Visit:
Curry Leaves Water | కరివేపాకులను మ‌నం నిత్యం వంట‌ల్లో వేస్తుంటాం. వీటిని వేయ‌డం వల్ల వంట‌ల‌కు చ‌క్క‌ని రుచి, వాస‌న వ‌స్తాయి. అయితే కరివేపాకులను వంట‌ల్లో వేస్తారు కానీ తినేట‌ప్పుడు మాత్రం ప‌క్క‌న పెడ‌తారు. కానీ ఆయుర్వేద ప్ర‌కారం క‌రివేపాకులు మ‌న‌కు ఎంతో మేలు చేస్తాయి. ఈ ఆకుల్లో అనేక ఔష‌ధ గుణాలు ఉంటాయి. అవి మ‌న‌కు అనేక ఆరోగ్య ప్ర‌యోజ‌నాల‌ను అందిస్తాయి. అందువ‌ల్ల కరివేపాకులను రోజూ తినాల్సి ఉంటుంది. అయితే వీటిని నేరుగా తిన‌లేమ‌ని అనుకునేవారు ఈ ఆకుల‌ను నీటిలో వేసి మ‌రిగించి తాగుతుండాలి. దీని వల్ల కూడా అనేక లాభాల‌ను పొంద‌వ‌చ్చు. కరివేపాకుల నీళ్ల‌ను సేవించ‌డం వల్ల ప‌లు వ్యాధులు న‌యం అవుతాయి. అనేక పోష‌కాలు సైతం ల‌భిస్తాయి. ఈ నీళ్లు మ‌న‌ల్ని అన్ని విధాలుగా ఆరోగ్యంగా ఉంచుతాయి. క‌రివేపాల నీళ్ల‌ను రోజూ ఒక క‌ప్పు మోతాదులో ఏదైనా ఒక స‌మ‌యంలో తాగ‌వ‌చ్చ‌ని వారు సూచిస్తున్నారు.
కరివేపాకుల నీళ్ల‌ను తాగ‌డం వల్ల జీర్ణ స‌మ‌స్య‌లు త‌గ్గుతాయి. క‌రివేపాకుల్లో కార్మినేటివ్ గుణాలు ఉంటాయి. అందువ‌ల్ల ఇవి అజీర్తి, క‌డుపు ఉబ్బ‌రం, గ్యాస్ వంటి జీర్ణ స‌మ‌స్య‌ల‌ను త‌గ్గిస్తాయి. క‌రివేపాకుల్లో ఉండే ప‌లు స‌మ్మేళ‌నాలు జీర్ణాశ‌య ఎంజైమ్‌ల‌ను యాక్టివేట్ చేస్తాయి. దీని వల్ల జీర్ణ స‌మస్య‌ల నుంచి ఉప‌శ‌మ‌నం ల‌భిస్తుంది. క‌రివేపాకుల్లో ఐర‌న్‌, ఫోలిక్ యాసిడ్ స‌మృద్ధిగా ఉంటాయి. ఫోలిక్ యాసిడ్ వల్ల ఐరన్‌ను శ‌రీరం స‌రిగ్గా శోషించుకుంటుంది. దీనివ‌ల్ల హిమోగ్లోబిన్ స్థాయిలు పెరుగుతాయి. ర‌క్తం వృద్ధి చెందుతుంది. ర‌క్త‌హీన‌త త‌గ్గుతుంది. ర‌క్త‌హీన‌త‌తో బాధ‌ప‌డుతున్న‌వారికి కరివేపాకుల నీళ్లు ఎంతో మేలు చేస్తాయి. ఈ నీళ్ల‌ను తాగ‌డం వల్ల శ‌రీరం ఉత్తేజంగా మారి యాక్టివ్‌గా ఉంటారు. ఉత్సాహంగా ప‌నిచేస్తారు. నీర‌సం, అల‌స‌ట త‌గ్గుతాయి. క‌రివేపాకుల్లో ఉండే బ‌యో యాక్టివ్ స‌మ్మేళ‌నాల కార‌ణంగా శ‌రీరం ఇన్సులిన్‌ను మెరుగ్గా గ్ర‌హిస్తుంది. దీంతో షుగ‌ర్ లెవ‌ల్స్ త‌గ్గుతాయి. క‌నుక డ‌యాబెటిస్ ఉన్న‌వారు రోజూ కరివేపాకుల నీళ్ల‌ను సేవిస్తుంటే ఎంత‌గానో ప్ర‌యోజ‌నం ఉంటుంది. షుగ‌ర్ లెవ‌ల్స్ ను నియంత్ర‌ణ‌లో ఉంచుకోవ‌చ్చు.
