Visit:
Pradeep Rawat | ప్రముఖ నటుడు ప్రదీప్ రావత్ మృతి పట్ల ఆంధ్రప్రదేశ్ ఉప ముఖ్యమంత్రి పవన్ కల్యాణ్ తీవ్ర సంతాపం వ్యక్తం చేశారు. ఆయన మృతి పట్ల దిగ్భ్రాంతి వ్యక్తం చేస్తూ తన ప్రగాఢ సానుభూతిని తెలియజేశారు.
ఈ మేరకు పవన్ కల్యాణ్ ఎక్స్ వేదికగా స్పందిస్తూ.. ప్రదీప్ రావత్ గారు మృతి చెందడం బాధాకరం. ఆయన ఆత్మకు శాంతి చేకూరాలని భగవంతుణ్ణి ప్రార్థిస్తున్నాను. హిందీతోపాటు తెలుగు, తమిళ, కన్నడ భాషల్లో నటించిన శ్రీ ప్రదీప్ రావత్ గారు ప్రతినాయకుడిగాను, పలు భిన్నమైన పాత్రలతో ప్రేక్షకుల్ని మెప్పించారు. నేను నటించిన ‘సర్దార్ గబ్బర్ సింగ్’, ‘కాటమరాయుడు’ చిత్రాలలో ఆయన ముఖ్య పాత్రలు పోషించారు. ప్రదీప్ రావత్ గారి కుటుంబ సభ్యులకు నా ప్రగాఢ సానుభూతి తెలియజేస్తున్నాను అని పవన్ పేర్కొన్నారు. హిందీ, తెలుగు సహా పలు భాషల్లో తనకంటూ ప్రత్యేక గుర్తింపు తెచ్చుకున్న ఆయన అంకితభావం ఎప్పటికీ స్మరణీయమని కొనియాడారు.
