e-Paper

Advertisement

E-Paper

Apps

Book Your Copy

Visit Telangana Today

Wednesday, June 16, 2021
Home Top Slides నోటిలోని బ్యాక్టీరియానే బ్లాక్‌ ఫంగస్‌కు బలం

నోటిలోని బ్యాక్టీరియానే బ్లాక్‌ ఫంగస్‌కు బలం

నోటిలోని బ్యాక్టీరియానే బ్లాక్‌ ఫంగస్‌కు బలం
  • దంత సమస్యలున్నవారిలోనేమ్యుకర్‌మైకోసిస్‌ అధికం
  • నోటి శుభ్రతతోనే నివారణ సాధ్యం
  • ‘నమస్తే తెలంగాణ’తోడాక్టర్‌ జగదీశ్వర్‌రావు

కొవిడ్‌ రోగులను కొత్తగా వేధిస్తున్న మరో సమస్య బ్లాక్‌ ఫంగస్‌ (మ్యుకర్‌మైకోసిస్‌). కరోనా ఫస్ట్‌వేవ్‌లో పెద్దగా కనిపించని ఈ సమస్య సెకండ్‌వేవ్‌లో రోగులకు దడపుట్టిస్తోంది. కొంత మందికి కొవిడ్‌ నుంచి కోలుకున్న తర్వాత.. మరికొందరికి పాజిటివ్‌గా ఉన్నప్పుడే బ్లాక్‌ ఫంగస్‌ సోకుతున్నది. షుగర్‌ లెవల్స్‌ అధికంగా ఉన్నవారితోపాటు ఆక్సిజన్‌ చికిత్స ఎక్కువ రోజులు తీసుకున్నవారిలో ఈ సమస్య ఎక్కువగా కనిపిస్తున్నట్లు వైద్యనిపుణులు చెప్తున్నారు. బ్లాక్‌ ఫంగస్‌ బలపడటానికి నోటి అనారోగ్య సమస్యలు కూడా ప్రధాన కారణంగా కనిపిస్తున్నాయని ప్రభుత్వ దంత వైద్యకళాశాల వైద్యులు ప్రొఫెసర్‌ జగదీశ్వర్‌రావు తెలిపారు. బ్లాక్‌ ఫంగస్‌కు నోటి పరిశుభ్రత (ఓరల్‌ హైజీన్‌)కు గల సంబంధాన్ని ‘నమస్తే తెలంగాణ’ ఇంటర్వ్యూలో ఆయన వివరించారు. ఆ వివరాలు ఇవీ..

నోటి సమస్యల వల్ల బ్లాక్‌ ఫంగస్‌ వస్తుందా?

నోటి సమస్యల వల్ల బ్లాక్‌ ఫంగస్‌ రాదు. కానీ బ్లాక్‌ ఫంగస్‌ బలపడడానికి నోటి సమస్యలు చోదకంగా పనిచేస్తాయి. నోటి సమస్యలు లేకపోతే బ్లాక్‌ ఫంగస్‌ ఏర్పడడానికి అవకాశాలు చాలా తక్కువ. ఓరల్‌ హైజీన్‌ తక్కువగా ఉన్న వారిలో రోగనిరోధక శక్తి కూడా తక్కువగానే ఉంటుంది.

ఎలాంటి సమస్యలు బ్లాక్‌ ఫంగస్‌ను బలపరుస్తాయి?

ఓరల్‌ టిష్యూస్‌ సమస్యలన్నీ బ్లాక్‌ ఫంగస్‌ను బలపరుస్తాయి. అంటే నాలుక, నాలుక కింది భాగం, చిగుళ్లు తదితర భాగాలు అనారోగ్యంగా ఉంటే అక్కడ ఏర్పడిన బ్యాక్టీరియా మ్యుకర్‌మైకోసిస్‌కు బూస్టింగ్‌గా పనిచేస్తుంది. ముఖ్యంగా దంత సమస్యలు బ్లాక్‌ ఫంగస్‌ను తీవ్రతరం చేయడంలో ముఖ్య పాత్ర పోషిస్తాయి. పై దవడ పళ్ళు ముక్కుకు దగ్గరగా అంటే ‘మగ్సినరీ సైనస్‌’కు చాలా దగ్గరగా ఉంటాయి. ఆ పళ్ళు పుచ్చిపోయినా లేక అపరిశుభ్రంగా ఉన్నా అక్కడ ఏర్పడిన బ్యాక్టీరియా మగ్సినరీ సైనస్‌ వద్ద ఉండే తేమతో కలిసి ఫంగస్‌గా మారే అవకాశాలుంటాయి. ఆ తర్వాత ఇదే బ్లాక్‌ ఫంగస్‌గా పరివర్తనం చెందుతుంది. అదేవిధంగా చిగుళ్లు, నాలుక, నోటిలోని ఇతర భాగాల్లో ఇన్ఫెక్షన్లతో ఏర్పడిన ఏర్పడిన బ్యాక్టీరియా ముక్కులోని సైనస్‌ వద్ద ఉండే తేమతో కలిసి ఫంగస్‌గా మారే అవకాశాలున్నాయి. ఓరల్‌ సమస్యలున్నవారిలో రోగనిరోధక శక్తి తక్కువగా ఉండటం వల్ల శరీరంలో బ్లాక్‌ ఫంగస్‌ను అడ్డుకునే శక్తి లోపించి సమస్య తీవ్రమవుతుంది.

కరోనా రోగుల్లోనే మ్యుకర్‌మైకోసిస్‌ ఏర్పడేందుకు గల కారణం?

