వేధించే నోటిపూత‌కు సులువైన ప‌రిష్కారం
హైద‌రాబాద్‌: ఒంట్లో వేడి ఎక్కువగా ఉండే వాళ్లను, పంటి ఇన్‌ఫెక్ష‌న్‌లు ఉన్న‌వాళ్ల‌ను నోటిపూత తీవ్రంగా వేధిస్తుంది. నోటిపూత కార‌ణంగా భ‌యంక‌ర‌మైన నొప్పి ఉంటుంది. ఈ నోటిపూత అనేది ఒక్కోసారి నోట్లో ఏదో ఒక్క‌చోట మాత్ర‌మే ఉంటుంది. అదే భ‌రించ‌లేని అనుకుంటే ఒక్కోసారి నోరంతా అల్స‌ర్‌లు వ‌స్తాయి. ఇక ఆ న‌ర‌క‌యాత‌న వ‌ర్ణ‌నాతీతం. అయితే ఇంత‌లా వేధించే ఆ నోటిపూత సమస్య నుంచి చిన్నచిన్న చిట్కాల‌తో బ‌య‌ట‌ప‌డ‌వ‌చ్చు. మ‌రి ఆ చిట్కాలేంటో తెలుసుకుందామా..?
- నోటి పూత సమస్య వ‌చ్చిన‌ప్పుడు కొబ్బరి నీళ్ల‌ను బాగా తాగాలి. కొబ్బరి నీళ్ల‌కు ఒంట్లో వేడిని తగ్గించే ల‌క్ష‌ణం ఉంటుంది. కాబ‌ట్టి కొబ్బ‌రీనీళ్లు తాగ‌డంవ‌ల్ల ఒంట్లో వేడి త‌గ్గి సమస్య ప‌రిష్కారం అయ్యే అవ‌కాశం ఉంటుంది.
- అదేవిధంగా నోటిపూత ఉన్న‌ప్పుడు ఎండు కొబ్బ‌రిని న‌మ‌ల‌డంవ‌ల్ల కూడా మంచి ప‌రిష్కారం ల‌భిస్తుంది. ఇలా ఎండు కొబ్బరి న‌మ‌ల‌డంవ‌ల్ల అల్స‌ర్ పుండ్ల‌లోని సూక్ష్మ‌జీవులు న‌శించిపోతాయి. దాంతో నోటిలో అల్స‌ర్స్ త్వరగా త‌గ్గిపోతాయి. అల్స‌ర్ ఉన్న ప్రాంతంలో కొబ్బరి నూనె రాయ‌డంవ‌ల్ల కూడా ఇన్‌ఫెక్ష‌న్ త్వరగా త‌గ్గిపోయే అవ‌కాశం ఉంటుంది.
- నోట్లో అల్స‌ర్స్ ఉన్న‌న్ని రోజులు తరచుగా చ‌ల్ల తాగ‌డంవ‌ల్ల కూడా ప‌రిష్కారం ల‌భిస్తుంది. చ‌ల్లకు కూడా శరీరంలో వేడిని తగ్గించే ల‌క్ష‌ణం ఉన్న‌ది.
- ఇక గసగసాలు కూడా నోటిపూతను తగ్గించడంలో చాలా బాగా పనిచేస్తాయి. గసగసాలు క‌లిపిన నీటిని ఎక్కువగా తాగుతూ ఉండటంవ‌ల్ల సమస్య నుంచి తొంద‌ర‌గా బ‌య‌ట‌ప‌డ‌వ‌చ్చు.
- అదేవిధంగా తులసి ఆకులను నములుతూ దానిద్వారా వ‌చ్చే రసాన్ని మింగడం ద్వారా కూడా నోటిపూత‌కు ప‌రిష్కారం ల‌భిస్తుంది.
లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి
ఇవికూడా చదవండి..
బ‌ద్రీనాథ్ ఆల‌యంపై మ‌ల్లెలు చ‌ల్లిన‌ట్లుగా మంచు వ‌ర్షం.. వీడియో
కమలా హారిస్‌ను చంపేస్తామని బెదిరింపులు.. నర్సు అరెస్ట్
ప్రముఖ సాహితీవేత్త నరేంద్ర కోహ్లీ కన్నుమూత.. ప్రధాని సంతాపం
మార్కెట్‌లో కొనితెచ్చిన పాల‌కూర‌లో పాముపిల్ల.. వీడియో
వీళ్లు కేర‌ళ జాతిర‌త్నాలు.. వీళ్ల న‌ట‌న అమోఘం.. వీడియో
Read Today's Latest Health News in Telugu and Telugu News
- Follow Us :
-
