ర‌మ లేదా వ్యాయామం చేసేవారు ఈ పండ్ల‌ను తింటున్నా లేదా వీటి జ్యూస్‌ను తాగుతున్నా కండ‌రాల నొప్పి నుంచి బ‌య‌ట ప‌డ‌వ‌చ్చు. నోని పండ్లు బీపీని త‌గ్గిస్తాయి. చెడు కొలెస్ట్రాల్ (ఎల్‌డీఎల్‌)ను త‌గ్గించి మంచి కొలెస్ట్రాల్ (హెచ్‌డీఎల్‌)ను పెంచుతాయి. దీంతో గుండె ఆరోగ్యంగా ఉంటుంది. హార్ట్ ఎటాక్ రాకుండా అడ్డుకోవ‌చ్చు. పొగ తాగేవారు ఈ పండ్ల‌ను తింటుంటే గుండె పోటు రాకుండా చూసుకోవ‌చ్చ‌ని ప‌రిశోధ‌కులు చెబుతున్నారు.
నోని పండ్ల‌ను తీసుకోవ‌డం వ‌ల్ల షుగ‌ర్ లెవల్స్ త‌గ్గుతాయి. ఇన్సులిన్ సెన్సిటివిటీ పెరుగుతుంది. దీంతో శ‌రీరం ఇన్సులిన్‌ను మ‌రింత సమ‌ర్థ‌వంతంగా ఉప‌యోగించుకుంటుంది. దీని వ‌ల్ల టైప్ 2 డ‌యాబెటిస్ అదుపులో ఉంటుంది. అధికంగా బ‌రువు ఉన్న‌వారు రోజూ నోని జ్యూస్‌ను తాగుతుంటే ఫ‌లితం ఉంటుంద‌ని ప‌రిశోధ‌కులు చెబుతున్నారు. ఈ జ్యూస్ వ‌ల్ల శ‌రీర మెట‌బాలిజం పెరుగుతుంది. క్యాల‌రీలు ఖ‌ర్చ‌వుతాయి. కొవ్వు క‌రుగుతుంది. అధిక బ‌రువు త‌గ్గుతారు. ఆక‌లి నియంత్ర‌ణ‌లో ఉంటుంది. ఆహారం త‌క్కువ తినేలా చేస్తుంది. నోని జ్యూస్‌ను రోజూ తాగ‌డం వ‌ల్ల లివ‌ర్ ఆరోగ్యంగా ఉంటుంది. లివ‌ర్‌లోని వ్య‌ర్థాలు బ‌య‌ట‌కు పోతాయి. ఫ్యాటీ లివ‌ర్ ఉన్న‌వారికి నోని జ్యూస్ ఎంత‌గానో మేలు చేస్తుంది. ఇలా నోని జ్యూస్ ను తాగ‌డం వ‌ల్ల అనేక లాభాల‌ను పొంద‌వ‌చ్చు. దీన్ని మెడిక‌ల్ షాపుల్లోనూ మనం కొనుగోలు చేయ‌వ‌చ్చు. ఆన్‌లైన్‌లోనూ ల‌భిస్తుంది.
