Hair fall | రోజూ ఈ గింజ‌లు తింటే మీ జుట్టు ప‌ట్టులా దృఢంగా అవుతుంది !!

Food for Hair fall | తిండిని బట్టే జుట్టు. కేశాలు అందంగా, ఆకర్షణీయంగా ఉండాలంటే.. మనం తీసుకునే ఆహారంలో పోషకాలు ఉండాలి. పళ్లెంలో విలువలు లోపించినప్పుడు జుట్టు రాలడం, పొడి బారడం తదితర సమస్యలు వస్తాయి. అలా అని, మార్కెట్‌లో దొరికే రకరకాల షాంపూలు, నూనెలు పట్టించడం కూడా సరైన పని కాదు. దానికి బదులు వివిధ రకాల గింజలు తినాలి. వాటిలో జుట్టు ఆరోగ్యాన్ని మెరుగుపరిచే పోషకాలు అపారం.

నల్ల నువ్వులు, తెల్ల నువ్వులలో విటమిన్లు, ఖనిజ లవణాలు, ఫ్యాటీ ఆమ్లాలు పుష్కలం. ఇవి జుట్టును దృఢంగా, కాంతిమంతంగా మారుస్తాయి.

కలోంజీ గింజలు జుట్టు కుదుళ్లకు బలాన్నిస్తాయి. కొత్త జుట్టు వస్తుంది. జుట్టు రాలే సమస్య తగ్గుతుంది.

పొద్దుతిరుగుడు గింజల్లోని వివిధ పోషకాలు ఫ్రీ రాడికల్స్‌తో పోరాడి, వాతావరణ కాలుష్యం వల్ల ఉత్పన్నమయ్యే సమస్యల నుంచి కేశాలకు రక్షణ కల్పిస్తాయి.

మెంతులు జుట్టు ఎదుగుదలకు తోడ్పడతాయి. ఇవి చుండ్రు సమస్యను త్వరగా తగ్గిస్తాయి. అందుకే మెంతులను కూరల్లో వాడటం మంచిది. మెంతులను నానబెట్టి ఆ నీళ్లను తాగితే మరీ మంచిది.

గుమ్మడి గింజల్లో జింక్‌, సెలీనియం, కాపర్‌, విటమిన్‌-ఎ, బి, సి ఉంటాయి. ఇవి జుట్టు పలుచబడకుండా కాపాడతాయి. అలాగే కేశాలునిగనిగలాడేలా చేస్తాయి.

జుట్టు రాలడాన్ని అరికట్టడంలో, జుట్టు ఒత్తుగా పెరగడంలో అవిసె గింజలు ఉపకరిస్తాయి. రక్తంలో చక్కెర స్థాయిని, కొలెస్ట్రాల్‌ను ఇవి నియంత్రిస్తాయి.

Read More :

Hair fall | జుట్టు ఎక్కువ‌గా రాలిపోతున్న‌దా.. ఈ టిప్స్ మీకోస‌మే !!”

“Dandruff | చుండ్రు స‌మ‌స్య‌తో బాధ‌ప‌డుతున్నారా? పెరుగుతో ఇలా చేసి చూడండి”

Hair fall | జుట్టు రాల‌డం త‌గ్గాలా? ఉల్లిగ‌డ్డ‌ల‌తో ఇలా చేస్తే స‌రి..”

Hair Loss : జుట్టు రాల‌డం ఆగాలంటే ఏం చేయాలి.. రోజూ షాంపూ పెట్టొచ్చా ?”