Visit:
Custard Apple Leaves | సీతాఫ‌లాల‌ను తిన‌డం వల్ల ఎన్ని ఆరోగ్య‌క‌ర‌మైన ప్ర‌యోజ‌నాలు క‌లుగుతాయో అంద‌రికీ తెలిసిందే. ఇవి ఎంతో తియ్య‌గా, రుచిగా ఉంటాయి. క‌నుక ఈ పండ్ల‌ను అంద‌రూ ఎంతో ఇష్టంగా తింటుంటారు. సీతాఫ‌లాల‌ను తింటే ఫైబ‌ర్ స‌మృద్ధిగా ల‌భిస్తుంది. ఇది జీర్ణ వ్య‌వ‌స్థ‌ను ఆరోగ్యంగా ఉంచుతుంది. గ్యాస్, మ‌ల‌బ‌ద్ద‌కం వంటి స‌మ‌స్య‌ల‌ను త‌గ్గిస్తుంది. బ‌రువు త‌గ్గేందుకు స‌హాయం చేస్తుంది. అలాగే ఈ పండ్ల‌ను తిన‌డం వల్ల రోగ నిరోధ‌క శ‌క్తి సైతం పెరుగుతుంది. అయితే సీతాఫ‌లాలు మాత్ర‌మే కాదు, ఈ చెట్ల ఆకులు కూడా మ‌న‌కు ఎంతో మేలు చేస్తాయి. ఆయుర్వేద ప్ర‌కారం ఈ ఆకులు అనేక అద్భుత‌మైన ఔష‌ధ గుణాల‌ను క‌లిగి ఉంటాయి. క‌నుక ఈ ఆకుల‌ను ఉప‌యోగించ‌డం వల్ల ప‌లు వ్యాధులను న‌యం చేసుకోవ‌చ్చు. ఈ క్ర‌మంలోనే వ్యాధులను న‌యం చేసుకునేందుకు సీతాఫలం ఆకుల‌ను ప‌లు ఇంటి చిట్కాల్లో ఉప‌యోగించాల్సి ఉంటుంది. దీంతో అనేక ఆరోగ్య ప్ర‌యోజ‌నాలు క‌లుగుతాయి.
షుగ‌ర్ ఉన్న‌వారికి సీతాఫలం ఆకులు ఎంతో మేలు చేస్తాయి. వీటిని ఉప‌యోగించి షుగ‌ర్ లెవల్స్ను త‌గ్గించుకోవ‌చ్చు. ఇందుకు గాను సీతాఫలం ఆకులు 2 లేదా 3 తీసుకుని నీటిలో వేసి మ‌రిగించి ఆ నీళ్ల‌ను ఉద‌యం ప‌ర‌గ‌డుపునే తాగాలి. ఇలా రోజూ చేస్తుండాలి. దీని వల్ల షుగ‌ర్ లెవల్స్ను త‌గ్గించుకోవ‌చ్చు. డ‌యాబెటిస్ అదుపులో ఉంటుంది. ముఖ్యంగా టైప్ 2 డ‌యాబెటిస్ ఉన్న‌వారికి ఎంతో ఉప‌శ‌మ‌నం ల‌భిస్తుంది. అలాగే ఈ ఆకుల‌తో చ‌ర్మాన్ని సుర‌క్షితంగా ఉంచుకోవ‌చ్చు. ఈ ఆకుల్లో యాంటీ ఆక్సిడెంట్లు అధికంగా ఉంటాయి. క‌నుక ఈ ఆకుల‌తో ఫేస్ ప్యాక్‌ను తయారు చేసి వాడ‌డం వల్ల చ‌ర్మం సుర‌క్షితంగా ఉంటుంది. ముఖ్యంగా సూర్యుని నుంచి వ‌చ్చే అతినీలలోహిత కిర‌ణాల బారి నుంచి చ‌ర్మాన్ని ర‌క్షించుకోవ‌చ్చు. దీని వల్ల చ‌ర్మంపై మ‌చ్చ‌లు ఏర్ప‌డ‌కుండా సుర‌క్షితంగా ఉంటుంది. కాంతివంతంగా క‌నిపిస్తుంది. మీరు వాడే ఫేస్ ప్యాక్‌ల‌లో సీతాఫలం ఆకుల‌ను క‌లిపి వాడుకోవ‌చ్చు.
సీతాఫలం ఆకుల్లో మెగ్నిషియం అధికంగా ఉంటుంది. ఇది కండ‌రాల‌ను ప్ర‌శాంతంగా మారుస్తుంది. కండ‌రాల నొప్పుల‌ను త‌గ్గిస్తుంది. దీని వల్ల శారీర‌క శ్ర‌మ, వ్యాయామం చేసే వారికి ఎంతో ఉప‌శ‌మ‌నం ల‌భిస్తుంది. ముఖ్యంగా రాత్రి పూట నిద్ర‌లో కాలి పిక్క‌లు ప‌ట్టుకుపోయే స‌మ‌స్య త‌గ్గుతుంది. ఆయా నొప్పుల నుంచి సైతం బ‌య‌ట ప‌డ‌వ‌చ్చు. మెగ్నిషియం వల్ల ర‌క్త స‌ర‌ఫ‌రా మెరుగు ప‌డుతుంది. గుండె కండ‌రాల వాపులు త‌గ్గిపోతాయి. దీంతో గుండె ఆరోగ్యంగా ఉంటుంది. ముఖ్యంగా హార్ట్ ఎటాక్ రాకుండా చూసుకోవ‌చ్చు. క‌నుక సీతాఫలం ఆకుల‌ను నీటిలో వేసి మ‌రిగించి టీలా తయారు చేసి తాగుతుండాలి. దీంతో గుండెను సుర‌క్షితంగా ఉంచుకోవ‌చ్చు.
సీతాఫలం ఆకుల‌ను వేసి మ‌రిగించిన నీళ్ల‌ను తాగుతుంటే శ‌రీర రోగ నిరోధ‌క శ‌క్తి పెరుగుతుంది. దీని వల్ల సీజ‌నల్ వ్యాధుల‌కు చెక్ పెట్ట‌వచ్చు. ముఖ్యంగా దగ్గు, జ‌లుబు వంటి స‌మ‌స్య‌ల నుంచి ఉప‌శ‌మ‌నం ల‌భిస్తుంది. చ‌లికాలంలో ఆస్త‌మా, బ్రాంకైటిస్ వంటి స‌మ‌స్య‌లు ఉన్న‌వారికి ఎంతో మేలు జ‌రుగుతుంది. గొంతు, ఊపిరితిత్తుల్లో ఉండే క‌ఫం క‌రిగిపోతుంది. శ్వాస‌నాళాలు శుభ్రంగా మారి గాలి స‌రిగ్గా ల‌భిస్తుంది. అలాగే వ్యాధులు, ఇన్ఫెక్ష‌న్ల‌కు వ్య‌తిరేకంగా శ‌రీరం పోరాటం చేస్తుంది. క‌నుక రోగాలు రాకుండా ఆరోగ్యంగా ఉండ‌వ‌చ్చు. సీతాఫలం ఆకుల‌ను శుభ్రంగా క‌డిగి దంచి మెత్త‌ని పేస్ట్‌లా మార్చాలి. దీన్ని గాయాలు, పుండ్ల‌పై రాస్తుండాలి. దీంతో అవి త్వ‌ర‌గా మానుతాయి. ఇలా సీతాఫలం ఆకులు మ‌న‌కు ఎంతో మేలు చేస్తాయి. క‌నుక వీటిని వాడ‌డం మ‌రిచిపోకండి.
