నిర్లక్ష్యానికి మూల్యం మూత్రాశయ క్యాన్సర్‌ ముప్పు

మూత్రాశయంలో కణాలు నియంత్రణ లేకుండా పెరిగిపోయినప్పుడు మూత్రాశయ క్యాన్సర్‌ వస్తుంది. భారతదేశంలో మూత్రాశయ క్యాన్సర్‌ కేసులు పెరుగుతున్నాయి.

మూత్రాశయంలో కణాలు నియంత్రణ లేకుండా పెరిగిపోయినప్పుడు మూత్రాశయ క్యాన్సర్‌ వస్తుంది. భారతదేశంలో మూత్రాశయ క్యాన్సర్‌ కేసులు పెరుగుతున్నాయి. అయితే, ఇంతటి ఆరోగ్య సమస్యను చాలామంది పట్టించుకోకపోవడం ఆందోళనకరం. పర్యావరణ, వృత్తిపరమైన, జీవనశైలి కారణాల వల్ల ఈ సమస్య తలెత్తుతున్నది.

మితిమీరిన పొగాకు వినియోగం, పారిశ్రామిక కాలుష్యం, వ్యాధి నిర్ధారణ ఆలస్యంగా జరగడం లాంటివి మూత్రాశయ క్యాన్సర్‌కు దారితీస్తున్నాయి. ఇది స్త్రీలకంటే పురుషులలో ఎక్కువగా కనిపిస్తుంది. కాబట్టి, నిశ్శబ్దంగా ముంచుకొస్తున్న ఈ ముప్పు గురించి సత్వరమే తగిన కార్యాచరణ చేపట్టాల్సిన అవసరం ఉంది.

లక్షణాలు

• మూత్రంలో రక్తం పడటం.
• మూత్ర విసర్జన కష్టంగా ఉండటం.
• మూత్ర విసర్జన సమయంలో నొప్పి, మంట తలెత్తడం.

కారణాలు

• మూత్రాశయ క్యాన్సర్‌కు ప్రధాన కారణం ధూమపానం.
• కుటుంబసభ్యుల్లో మూత్రాశయ క్యాన్సర్‌ చరిత్ర ఉండటం.
• జన్యుపరమైన కారణాలు.
• ఆర్సెనిక్‌తో కలుషితమైన నీళ్లు తాగడం.
• పారిశ్రామిక రసాయనాలకు గురికావడం.

మూత్రాశయ క్యాన్సర్‌ ముప్పును నివారించుకోవడానికి కొన్ని జీవనశైలి మార్పులు చేసుకోవాలి. ధూమపానం వదిలిపెట్టడం, పారిశ్రామిక రసాయనాలకు గురికాకుండా చూసుకోవడం, ద్రవాలు (ఫ్లూయిడ్స్‌) ఎక్కువగా తాగడం, నాణ్యమైన పోషకాహారం తీసుకోవడం ద్వారా ఈ ముప్పు తగ్గుతుంది.