పళ్లెంలో శత్రువులతో దుష్పరిణామాలెన్నో..

ఆరోగ్యకరమైన ఆహారంతోనే... ఆరోగ్యకరమైన మెదడు సాధ్యం. అయితే, మనం తెలిసో తెలియకో మెదడుకు హాని కలిగించే పదార్థాలు తింటాం. వీటిని, మరీ ఎక్కువ మోతాదులో తీసుకోవడం వల్ల దీర్ఘకాలంలో జ్ఞాపకశక్తి తగ్గిపోతుంది.ఆందోళన, కుంగుబాటు లాంటి అవలక్షణాలూ దాపురిస్తాయి. అలా మెదడు సామర్థ్యం దెబ్బతింటుంది.

ఆరోగ్యకరమైన ఆహారంతోనే… ఆరోగ్యకరమైన మెదడు సాధ్యం. అయితే, మనం తెలిసో తెలియకో మెదడుకు హాని కలిగించే పదార్థాలు తింటాం. వీటిని, మరీ ఎక్కువ మోతాదులో తీసుకోవడం వల్ల దీర్ఘకాలంలో జ్ఞాపకశక్తి తగ్గిపోతుంది.ఆందోళన, కుంగుబాటు లాంటి అవలక్షణాలూ దాపురిస్తాయి. అలా మెదడు సామర్థ్యం దెబ్బతింటుంది.

మద్యం వ్యసనంగా మారితే వినాశకారే. కాలక్రమంలో బ్రెయిన్‌ ఫాగింగ్‌ (దిమ్మ తిరిగినట్లు ఉంటుంది) కు దారితీస్తుంది. మద్యం తాగేవాళ్లకు దీర్ఘకాలంలో జ్ఞాపకశక్తి క్షీణత, కుంగుబాటు, ఆందోళన మొదలైన మానసిక సమస్యలు ముమ్మరిస్తాయి.

చక్కెరలు అధికంగా ఉండే పదార్థాలు క్యాన్సర్‌ కణాల పెరుగుదలకు దారి తీస్తాయి. జ్ఞాపకశక్తి మీద కూడా ప్రభావం చూపుతాయి.

రంగురంగుల ప్యాకెట్లలో విక్రయించే ప్రాసెస్డ్‌ ఫుడ్స్‌ తయారీలో ఉపయోగించే వర్ణాలు, రసాయనాలు తీవ్ర హానికరం. ఇవి మెదడుకు కీడుచేస్తాయి. వేయించిన (ఫ్రైడ్‌) ఆహారాలు పిల్లల్లో హైపర్‌ యాక్టివిటీకి కారణమవుతాయి.

రెడీ-టు-కుక్‌ పదార్థాల్లో కూడా యాడిటివ్స్‌, ప్రిజర్వేటివ్స్‌ ఎక్కువగానే ఉంటాయి. వీటిని మెదడు సంబంధ వ్యాధులైన అల్జీమర్స్‌ లాంటివాటికి ప్రేరకాలుగా గుర్తించారు.

జంక్‌ ఫుడ్స్‌లో ఎన్నో రసాయనాలు, కృత్రిమ రుచి కారకాలు కలుపుతారు. ఇవి మెదడు రసాయన గుణాలను మార్చేస్తాయి. ఆందోళన, కుంగుబాటు లాంటి మానసిక సమస్యలకు దారితీస్తాయి. పైగా వీటిలో ఉప్పు కూడా ఎక్కువగానే ఉంటుంది.

ఇక ఉప్పు అనారోగ్యాలకు బాటలువేస్తుంది.శరీరం, మెదడు పనితీరు మీద దుష్ప్రభావం చూపుతుంది. జ్ఞాపకశక్తి క్షీణతతోపాటు మరెన్నో సమస్యలకు మూలం అవుతుంది.

హాట్‌డాగ్స్‌ లాంటివి కూడా ప్రాసెస్‌ చేసిన ప్రొటీన్‌ ఆహార పదార్థాల కిందికే వస్తాయి. శరీరంలో కండరాల నిర్మాణానికి, కణాలు ఆరోగ్యంగా పనిచేయడానికి ప్రొటీన్లు అత్యవసరం. కాకపోతే ప్రాసెస్‌ చేసిన ప్రొటీన్‌ పదార్థాల్లో ఎన్నో యాడిటివ్స్‌ ఉంటాయి. కాబట్టి, వీటి విషయంలో జాగ్రత్తగా ఉండాలి.