కొవిడ్‌ రోగులతోపాటు కరోనా వైరస్‌ నుంచి కోలుకుని నెగిటివ్‌ వచ్చిన వారిలో ఓరల్‌ హైజీన్‌ లోపిస్తుంది. ముఖ్యంగా షుగర్‌ లెవల్స్‌ ఎక్కువగా ఉన్న రోగుల నోటిలో బ్యాక్టీరియా అధికంగా ఏర్పడుతుంది. వారితోపాటు ఎక్కువ కాలం ఆక్సిజన్‌ తీసుకున్నవారిలో కూడా బ్యాక్టీరియా ఏర్పడుతుంది. ఆక్సిజన్‌ సరఫరాకు ఉపయోగించే మాస్క్‌లు శుభ్రంగా లేకపోవడం లాంటి అంశాలే కారణం. సర్జికల్‌ మాస్కులు 8 గంటలకొకసారి మార్చాలి. బట్ట మాస్కును ఎప్పటికప్పుడు ఉతకాలి. తడిమాస్కులు వాడటం వల్ల కూడా బ్యాక్టీరియా ఏర్పడుతుంది. గాలి వెలుతురు లేని ఇండ్లలో ఉండటం కూడా కారణం కావొచ్చు. మరోవైపు కొవిడ్‌ చికిత్స తీసుకున్న రోగుల్లో మందుల కారణంగా రోగనిరోధక శక్తి తగ్గుతుంది. నోటిలోని బ్యాక్టీరియా సైనస్‌ వద్ద ఉండే తేమతో కలిసి ఫంగస్‌గా మారుతుంది. ఆ వ్యక్తిలో రోగనిరోధక శక్తి తక్కువగా ఉంటే మ్యుకర్‌మైకోసిస్‌ తీవ్ర ప్రభావం చూపుతుంది.

నోట్లో బ్యాక్టీరియా ఏర్పడకుండా ఎలాంటి జాగ్రతలు తీసుకోవాలి?

నోటిని శుభ్రంగా ఉంచుకొని ఎలాంటి సమస్యలు లేకుండా చూసుకోవాలి. ముఖ్యంగా కొవిడ్‌ నుంచి కోలుకొని నెగిటివ్‌ వచ్చిన వెంటనే టూత్‌బ్రష్‌ను, టంగ్‌ క్లీనర్‌ను మార్చేయాలి. పాజిటివ్‌ ఉన్న సమయంలో వాడిన బ్రష్‌, టంగ్‌ క్లీనర్‌ను నెగిటివ్‌ వచ్చిన తర్వాత వాడకూడదు. ఎందుకంటే.. కొవిడ్‌ బారిన పడినప్పుడు నోటిలో ఏర్పడిన బ్యాక్టీరియా టూత్‌బ్రష్‌, టంగ్‌ క్లీనర్‌లో ఉండిపోయే అవకాశముంటుంది. దీనికి తోడు కరోనా ఇన్ఫెక్షన్‌ కూడా బ్రష్‌లో ఉంటే అది మళ్లీ మన నోటిలోకి ప్రవేశిస్తుంది. ప్రతిరోజూ రెండు మూడు సార్లు బ్రష్‌ చేసుకోవడం మంచిది. బెటడిన్‌ మౌత్‌వాష్‌తో నోటిని శుభ్రపర్చుకోవాలి. దీనివల్ల నోటిలో ఉన్న చెడు బ్యాక్టీరియా నశిస్తుంది. త్రోట్‌ ఇన్ఫెక్షన్‌ వచ్చినప్పుడు నిర్లక్ష్యం చేయకుండా మౌత్‌వాష్‌తో గార్గిలింగ్‌ చేయాలి. పుచ్చుపళ్లు ఉన్నవారు నిర్లక్ష్యం చేయకుండా దంతవైద్యులను సంప్రదించి చికిత్స చేయించుకోవాలి. షుగర్‌ లెవల్స్‌ అదుపులో ఉండేలా చూసుకోవాలి. దవాఖానలో ఆక్సిజన్‌ మాస్కులను, గొట్టాలను ఎప్పటికప్పుడు శుభ్రపర్చాలి. ఓవరాల్‌గా ఎప్పుడూ ఓరల్‌ హైజీన్‌ను మెయిన్‌టెయిన్‌ చేయాలి.

ఈ నోటి సమస్యలు ఎలాంటి వారిలో ఎక్కువగా ఉండే అవకాశముంది?

సాధారణంగా పొగ తాగేవారు, పాన్‌మసాల, గుట్కా వంటివి తినేవారిలో ఓరల్‌ హైజీన్‌ లోపించి రోగనిరోధక శక్తి తక్కువగా ఉంటుంది. వీరితో పాటు పుచ్చుపళ్ళు, దంత క్షయం, నోటి క్యాన్సర్‌, నోటి పొక్కుల్లాంటి సమస్యలున్నవారిలో కూడా ఓరల్‌ హైజిన్‌ బలహీనంగా ఉంటుంది. ఇలాంటివారు కొవిడ్‌కు గురైనప్పుడు వారి నోటిలో ఏర్పడిన బ్యాక్టీరియా బ్లాక్‌ ఫంగస్‌ ఏర్పడేందుకు తోడ్పడుతుంది.

Advertisement
-Advertisement-

తాజావార్తలు

Advertisement
నోటిలోని బ్యాక్టీరియానే బ్లాక్‌ ఫంగస్‌కు బలం

ట్రెండింగ్‌

Advertisement