Summer | సమ్మర్‌లో ఎలాంటి ఫుడ్‌ తీసుకుంటే మంచిది? వేటిని తినకూడదు?
Eat Food
వేసవి వచ్చేసింది. ఉష్ణోగ్రతలు పెరిగిపోతున్నాయి. ఈ మార్పునకు అనుగుణంగా ఆహార విధానంలో మార్పులు చేసుకోవాలి. శరీరానికి తేమనిచ్చే ఆహార పదార్థాలు, పానీయాలు, పండ్లు తీసుకోవాలి. దూరం పెట్టాల్సినవీ ఉన్నాయి.
శరీరాన్ని చల్లగా ఉంచే అద్భుతమైన పానీయం. ఇందులో క్యాల్షియం, ప్రొటీన్లు ఎక్కువ. మజ్జిగలోని ప్రొబయోటిక్స్‌ జీర్ణవ్యవస్థకు మేలుచేస్తాయి.
మొలకలు ప్రొటీన్స్‌, ఫైబర్‌ గనులు. తేలికగా జీర్ణమవుతాయి. వేడి వాతావరణంలో మంచి ఆహారం
: గోధుమలు, బియ్యానికి బదులుగా రాగి, జొన్నలు, క్వినోవా తీసుకోవచ్చు. వీటిలో ఫైబర్‌ ఆరురెట్లు ఎక్కువ. రక్తంలో చక్కెర స్థాయులను పెంచే గ్లైసెమిక్‌ ఇండెక్స్‌ తక్కువ. యాంటీ ఆక్సిడెంట్లు సమృద్ధిగా ఉంటాయి. దీంతో ఎండల్లో నిస్సత్తువ ఆవరించదు. నిలకడైన శక్తి లభిస్తుంది.
తర్బూజ, కర్బూజ, పీచ్‌, బెర్రీ, అంగూర్‌ పండ్లు శరీరాన్ని తేమగా ఉంచుతాయి. డీహైడ్రేషన్‌ దుష్ప్రభావాల నుంచి కాపాడతాయి.
కొబ్బరినీళ్లలో ఎలెక్ట్రోలైట్స్‌ సమృద్ధిగా ఉంటాయి. ఇవి శరీరానికి తక్షణ శక్తినిస్తాయి. వడగాలులు, అధిక ఉష్ణోగ్రతల నుంచి రక్షిస్తాయి.
డ్రై ఫ్రూట్స్‌ ఒంట్లో వేడిని ఉత్పత్తి చేస్తాయి. ఫలితంగా మొటిమలు, దద్దుర్లు వస్తాయి. రాత్రంతా నీళ్లలో నానబెట్టి తింటే మాత్రం మంచిదే.
మాంసాహారాలు వేడిని పెంచుతాయి. సాధ్యమైనంత వరకు నాన్‌వెజ్‌ తగ్గించాలి. వేడి వాతావరణంలో మాంసం త్వరగా కుళ్లిపోతుంది. విషతుల్యంగానూ మారవచ్చు.
కాఫీ, టీ రెండిట్లోనూ కెఫీన్‌ అధికం. ఇది శరీరాన్ని డీహైడ్రేట్‌ చేస్తుంది. మోతాదుకు మించితే శరీరంలో వేడి పెరుగుతుంది. అది నిద్రకు చేటు చేస్తుంది. కడుపు ఉబ్బరాన్ని పెంచుతుంది. తేన్పులు ఎక్కువగా వస్తాయి.