క‌రివేపాకుల్లో ఫ్లేవ‌నాయిడ్స్, టానిన్స్‌, కార్బ‌జోల్ ఆల్క‌లాయిడ్స్ అనే శ‌క్తివంత‌మైన యాంటీ ఆక్సిడెంట్లు అధికంగా ఉంటాయి. ఇవి ఫ్రీ ర్యాడిక‌ల్స్‌ను తొల‌గిస్తాయి. దీని వల్ల ఆక్సీక‌ర‌ణ ఒత్తిడి, శ‌రీరంలోని వాపులు త‌గ్గుతాయి. దీంతో ప్రాణాంత‌క వ్యాధులు రాకుండా సుర‌క్షితంగా ఉండ‌వ‌చ్చు. కరివేపాకుల నీళ్ల‌ను తాగ‌డం వల్ల శ‌రీరంలోని చెడు కొలెస్ట్రాల్ త‌గ్గుతుంది. మంచి కొలెస్ట్రాల్ పెరుగుతుంది. ర‌క్త నాళాల్లో ఉండే అడ్డంకులు తొల‌గిపోతాయి. బీపీ నియంత్ర‌ణ‌లో ఉంటుంది. దీంతో గుండె జ‌బ్బులు రాకుండా అడ్డుకోవచ్చు. ముఖ్యంగా హార్ట్ ఎటాక్ రాకుండా సుర‌క్షితంగా ఉండ‌వ‌చ్చు. క‌రివేపాల నీళ్ల‌ను సేవిస్తుంటే యాంటీ ఆక్సిడెంట్లు, అమైనో ఆమ్లాలు స‌మృద్ధిగా ల‌భించి శిరోజాల‌కు పోష‌ణ ల‌భిస్తుంది. దీంతో జుట్టు రాల‌డం త‌గ్గుతుంది. జుట్టు పొడ‌వుగా, ఒత్తుగా పెరిగి దృఢంగా, ఆరోగ్యంగా ఉంటుంది.
అధిక బ‌రువు తగ్గాల‌నుకునే వారికి కూడా కరివేపాకుల నీళ్లు ఎంతో మేలు చేస్తాయి. ఈ నీళ్ల‌ను సేవించ‌డం వల్ల శ‌రీర మెట‌బాలిజం మెరుగు ప‌డుతుంది. క్యాల‌రీలు ఖ‌ర్చ‌వుతాయి. కొవ్వు క‌రుగుతుంది. అధిక బ‌రువు త‌గ్గుతారు. ఇలా కరివేపాకుల నీళ్ల‌ను తాగ‌డం వల్ల అనేక లాభాల‌ను పొంద‌వ‌చ్చు. అయితే ప‌లు రకాల అనారోగ్య స‌మ‌స్య‌లు ఉన్న‌వారు ఈ నీళ్ల‌ను తాగ‌కూడ‌దు. లో షుగ‌ర్ లేదా లోబీపీ ఉన్న‌వారు ఈ నీళ్ల‌ను తాగ‌కూడ‌దు. గ‌ర్భిణీలు, పాలిచ్చే త‌ల్లులు, అల‌ర్జీలు ఉన్న‌వారు, శ‌స్త్ర చికిత్స చేయించుకున్న వారు లేదా చేయించుకోబోయే వారు ఈ నీళ్ల‌ను తాగ‌రాదు. కరివేపాకుల నీళ్ల‌ను త‌యారు చేశాక అవ‌స‌రం అనుకుంటే రుచి కోసం అందులో కాస్త నిమ్మ‌ర‌సం, తేనె వంటివి క‌లిపి తాగ‌వ‌చ్చు. ఇలా ఈ నీళ్ల‌ను తాగితే అనేక ఆరోగ్య ప్ర‌యోజ‌నాల‌ను పొంద‌వ‌చ్చు.
