Anti Biotics | యాంటీ బయోటిక్స్ వాడితే.. పేగుల ఆరోగ్యాన్ని ఇలా రక్షించుకోండి..!
భారతదేశంలో యాంటీబయాటిక్స్ వినియోగం ఎక్కువగా ఉంటుంది. ప్రస్తుతం తక్కువ ఉష్ణోగ్రతల కారణంగా చాలా మందిలో సాధారణ జలుబు వస్తూ ఉంటుంది. ఇది పిల్లల నుండి పెద్దల వరకు అందరిని ప్రభావితం చేస్తుంది. జలుబు త్వరగా తగ్గాలని దాని లక్షణాల నుండి త్వరగా బయటపడాలని చాలా మంది యాంటీబయాటిక్స్ ను ఎక్కువగా వాడుతూ ఉంటారు.
Anti Biotics | భారతదేశంలో యాంటీబయాటిక్స్ వినియోగం ఎక్కువగా ఉంటుంది. ప్రస్తుతం తక్కువ ఉష్ణోగ్రతల కారణంగా చాలా మందిలో సాధారణ జలుబు వస్తూ ఉంటుంది. ఇది పిల్లల నుండి పెద్దల వరకు అందరిని ప్రభావితం చేస్తుంది. జలుబు త్వరగా తగ్గాలని దాని లక్షణాల నుండి త్వరగా బయటపడాలని చాలా మంది యాంటీబయాటిక్స్ ను ఎక్కువగా వాడుతూ ఉంటారు. ఆధునిక వైద్యంలో యాంటీ బయాటిక్స్ మూలస్తంభం అయినప్పటికీ సాధారణ జలుబు వంటి వాటికి వీడిని వాడడం మంచిది కాదని వైద్యులు చెబుతున్నారు. వీటిని ఎక్కువగా వాడడం వల్ల పేగు ఆరోగ్యం గణనీయంగా దెబ్బతింటుందని వైద్యులు హెచ్చరిస్తున్నారు. అధికంగా యాంటీబయాటిక్స్ ను తీసుకోవడం వల్ల పేగుల్లో ఉండే జీర్ణక్రియ, పోషకాల శోషణ, రోగనిరోధక శక్తిని మెరుగుపరిచే ప్రయోజనకరమైన బ్యాక్టీరియా కూడా నశిస్తుందని వైద్యులు చెబుతున్నారు.
ఇన్ఫెక్షన్లు వచ్చే అవకాశం..
యాంటీబయాటిక్స్ హానికరమైన బ్యాక్టీరియాతో పాటు మేలు చేసే బ్యాక్టీరియాను కూడా నశింపజేస్తాయి. ఇది డిస్బయోసిస్ అని పిలువబడే అసమతుల్యతకు దారి తీస్తుంది. దీని వల్ల విరేచనాలు, ఉబ్బరం వంటి జీర్ణశయాంతర సమస్యలు కూడా తలెత్తుతాయి. మైక్రోబయోమ్ దాని ఆరోగ్యకరమైన సమతుల్యతను తిరిగి స్థాపించడానికి ప్రయత్నించే సమయంలో ఇన్పెక్షన్లకు గురయ్యే అవకాశం పెరుగుతుంది. అందుకే సాధారణ జలుబుకు యాంటీబయాటిక్స్ తీసుకున్న తరువాత చాలా మందికి కడుపు నొప్పి వస్తుంది. గట్ ఆరోగ్యంపై యాంటీ బయోటిక్స్ ప్రభావం ఎక్కువగా ఉంటుంది. ప్రయోజనకరమైన గట్ బ్యాక్టీరియా తగ్గినప్పుడు గట్ లోపల ఉండవల్సిన పదార్థాలు రక్తప్రవాహంలోకి ప్రవేశిస్తాయి. రోగనిరోధక శక్తి కూడా తగ్గుతుంది. దీంతో ఇన్పెక్షన్లతో పాటు ఇతర వ్యాధులకు గురయ్యే అవకాశం ఉంటుంది.
పెరుగు..
కనుక సాధారణ జలుబు వంటి వాటికి యాంటీబయోటిక్స్ ను వాడకపోవడమే మంచిది. ఒకవేళ యాంటీబయోటిక్స్ వాడినప్పటికి వాటిని వాడిన తరువాత పేగు ఆరోగ్యాన్ని పునరుద్దరించడం కూడా చాలా అవసరం. యాంటీబయోటిక్స్ వాడిన తరువాత పేగు ఆరోగ్యాన్ని పునరుద్దరించే కొన్ని చిట్కాల గురించి ఇప్పుడు తెలుసుకుందాం. ప్రోబయోటిక్స్ తీసుకోవడం వల్ల పేగుల్లో ఉండే ప్రయోజనకరమైన బ్యాక్టీరియాను తిరిగి నింపవచ్చు. లాక్టోబాసిల్లస్, బిఫిడోబాక్టీరియం వంటి జాతులు ఉండే పెరుగు వంటి ఆహారాలను తీసుకోవాలి. వీటిని తీసుకోవడం వల్ల రోగనిరోధక శక్తి పెరగడంతో పాటు సూక్ష్మజీవుల సమతుల్యత పునరుద్దరించబడుతుంది.
ఉల్లి, వెల్లుల్లి..
వెల్లుల్లి, ఉల్లిపాయలు, అరటిపండ్లు వంటి ప్రీ బయోటిక్స్ ఉన్న ఆహారాలు తీసుకోవాలి. ఇవి పేగు ఆరోగ్యాన్ని ప్రోత్సహిస్తాయి. పండ్లు, కూరగాయలు, తృణధాన్యాలు, లీన్ ప్రోటీన్లు ఉండే సమతుల్య ఆహారాన్ని తీసుకోవాలి. ఇవి పేగు ఆరోగ్యంతో పాటు మొత్తం ఆరోగ్యానికి దోహదపడతాయి. అలాగే పేగుల లోపలి పొరను నిర్వహించడానికి నీటిని అధికంగా తాగాలి. అధిక చక్కెరలు, ప్రాసెస్ చేసిన ఆహారాలను తీసుకోవడం తగ్గించాలి. ఇవి హానికారక బ్యాక్టీరియ పెరుగుదలను ప్రోత్సహిస్తాయి. యాంటీబయోటిక్స్ సరిగ్గా ఉపయోగించకపోతే పేగు ఆరోగ్యాన్ని దెబ్బతీస్తాయి. కనుక వాటిని వైద్యులు సూచించినప్పుడు వాడడమే మంచిది.
Read Today's Latest Health News in Telugu and Telugu News
- Tags
- Anti Biotics
- health tips
RELATED ARTICLES
తాజా వార్తలు
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
BJP MLA Rekha Patra Critical | బెంగాల్ బీజేపీ ఎమ్మెల్యే రేఖా పాత్ర పరిస్థితి విషమం.. వెంటిలేటర్ సపోర్ట్పై చికిత్స
Helmets | బైక్ ట్యాక్సీపై వెళ్లేప్పుడు హెల్మెట్ వాడుతున్నారా.. ఈ జాగ్రత్తలు పాటించాల్సిందే..
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

