Visit:
Apple Juice Benefits | మ‌న‌కు ఏడాది పొడ‌వునా అందుబాటులో ఉండే పండ్లలో యాపిల్ పండ్లు కూడా ఒక‌టి. మ‌న‌కు మార్కెట్‌లో యాపిల్ పండ్లు ఎప్పుడు అయినా స‌రే విరివిగా ల‌భిస్తాయి. దేశీయ యాపిల్ పండ్ల‌తోపాటు విదేశీ యాపిల్స్ సైతం మ‌న‌కు అందుబాటులో ఉన్నాయి. ఈ క్ర‌మంలోనే ఎవ‌రి స్థోమ‌త‌కు త‌గిన‌ట్లు వారు యాపిల్ పండ్ల‌ను కొనుగోలు చేసి తింటుంటారు. అయితే యాపిల్ పండ్లు ఖ‌రీదు ఎక్కువ‌గా ఉంటాయి. క‌నుక కేవ‌లం జ్వ‌రం వ‌చ్చిన‌ప్పుడు లేదా హాస్పిట‌ల్‌లో ఉన్న‌వారి కోసం మాత్ర‌మే ఈ పండ్ల‌ను కొని తింటుంటారు. కానీ యాపిల్ పండ్ల నుంచి జ్యూస్ తీసి రోజూ ఉద‌యం సేవించాలి. రోజూ ఉద‌యం బ్రేక్ ఫాస్ట్‌లో యాపిల్ జ్యూస్‌ను తాగ‌డం వ‌ల్ల అనేక ఆరోగ్య ప్ర‌యోజ‌నాల‌ను పొంద‌వ‌చ్చ‌ని వైద్య నిపుణులు చెబుతున్నారు. యాపిల్ జ్యూస్‌తో అనేక లాభాలు ఉంటాయ‌ని వారు అంటున్నారు.
యాపిల్ పండ్లలో అనేక యాంటీ ఆక్సిడెంట్లు ఉంటాయి. ఇవి శ‌రీరంలోని ఫ్రీ ర్యాడిక‌ల్స్‌ను నాశ‌నం చేస్తాయి. దీంతో ఆక్సీక‌ర‌ణ ఒత్తిడి త‌గ్గుతుంది. ఫ‌లితంగా క‌ణాలు డ్యామేజ్ అవ‌కుండా ఉంటాయి. దీంతో గుండె జ‌బ్బులు, క్యాన్స‌ర్ వంటి ప్రాణాంత‌క వ్యాధులు రాకుండా చూసుకోవ‌చ్చు. యాపిల్ పండును రోజూ ఒక‌టి తింటే డాక్ట‌ర్ వ‌ద్ద‌కు వెళ్లాల్సిన అవ‌స‌ర‌మే ఉండ‌దు.. అనే సామెత‌ను అంద‌రూ వినే ఉంటారు. అది అక్ష‌రాలా స‌త్యం అనే చెప్ప‌వ‌చ్చు. యాపిల్ జ్యూస్‌ను తాగుతున్నా కూడా అలాంటి ప్ర‌యోజ‌న‌మే క‌లుగుతుంది. ఈ పండ్ల జ్యూస్‌ను సేవించ‌డం వ‌ల్ల గుండె ప‌నితీరు మెరుగు ప‌డుతుంది. కొలెస్ట్రాల్ లెవ‌ల్స్ త‌గ్గిపోతాయి. ర‌క్త నాళాల్లో ఉండే అడ్డంకులు తొల‌గిపోతాయి. దీంతో గుండె ఆరోగ్యంగా ఉంటుంది.
అధిక బ‌రువు ఉన్న‌వారు రోజూ యాపిల్ జ్యూస్‌ను తాగితే మంచిది. దీని వ‌ల్ల ఎక్కువ సేపు ఉన్నా ఆక‌లి వేయ‌దు. కడుపు నిండిన భావ‌న‌లో ఉంటారు. దీంతో ఆహారం త‌క్కువ‌గా తింటారు. ఫ‌లితంగా ఇది బ‌రువు త‌గ్గేందుకు స‌హాయ ప‌డుతుంది. డ‌యాబెటిస్ ఉన్న‌వారు సైతం రోజూ యాపిల్ జ్యూస్‌ను సేవిస్తుంటే ఎంతో మేలు జ‌రుగుతుంది. యాపిల్ జ్యూస్‌లో ఉండే స‌మ్మేళ‌నాలు ర‌క్తంలోని చ‌క్కెర స్థాయిల‌ను త‌గ్గిస్తాయి. దీంతో డ‌యాబెటిస్ అదుపులో ఉంటుంది. యాపిల్ జ్యూస్‌ను రోజూ సేవించ‌డం వ‌ల్ల శ‌రీరంలోని వాపులు, నొప్పులు సైతం త‌గ్గిపోతాయి. దీంతో ఆర్థ‌రైటిస్ ఉన్న‌వారికి ఎంతో మేలు జ‌రుగుతుంది. కీళ్లు, మోకాళ్ల నొప్పుల‌ను త‌గ్గించుకోవ‌చ్చు.
యాపిల్ జ్యూస్‌ను రోజూ సేవిస్తుంటే చ‌ర్మం సైతం ఆరోగ్యంగా ఉంటుంది. చ‌ర్మ కాంతి పెరిగి మృదువుగా మారుతుంది. ముఖంపై ఉండే ముడ‌త‌లు, మ‌చ్చ‌లు పోతాయి. య‌వ్వ‌నంగా క‌నిపిస్తారు. అలాగే యాపిల్ జ్యూస్‌ను తాగితే జీర్ణ‌క్రియ మెరుగు ప‌డుతుంది. తిన్న ఆహారం స‌రిగ్గా జీర్ణ‌మ‌వుతుంది. గుండెల్లో మంట ఉండ‌దు. పొట్ట‌లోని గ్యాస్ సైతం త‌గ్గుతుంది. దీంతో కడుపు ఉబ్బ‌రం నుంచి బ‌య‌ట ప‌డ‌వ‌చ్చు. అలాగే మ‌ల‌బ‌ద్ద‌కం కూడా ఉండ‌దు. యాపిల్ జ్యూస్‌ను రోజూ తాగుతుంటే జీర్ణ వ్య‌వ‌స్థ ప‌నితీరు మెరుగు ప‌డుతుంది. ఈ జ్యూస్‌ను తాగ‌డం వ‌ల్ల క్యాన్స‌ర్ వ‌చ్చే అవ‌కాశాలు గ‌ణ‌నీయంగా త‌గ్గుతాయ‌ని సైంటిస్టుల ప‌రిశోధ‌న‌ల్లో వెల్ల‌డైంది. క‌నుక యాపిల్ జ్యూస్‌ను రోజూ ఉద‌యం తాగితే ఎంతో మేలు జ‌రుగుతుంది.
