మ‌రో ప్రాణం నిల‌బెట్టిన యాపిల్ వాచ్ : హార్ట్ బ్లాకేజ్‌పై మ‌హిళ‌ను అల‌ర్ట్ చేసిన స్మార్ట్‌వాచ్‌

లేటెస్ట్ టెక్నాల‌జీతో యూజ‌ర్ల ప్రాణాల‌ను కాపాడే డివైజ్‌ల‌ను ప్ర‌వేశ‌పెట్ట‌డంలో యాపిల్ ముందువ‌ర‌స‌లో నిలుస్తుంది. తాజాగా యాపిల్ వాచ్‌లోని ఈసీజీ ఫీచ‌ర్‌తో ఓ మ‌హిళ ప్రాణాపాయం నుంచి బ‌య‌ట‌ప‌డిన ఉదంతం వెలుగుచూసింది.

న్యూఢిల్లీ : లేటెస్ట్ టెక్నాల‌జీతో యూజ‌ర్ల ప్రాణాల‌ను కాపాడే డివైజ్‌ల‌ను ప్ర‌వేశ‌పెట్ట‌డంలో యాపిల్ ముందువ‌ర‌స‌లో నిలుస్తుంది. తాజాగా యాపిల్ వాచ్‌లోని ఈసీజీ ఫీచ‌ర్‌తో ఓ మ‌హిళ ప్రాణాపాయం నుంచి బ‌య‌ట‌ప‌డిన ఉదంతం వెలుగుచూసింది. క్రాష్ డిటెక్ష‌న్ అల‌ర్ట్‌, శాటిలైట్ ద్వారా ఎమ‌ర్జెన్సీ కాల్‌, హార్ట్ రేట్ మానిట‌ర్ వంటివి యాపిల్ డివైజ్‌ల‌కు డిమాండ్ పెంచ‌డమే కాకుండా ప్రాణాపాయ ప‌రిస్ధితులు త‌లెత్తిన‌ప్పుడు యూజ‌ర్ల‌ను అల‌ర్ట్ చేస్తూ విలువైన ప్రాణాలను కాపాడుతున్నాయి.

మ‌హిళ‌లో గుర్తించ‌ని హార్ట్ బ్లాకేజ్‌ను యాపిల్ వాచ్‌లోని ఈసీజీ ఫీచ‌ర్ క‌నుగొని అల‌ర్ట్ చేయ‌డంతో ఆమెకు ప్రాణాపాయం త‌ప్పింది. ఇంగ్లండ్‌లోని గేట్స్‌హెడ్‌కు చెందిన ఎలిన్ థామ్స‌న్‌కు ఆమె యాపిల్ వాచ్‌లో గుండె ల‌య త‌ప్పుతోంద‌ని అల‌ర్ట్స్ వ‌చ్చాయి. ముందుజాగ్ర‌త్త‌గా ఆమె కార్డియాల‌జిస్ట్‌ను సంప్ర‌దించింది. దీంతో డాక్ట‌ర్ ఆమె గుండె ల‌య‌ను వారంపాటు ట్రాక్ చేసేందుకు హార్ట్ మానిట‌ర్ అమ‌ర్చారు. ఈ క్ర‌మంలో ఓ రోజు తాను నిద్ర‌లేవ‌గానే రెడ్ అల‌ర్ట్ వ‌చ్చింద‌ని, డాక్ట‌ర్‌ను క‌ల‌వాల‌ని సూచించింద‌ని ఎలిన్ చెప్పుకొచ్చారు.

ఆపై డాక్ట‌ర్‌ను క‌లిసి వాచ్ రికార్డు చేసిన రిజ‌ల్ట్స్‌ను చూపించాన‌ని తెలిపారు. ఓ రాత్రి ఎలిన్ నిద్రిస్తుండ‌గా ఆమె గుండె 19 సెకండ్ల పాటు ప‌నిచేయ‌క‌పోవ‌డంతో హార్ట్ మానిట‌ర్ ఆస్ప‌త్రికి అల‌ర్ట్ పంపింది. వెంట‌నే ఆమెను ఆస్ప‌త్రికి త‌ర‌లించి వైద్య ప‌రీక్ష‌లు నిర్వ‌హించ‌గా గుండెలో బ్లాక్‌లు ఉన్న‌ట్టు గుర్తించారు. దీంతో వైద్యులు ఆమె ప‌రిస్ధితి మెరుగుప‌డేందుకు పేస్ మేక‌ర్ అమ‌ర్చారు. యాపిల్ వాచ్ త‌న ఆరోగ్య ప‌రిస్ధితిని గుర్తించి స‌కాలంలో త‌న‌ను అప్ర‌మ‌త్తం చేసింద‌ని ఎలిన్ చెప్పారు. యాపిల్ వాచ్ త‌న ప్రాణాల‌ను కాపాడింద‌ని, ఇప్పుడు తాను ఈ వాచ్‌ను విడువ‌కుండా ధ‌రిస్తున్నాన‌ని అన్నారు. యాపిల్ వాచ్ అల‌ర్ట్ చేయ‌కుంటే తాను ప్రాణాల‌తో ఉండేదాన్ని కాద‌నే ఆలోచ‌న భ‌య‌పెడుతున్న‌ద‌ని ఎలిన్ గుర్తుచేసుకున్నారు.