సబ్బులకూ గడువు

తినే పదార్థాల ఉత్పత్తుల మీది లేబుళ్లను అందరూ చదువుతారు. గడువు తేదీ ముగిసినా.. దగ్గరపడినా కొనుగోలు చేయరు. అయితే, ఈ ఎక్స్‌పైరీ డేట్‌ అనేది కేవలం తినే ఉత్పత్తుల మీదే కాదు.. మన శరీర అవసరాల కోసం వాడుకునే ప్రతిదానికీ వర్తిస్తుంది.

తినే పదార్థాల ఉత్పత్తుల మీది లేబుళ్లను అందరూ చదువుతారు. గడువు తేదీ ముగిసినా.. దగ్గరపడినా కొనుగోలు చేయరు. అయితే, ఈ ఎక్స్‌పైరీ డేట్‌ అనేది కేవలం తినే ఉత్పత్తుల మీదే కాదు.. మన శరీర అవసరాల కోసం వాడుకునే ప్రతిదానికీ వర్తిస్తుంది. సబ్బులు, షాంపూలూ.. దీనికి మినహాయింపు కాదు.

• గడువుతీరిన సబ్బులను వాడితే చర్మ సమస్యలు వస్తాయని వైద్యులు చెబుతున్నారు. ముఖ్యంగా వీటిలో యాంటి బ్యాక్టీరియల్‌ లక్షణాలు తగ్గిపోతాయట. కాలక్రమంలో సబ్బులో ఉండే రసాయనాలు విచ్ఛిన్నమైపోయి వాటి పీహెచ్‌ స్థాయుల్లో మార్పు వస్తుంది.
• ఇలాంటి సబ్బుతో స్నానం చేస్తే చర్మం మంటగా ఉండటం, పొడిబారడం, అలర్జీగా ఉండటం మొదలైన ఇబ్బందులు తలెత్తుతాయి.
• గడువుతీరిన ఉత్పత్తులు హానికరమైన బ్యాక్టీరియా, ఫంగస్‌ పెరగడానికి దారిచూపుతాయి. ఇది ఇన్ఫెక్షన్ల ముప్పును పెంచుతుంది.

తెలుసుకోవడం ఎలా?

• సబ్బు రంగు మారిపోయినా, సువాసన కోల్పోయినా దాన్ని గడువు తీరిపోయిందిగా గుర్తించవచ్చు.
• ఇక సబ్బు వాడకం విషయంలో కూడా మైల్డ్‌గా ఉన్నవి, సువాసన లేనివి వాడాలని వైద్యుల సూచన.
• ఫంగల్‌ ఇన్ఫెక్షన్లు, పొడిచర్మం సమస్యలు ఉన్నవాళ్లు గడువుతీరిన సబ్బుల విషయంలో మరీ జాగ్రత్తగా ఉండాలి.
• సబ్బును సరిగ్గా నిల్వ ఉంచడం ద్వారా దాని జీవితకాలాన్ని కాపాడుకోవచ్చు. తక్కువ తేమ ఉండే దగ్గర
  పెడితే సబ్బు మీద బూజు పెరగకుండా ఉంటుంది.