Diabetes | ఈ చిట్కాలు పాటిస్తే.. చక్కెర వ్యాధికి చెక్‌ పెట్టొచ్చు!

Diabetes | మధుమేహం... తీవ్రంగా మోగుతున్న ప్రమాదఘంటిక. శారీరక శ్రమ కరువైన జీవనశైలి, పోషకాలు అందని ఆహారం కారణంగా మధుమేహం చుట్టుముట్టే ప్రమాదం ఎక్కువ. దీనికి తోడు, భారతీయులు జన్యుపరంగా కూడా మధుమేహానికి దగ్గరి చుట్టాలు. ఈ సందర్భంగా మధుమేహాన్ని అదుపులో ఉంచుకునేందుకు కొన్ని చిట్కాలు..

Diabetes | మధుమేహం… తీవ్రంగా మోగుతున్న ప్రమాదఘంటిక. శారీరక శ్రమ కరువైన జీవనశైలి, పోషకాలు అందని ఆహారం కారణంగా మధుమేహం చుట్టుముట్టే ప్రమాదం ఎక్కువ. దీనికి తోడు, భారతీయులు జన్యుపరంగా కూడా మధుమేహానికి దగ్గరి చుట్టాలు. ఈ సందర్భంగా మధుమేహాన్ని అదుపులో ఉంచుకునేందుకు కొన్ని చిట్కాలు..

• ఆహారాన్ని తక్కువ మోతాదులో ఎక్కువ సార్లు తీసుకోవడం. చక్కెర ఎక్కువగా ఉండే పదార్థాలకు దూరంగా ఉండటం. రోజులో ఏం తిన్నాం, ఏం తింటున్నాం అనే అంచనా తప్పనిసరి.
• ఎంతోకొంత కదులుతూ ఉంటే ఒంటికి వ్యాయామం ఉంటుంది. కొవ్వు కరిగేందుకు, కండరాలు చురుగ్గా ఉండేందుకు, షుగర్‌ లెవల్స్‌ను అదుపులో ఉంచుకునేందుకు ఈ కదలికలు సహకరిస్తాయి.
• రోజంతా షుగర్‌ లెవల్స్‌ మీద దృష్టి పెట్టేందుకు అనేక సాంకేతిక పరికరాలు అందుబాటులో ఉన్నాయి. వాటి సాయమూ తీసుకోవచ్చు.
• నిద్రకు, మధుమేహానికి దగ్గర సంబంధం ఉంది. తగినంత గాఢ నిద్ర వల్ల శరీరానికి ఉపశమనం ఉంటుంది. షుగర్‌ లెవెల్స్‌ అదుపులో ఉంటాయి.
• ఒత్తిడి కారణంగా కూడా మధుమేహం పెరుగుతుందని చాలామంది గ్రహించరు. ఒత్తిడిని అదుపులో ఉంచేందుకు సంగీతం, నృత్యం, యోగా, ధ్యానం సహకరిస్తాయి.