పిల్లల దంతాలకు రక్షణ చర్యలు

దంతాలు పాడవడం ఈరోజుల్లో పిల్లలు ఎదుర్కొంటున్న సాధారణ సమస్య. ఇద్దరు చిన్నారుల్లో ఒకరికి దంతాల సమస్యలు ఉంటున్నాయి. చాక్లెట్లు, మిఠాయిలు తినడం ఈ సమస్యలకు కారణాలని అంతా అనుకుంటారు. కానీ, డాక్టర్ల ప్రకారం సమస్యకు మూలం పిల్లలకు డబ్బా పాలు పట్టడంలో ఉందట. రాత్రుళ్లు పాలు తాగినప్పుడు పిల్లల దంతాల్లో అవి అలాగే ఉండిపోతాయి.

దంతాలు పాడవడం ఈరోజుల్లో పిల్లలు ఎదుర్కొంటున్న సాధారణ సమస్య. ఇద్దరు చిన్నారుల్లో ఒకరికి దంతాల సమస్యలు ఉంటున్నాయి. చాక్లెట్లు, మిఠాయిలు తినడం ఈ సమస్యలకు కారణాలని అంతా అనుకుంటారు. కానీ, డాక్టర్ల ప్రకారం సమస్యకు మూలం పిల్లలకు డబ్బా పాలు పట్టడంలో ఉందట. రాత్రుళ్లు పాలు తాగినప్పుడు పిల్లల దంతాల్లో అవి అలాగే ఉండిపోతాయి. దీంతో నోట్లో బ్యాక్టీరియా పేరుకుపోతుంది. ఎక్కువసేపు ఇలానే ఉంటే, అది దంతాల మీద ఉండే ఎనామిల్‌ పొరపై దాడిచేస్తుంది. అలాదంతక్షయం మొదలవుతుంది. అందువల్ల పిల్లల దంతాలు పాడవకుండా ఉండటానికి తల్లిదండ్రులు కొన్ని జాగ్రత్తలు తీసుకోవాలి.

ఏం చేయాలి?

• పిల్లలతో రోజుకు రెండుసార్లు బ్రష్‌ చేయించాలి.
• చాలామంది రోజూ పొద్దున లేవగానే, రాత్రివేళ బ్రష్‌ చేస్తూ ఉంటారు. కానీ, రాత్రి పడుకునే ముందు, పొద్దునే టిఫిన్‌ చేసిన తర్వాత చేయడం మంచిదని నిపుణుల సూచన.
• ఏదైనా తిన్న వెంటనే పండ్లు శుభ్రం చేసుకోవాలి. ప్రతిసారి బ్రష్‌ చేసుకోవడం కుదరదు కాబట్టి, కనీసం నీళ్లతోనైనా నోరు, దంతాలను శుభ్రం చేసుకోవాలి.
• ఇలా చేస్తే ఆహారం పండ్ల మధ్య ఇరుక్కోదు. దంతక్షయం నివారణ జరుగుతుంది.

ఎలా నివారించాలి?

• ప్రతిరోజూ రాత్రి తిన్న తర్వాత పండ్లు కడుక్కోవాలని పిల్లలకు చెప్పాలి.
• ఏవైనా తియ్యటి పదార్థాలు తిన్నవెంటనే నోరు కడుక్కోమని హెచ్చరించాలి.
• ఫ్లోరైడ్‌ ఉన్న టూత్‌పేస్ట్‌ వాడాలి.
• ఎప్పుడైనా సరే తిన్న తర్వాత పండ్లు శుభ్రం చేసుకోవడం తప్పనిసరి అని పిల్లలకు వివరించాలి.
• రోజుకు ఒక్కసారైనా ఉప్పు, నీళ్లు ఉపయోగించి దంతాలను శుభ్రం చేసుకోవడం మంచిది.