Janu Sheersasanam yoga to control diabetes| మధుమేహన్ని నియంత్రణలో ఉంచేందుకు జాను శీర్షాసనం

ప్రెగ్నెన్సీ సమయంలో చాలామందికి డయాబెటిస్‌ వస్తుంది. ఆ ప్రభావం గర్భిణి ఆరోగ్యంపై పడుతుంది. గర్భస్థ శిశువుపైనా పడుతుంది. డయాబెటిస్‌ను అదుపులో ఉంచే ఆసనాలు యోగాలో ఎన్నో ఉన్నాయి. వాటిలో జాను శీర్షాసనం కీలకమైంది. ఈ ఆసనాన్ని సాధన చేయడం వల్ల మధుమేహం నియంత్రణలో ఉండటంతోపాటు ఆరోగ్యం పరిపూర్ణంగా మెరుగవుతుంది.

• ముందుగా సుఖాసనంలో కూర్చోవాలి. కుడికాలును ముందుకు కాకుండా పక్కగా (45 డిగ్రీల కోణం) చాపాలి.
• ఎడమ కాలిని చిత్రంలో చూపిన విధంగా వెనక్కి మలిచి పిరుదుకు ఆనించాలి. రెండు కాళ్ల పొజిషన్‌ టిక్‌ (3) మార్కులా ఉండాలి.
• ఇప్పుడు రెండు చేతులు ముందుకు సమాంతరంగా తీసుకొని కుడివైపునకు కొద్దిగా వంగాలి. నిదానంగా వంగుతూ కుడిచేతితో కుడికాలి వేళ్లను పట్టుకోవాలి. ఎడమ చేతిని నిటారుగా పైకి అనాలి. అరచేతిని చూసేలా తల పైకెత్తాలి.
• ఈ ఆసన స్థితిలో 20 సెకండ్లు ఉండాలి. ఊపిరి నెమ్మదిగా తీసుకుంటూ, వదలాలి.
• యథాతథ స్థితికి వచ్చాక కుడికాలిని వెనక్కి వంచి, ఎడమకాలును పక్కకు చాపాలి. ఎడమ చేతితో కాలి వేళ్లను పట్టుకోవాలి. కుడిచేతిని పైకి అనాలి. అరచేతిని చూసేలా తల పైకెత్తాలి. ఈ పొజిషన్‌లో మరో 20 సెకండ్లు ఉండాలి.

లాభాలు: డయాబెటిస్‌ నియంత్రణలో ఉంటుంది. పాంక్రియాస్‌ మీద ఒత్తిడి వల్ల మధుమేహం కంట్రోల్‌ అవుతుంది.
చేయకూడనివారు: కండ్లు తిరుగుతున్న వాళ్లు ఈ ఆసనం చేయకూడదు. వ్జైనా నుంచి రక్తస్రావం అవుతున్నా, వాంతులు అవుతున్న ఫీలింగ్‌ ఉన్నా ప్రయత్నించొద్దు. డాక్టర్‌ సలహా తీసుకున్న తర్వాతే సాధన ప్రారంభించాలి.

అనితా అత్యాల
ప్రెగ్నెన్సీ యోగా నిపుణురాలు
6309800109